حبيتها المجرمة

الشرسة والبارد

وقفو الاختين يبكو وهنن عم يشوفو ايدين ابوهم عن تتصفد بلاصفاد.. المنظر هاد هيج مشاعر الاخت الكبيرة وهجمت متل اللبوة ودفشت الشرطي وقالت بقوة وزئير اسد : ابوي مو مجرم لحتى تكلبشو هيك.. شيل الاصفاد.. من ايده..
تطلع الشرطي بلضابط اللي كان حاطط ايديه خلف ظهره.. ورفق بحالها اشر للشرطي انو يطالعو بلسيارة بلا اصفاد.. وبلفعل.. طلع الاب وبعيونو في دموع..
قربت من ابوها وقالت بصوت باكي: بابا انتبه عل حالك ولا تخاف علينا انا واختي رح نكون بخير... انت بس انتبه عل حالك..
الاب ببكاء : انتبهي عل اختك يافرح واهتمي فيها..وانتبهي عل حالك.. استودعتكم عند الله..
تحركت السيارة وفرح دموعها زادو بلبكاء... اكتر واكتر..
وفجأة وكأنو انردتلها القوة قامت متل الاسد الجريح.. ومشيت لعند اختها وقالت : قومي نروح عل بيت
راحو عل بيتهم اللي مؤلف من ثلاث غرف نوم ومطبخ بسيط وحمام.. وغرفة جلوس... قعدت مريم عل كنبة وصارت تبكي..
عصبت واغضبت فرح كتير وقالت: مو قلتلك لا عاد ًتبكي..
مريم ببكا : كيف بدك ياني ما ابكي وابوي عاملو متل كانو اخدين مجرم.. ؟؟
صرخت فرح بغضب : ما فشرو.. ابوي.. كان عم يدافع عن شرفو.. مو مجرم واقلعي عين اللي بيقول غير هيك..
مريم بكيت : خايفة يا فرح لا يحكمو عليه بالاعدام او بشي..
فرح قعدت علكنبة بقلة حيلة بس ما فرجت اختها..
بعد شوي حبت ما تخلي اختها تضل عل هل حالة وقالت : يلا قومي درسي الامتحانات عل الابواب..
مريم : كيف بدك ياني.. ادرس وابوي بمحنة.. ؟؟
فرح: بلعكس يا هبلا ابوكي بيرتاح اذا عرف انك عم تدرسي.. يا غبية لازم ندرس من شان نساعد ابوكي.. يلا حبيبتي قومي غسلي وجهك ويلا عل دراسة..
مريم وهي هم تمسح دموها: حاضر..

بلمخفر..
طلال : وينك يااخي بدقلك من اسبوع ما عم ترد.. ؟؟
ادم : معلش اعذرني.. كنت عم باخد اختي عل سوق.. عرسها قرب..
بس انت ليش هيك مهموم ومعصب.. ??
طلال بتنهيدة : تركها عل الله.. الغولي الاجازة..
ادم: ليش؟؟
طلال : طلعتلي قضية جديدة.. رجل متهم بقضية قتل... شخص كان عم يحاول يتحرش ببنتو.. فضربو بلعود لحد ما مات.
ادم : لا حول ولا قوة الا بالله.. طيب.. حولي القضية.. انا متفرغ ما عندي. شي..
طلال : لك لا خلص ما بدي تعبك معي..
ادم : لا تعب ولا شي.. خلص خود الاجازة وروح فسح مرتك اللي من يوم ما تزوجتها وانت هون اربعة وعشرين ساعة.
ابتسم طلال وحط قدامو ملف : هاد في اقوال الشهود.. كلهم.. وادلة عل الجريمة رح تساعدك فيهم..
ادم : خلص تركهم عندك ما رح يهموني رح اعيد كلشي من الاول..
طلال : طلعو معي بطلوع الروح..
ادم : خلص قلتلك رح عيد التحقيق..
طلال هز راسو : خلص عل راحتك.. الله يعينك.. بنتو عنيدة كتير وراسها يابس.. انتبه منها.. ممكن تهزأك..
ضحك ادم : الله بيسرلي.
صرخ للعسكري اللي برا وقال.. : هي ورقة فيها اسماء الشهود للقضية بدي اعرف موقع كل واحد فيهم..
قدم العسكري تحية وطلع..

فرح عمرها 22 ..بتدرس حقوق.. وجميلة بشكل جذاب.. عيونها فضيات.. وبشرتها بيضا ومتل الحرير.. شعرها قصير كستنائي.. وعنيدة كتير وبتظهر نفسها قوية رغم مشاعرها الهشة ورغم كونها حساسة بس ما بتخلي ضعفها يظهر لحدا.. كل الناس اللي عرفتها قالو عنها قد مية رجال.. بتتحجب وبتلبس عباية..
ادم 30 ..ضابط في الامن الداخلي.. طويييل وجسمو رياضي بحكم شغلو اسمراني.. برونزي.. وشعرو بني مع عيون خضرا.. لطيف وحنون.. وبيتعامل برفق مع كل الناس.. وهادي كتيرر.. بس عليه ندالة.. ولما بيعصب ما بيعرف حدا ولا حتى امو...