حبيتها المجرمة

ل

سارا وفرح ومريم وام سيف.. وعم يرتبو ويظبطو حالهم.. وسلطان خطيب سارا كان كل شوي يتطمن عليها ويدقلها..
ابتسمت فرح وهي عم تطلع عليها وقت تحكي معو برومانسي لانو تذكرت ادم..
نزلت راسها وصارت تلعب بلخاتم الخطوبة اللي اشترالها اياه... وابتسمت لحتى صار وجهها احمر.. لكزتها اختها وقالت بمكر : بشو عم تفكري يا وسخة.. ؟؟
ضربتها عل كتفها وقالت: شو دخلك؟؟
ضحكت مريم وقالتلها : اي تعالي نرتب اشكالنا..
وبعد كم ساعة.. رجعو عل البيت ولبسو وخلصو.. ودقو لادم من شان يجي ياخدهم..
طلب من مريم انو تفتحلو الباب قبل ما تلبس فرح العباية لانو حابب يشوفها...
لبست فرح فستان لونو اسود وموديل سمكة.. وكلو عم يلمع.. وكتافو ساحلين. .وعاملة شعرها بشكل كعكة راقية ومكياج هادي وابرز جمالها...
مريم كانت لابسة فستان فيروزي بناتي ماسك عند الصدر ومنفوش من تحت وعاملة شعرها كيرلي.. ومكياج مناسب للحفل..
واما سارا كانت متل الفراشة بفستانها الؤلؤلي.. ومزين بكريستالات... والطرحة اللي مثبتة تحت شعرها الاشقر.. المرفوع.. مع مكياج كتيييير حلو..
ركضت مريم لعند فرح وقالتلها تعالي نتصور لوقت يجو.. لانو ما رح نلاقي وقت..
فرح: يلا..
مريم : لا مو هون..بلغرفة التانية..
رفعت فرح كتافها بلامالاة ومشيت مع اختها لماكرة..
دخلو عل الغرفة.. ضربت راسها مريم وهي عم تقول.. : نسيت الفون.. رايحة جيبو..
طلعت مريم.. وسكرت الباب.. قربت فرح من الشباك ولمحت سيارة ادم فكرتو اجا... بهديك للحظة انفتح الباب.. وكانت فرح ملصوقة عل الشباك قالت: مريم.. حزري ايش؟ اجا ادم.. تعا..
وانقطعت جملتها لما التفتت وما شافت مريم... ادم.. ببدلتو الرسمية السودا.. والقميص الابيض.. والساعة فويس روي.. وشعر مصفف بطريقة عصرية.. وريحة بتشل.. ونظرات نارية.. وابتسامة هادية.. كانت كل هل اشياء كفيلة انو تخلي قلب فرح في حالة معركة وسباق وصراع بين دقات قلبها و نفسها...
تطلع ادم فيها بنظرات جريئة.. وقيمها من فوق لتحت... وابتسم ابتسامة رضا عن اللي شافوو.. بس اكيد ادم افندي ما بيوقف الحكي معو لهون.. سكر الباب.. وقرب منها وهي تمسمرت بمكانها من التوتر.. مشي بخطوات هادية وراكزة.. ووقف امامها مباشرة... راسها امام صدرو وعيونها ما عم تشوف غير الارض.. ومو قادرة ترفعو من لخجل والتوتر.. واما هو عم يتطلع فيها بنظرات حب.. من فوقها... نزل لمستوى رقبتها واستنشق ريحتها وغمض عيونو باستمتاع.. نزل اكتر وباس كتفها.. ورفع راسها باصابعو وقال بهمس هادي : ليش خايفة؟؟
فرح بتلعثم وخجل عم تحاول تخفيه بلغضب : ااانا.. مو.. مو خايفة.. انت... وتنهدت... اما مو خايفة.. انا بس متوترة..
ادم: من ايش؟؟
فرح: يعني هي اول مرة بحضر هيك حفلات..
ادم : وما رح تكون الاخيرة من شان هيك استمتعي.
فرح : امم..
ادم :شو هل حلا.؟؟
بعدت فرح وحاولت تتخطاه بس هو مسك كتافها ولفها لامامو.. وتطلع فيها.. بعدين مسك ايدها اليمين واخد الخاتم.. ورجعها لبسها ياه بليسار.. وقال : لو سمحتي بس اليوم لبسيه بهي الايد... اذا حدا بيطلبك بس رح يجن جنوني.. ما بالك اذا كنتي مخطوبة...
ابتسمت بعملية من شان تتخلص منو ومن قربو بس فاجئها لما كور وجهها وقال : بتعرفي.. اني.. بحبك.. اكتر من اي شي بالدنيا...
وباس جبينها ورجع همسلها بحبك وباس انفها... ورجع همسلها بحبك وباس شفايفها برقة.. وبعد عنها وهو عم يبتسم... وهو مغمضة عيونها..
انتفضت وقت سمعت صوت الباب عم يندق.. فضحك هو عل ردة فعلها وقال: يلا خلينا نروح.. لان شوي تانية رح يبثولنا غاز سام..
ابتسمت بخجل ومشيت معو.. وقرب ادم من اختو.. وباس جبينها وقال : الله يسعدك يااختي.. وان شاءالله كون ما ظلمتك ابدا.. ويكون سلطان متل ما تمنيتيه..
ضمها وقال : تذكري انو باي وقت بتحتاحيني فيه.. رح كون موجود.. ورح اسندك.. ولا تفكري انو انا رح انسحب في حال لا قدر الله حدا اذاكي..
لبسو عباياتهم.. ولبست سارا جاكيت لعروس.. ونزلت عل درج وشافت بنات عماتها وصولو من شان يروحو معها...
طلعو بسيارة ادم سارا وفرح ومريم وامو.. وبنات عماتو مع اخواتهم.. وطبعا البنات بنات عماتو.. اول مرة كانو بيشوفو مريم وفرح..
ووصلو للحفل.. ونزلو من السيارة وقرب سلطان.. مسك ايد سارا وتطلع فيها بحب.. ودخل معها..
ادم مسك ايد فرح وقال : خلي عينك عل موبايل من شان اجي اخدكن بس تخلصو.
هزت راسها بموافقة وراحت...
ودخلوا عل القاعة استقبلتهم ام لعريس بابتسامة مشرقة وزغردو من الفرحة اخوات سلطان.. وطبعا سلطان كان ماسك ايدها بقوة وهو عم يبوس ايد امو بلطف.. دخل هو وعروستو عل الساحة وصارو يرقصو.. ومريم وفرح عم يشوفوها بابتسامة صادقة بلمحبة..
وقضو السهرة كلها وفرح عم تحاول تصد النظرات وكل ما تنتبه انو في ست عم تطلع فيها تلعب بخاتمها بطريقة واضح انو عم تورجيهم خاتمها..
واما مريم تعرفت عل بنات كتير.. وهيك..
وباخر الحفل.. طلع سلطان ودخلو سيف وادم.. ليرقصو مع اختن.. وقف ادم وهو عم يبتسم ويتطلع على الناس اللي امامه.. وعم يدور عليها بعيون.. وسمعت صوت النسوان اللي جنبها عم يحكو...
..: هاد اخوا..
..: ياااي شو حلو..
..: اي والله وسمعت انو مو متزوج..
..: لا بس مخطوب..
..: اي بيجوز يتقاتل مع خطيبتو ويتركو.
فورت فرح من هاد الحكي.. وكانت رح تروح يس وقفت لما سمعت صوت ادم عم يندهلا من خلال الضجة التفتت عليه وتطلعت بلنسوان وابتسمت بنصر وقربت لعندو.. نزل من عل ستايج ومسك ايدها وساعدها لتطلع.. وفرح العيون الحاسدة كانت رح تاكلها اكل..
حاوط خصرها تملك وهو عم يبتسم.. وصارو الناس يزلغطو..
وزفو سارا ما اخوانها.. وصارو يرقصو كلهم بفرحة.. ويعد نص ساعة كان لكل للسيارات وراجعين عل بيت و مهدود حيلهم من التعب..
دخلت فرح عل البيت وهي ماسكة كندرتها بايدها من التعب..