حبيتها المجرمة

حبي

كانت فرح ومريم.. قاعدين بلصالون.. عم يشوفو التي في.. لما دخل ادم وقعد بعيد عنهم وقال : شو عم تشوفو..؟؟
مريم : موفي..
ادم هز راسو وتطلع بفرح بزاوية عينو... واما فرح كانت حاسة عليه بس مطنشة.. دخلت سارا وهي عم تتصنع الحماس وقالت: مريم مريم.. تعالي معي بسسسسرعة...
مريم : شو في؟؟
سارا: تعي تعي..
فرح: اجي عادي؟؟
سارا: لا شي خاص ..
قامت مريم ولوت بوزها فرح ..ولما طلعو خلي الجو ..وما ضل غير ادم وفرح ..وادم مبسوط انو مريم ما عاندت وراحت مع اختو ...واول ما طلعو ركض وقعد جنبها وحاوط كتفها بايدو ..وقال : ما شتقتيلي ..؟؟ انا شتقتلك..
فرح ببرود : لا ما اشتقتلك...كل يوم انت بوجهي شلون رح اشتقلك..؟؟
ادم بخيبة : يعني ما قلتي لحالك...عجب كيفو زوجي...شو اخبارو زوجي..؟؟
فرح. : يا سلام..ويييين لسا ما تزوجنا...؟؟
ادم : لا تزوجنا بس لسا الحفلة ما عملناها..
فرح: اممم تصبح عل خير ..
ادم : لااااا وين؟؟ ..صحي بدي اقلك ما شفتي غرفتنا..؟؟
فرح: اي غرفة ؟؟
ادم : غرفتنا النوم
فرح بعصبية : عفوا ..؟؟ ما بسمحلك...وقف عند حدودك..
ادم : هي هي وين حدود.. ؟؟حبيبتي.. اذا بدي هلق باخد حقوقي الزوجية منك وما حدا الو كلمة عندي فهمتي ولا لا..
فرح بسخرية : لا ما فهمت..
ادم حط ايدو تحت راسها وايد تحت ركبها ورفعها.. وتمسكت هي فيه من خوفها :شو عم تعمل با مجنون.؟؟
ادم : هلق بورجيكي هل مجنون شو رح يعمل فيكي.. ؟؟
فرح خافت: لا ادم لو سمحت لا تعمل شي.. لا تخليني اكرهك..
ادم : ما رح اعمل شي.. لا تخافي..
ووصلو للغرفة فتحها ودخل وسكر الباب وقفلو.. وهو ارتعبت منو موت.. شلحت شبشبها ورفعتها.. وهي عم تقرب للشباك.. : ليك يا ادم قسما بالله اذا بتلمسني.. رح ارمي نفسي..
ادم ضحك: لا تخافي ماني حقير اعمل شي بدون ارادتك...
ما امنت وضلت واقفة عند الشباك..
ادم تطلع فيها: طيب خلص خليكي عندك انا بس بدي ورجيكي شي...
فرح : شو؟؟
ادم فتح باب خزانتو... وطالع منها.. علبة.. وقربها منا وقال : افتحيها..
مسكتها فرح بخوف.. وهي عم تطلع فيه.. ادم رفع حواجبو بمعنى يلا..
نزلت فرح ايدها تطلعت بادم وقالت: احلف انو ما رح تعملي شي..؟؟
ادم : والله ما رح اعملك شي..
فرح تنهدت براحة : يلا..
قعدت عل سرير.. ومسكت العلبة وفتحتها... وشافت داخلها عقد الماس.. واسوارة من نفس الموديل وخاتم بيشل من كتر مو حلو.. تطلعت فيه فرح وقالت: هاد الي. ؟؟
ادم : لا والله لرفيقتي.. يعني لمين بدو يكون.. اكيد الك...
قعد جنبها علسرير وهي عم تطلع فيه.. ومبسوطة وقالت بعد مدة : شكرا.. عنجد..
حك شعرو بتوتر.. وقال : انتي ب تستاهلي اكتر..
وقفت وقالت: بدي تخليه عندك ليوم العرس.. ممكن.. ؟
ادم : اي اكيد..
واخدو منها وفتح باب خزانتو وحطو فيه.. والتفت عليها... كانت واقفة عند الباب.. عم تنتظرو ليفتحاها.. وهو ما حب يضغط عليها.. فقرب ليفتح الباب.. وقبل ما يفتح الباب حطت ايدها عل ايدو.. وتطلعت فيه.. وهو كان مستغرب..قربت منو وباست خدو.. وقالت: عنجد شكرا... لانو انت هيك..
ادم غمض عيونو.. وقال : فرح طلعي انتي بيجوز ما اتحكم بنفسي..
ارتعبت وفتحت الباب وطلعت سكر الباب وراها واستند عل الباب و غمض عيونه باستمتاع وشعور حلو عم يغزو قلبو..
بعد مدة نزل... وهو لابس بيجاما منزلية مخليتو شغلة.. شاف البنات كلهم قاعدين. .تطلع بلساعة وقال :وين امي؟؟
سارا اللي كانت عم تحكي مع فرح قطعت حديثها وقالت: هي عند خالتي وما رح ترجع اليوم..
ادم : ليش. ؟؟
سارا : خالتي عندها مشكلة.. وزعلانة كتير وامك... ضلت لتواسيها..
ادم هز راسو وتطلع حوليه وكملو حديثهم البنات.. قرب لجنب فرح وقعد جنبها... ومسك الريموت وصار يقلب بلقنوات وعم يستمع لحديثهم...
سارا : انا اكتر اكلة ما بقدر اقاومها البطاطا المقلية..
مريم :اي اي واذا معها كتشاب... وااو..
فرح : اممم.. بس بحب الحلو اكتر يعني يا سلام عل نوتيلا.. طول الوقت باردة وبايدك.. ولا هريسة.. ياااعيييين.. بس اكتر شي بحبو للتاريخ..الييبسي..
ادم كان عامل حالو مو منتبه وعم يشوف تي في.. بس ادنيه معها بدو يعرف شو بتحب وشو ما بتحب... شو بدها وشو ما بدها... ؟
اكتشف انو حبيبتو.. من لنوع القوي... شخصية جبارة.. ممكن انو تكون بتعشقك بس ما تخليك تعرف... وممكن انو تكون بتكرهك للسما... وما تخليك تعرف... شخصية مو موجود الا بلافلام.. والخيال.. ما كان يتوقع انو تكون رائعة لهي الدرجة.. بس كل هل قوة والجبروت اللي هي فيه... داخلها في قالب زجاج ورقييييق.. يعني ممكن انو تنكسر يين ايديه بدون ما يحس..
صحي عل صوت سارا وهي عم تصرخ فيه: ادددددددم..
ادم : ها ها شو؟؟
سارا: وين كنت سرحان؟؟
تطلع بفرح شافها عم تطلع فيه وكانو عم تستنا اجابتو : لا ولا شي.. هيك موضوع بلشغل..
سارا: اهاااا.. طيب
ادم: انتي مو عرسك بعد يومين شو عم تعملي. ؟؟
سارا: اي اتفقت مع فرح من شان ننزل نجهزها بكرا انا وامي.. لانو انا جهازي خالص بس هي لسا ما تجهزت وعرسها بعد يومين من عرسي..
ادم تطلع بفرح: اي بكرا معناها انا رح اخدكم...
سارا: اوك...
فرح: ما في داعي والله لتعملو كل هاد؟؟
ادم : اي مشي خلص معناها ما عاد تنزلي... عم تمزحي.. لازم تتجهزي متل العادة بدي ياكي تكوني عل اخر طرز..
فرح سكتت بحزن لفح عيونها فجأة..
ادم انتبه بس ما حب يحرجها.. ورجع يتابع التي في... لحتى صار نص الليل... قامت فرح عل البلكون لتتفرج عل سكون الليل... تطلع حولو.. وشاف سارا و مريم مشغولين بلفيلم..
طلع وراها.. وشافها مستندة عل الحرف.. وشعرها عم يطير من النسمات اللي عم تلعب فيه..
وقف جنبها وقال : شبك؟؟ ليش زعلانة؟؟
فرح : ولا اشي..
ادم : معناها في شي..
ضحكت ضحكة سريعة وصمتت لفترة وبعدين قالت: اشتهيت ابوي يكون موجود.. واتزوج متلي متل البنات... ما كنت متوقعة اني اتزوج هيك.
ادم : يعني انتي مزعوجة لانك تزوجتيني؟؟
فرح: لا اكيد لا..
وتطلعت فيه شافت الخذلان بعيونو ابتسمت وحطت راسها عل كتفو : انت عم تخليني اتحمل اللي عم بيصير..
ابتسم وحاوط جسمها بايدو وشجع نفسو وسالها: بتحبيني؟؟
ارتفعت حرارة وجهها واشتعل جسمها وتسارعت دقات قلبها.. وتسارع تنفسها.. غمضت عيونها.. ورجعت فتحتهم.. وخججججلت موت اتصنعت العصبية وقالت: اكيد لا.. مين مفكر حالك؟
تطلع فيها بابتسامة هيام ومكر بنفس الوقت : قديمة.. حركاتك صارت قديمة... وجهك احمر وعم تتلعثمي.. وحرارة وجهك ارتفعت معناها..
قاطعتو: تصبح عل خبر..
شدها من ايدها: لا ما في تصبح عل خير... تعالي لشوف.. ما في تروحي لحتى تقوليها..
دفشت ايدو وبعدتها عنو... ركضت.. ركض وراها... طلعت برا الفيلا.. وصارت تركض... وكمان هو وراها.. ضحكت وهي عم تطلع فيه وتركض: نسيت اقلك انو انا كتير سريعة وما رح تقدر تلحقني..
ركض بسرعة وراها ارتعبت منو وركضت اسرع وهي عم تضحك..
وبلشت المطر.. نزلت بغزااااااارة فظيعة. صرخ فيها من بعد ما تعب من الركض وراها: خلص با مجنونة تعالي لهون.. هلق بتمرضي..
فرح: لا ما رح امرض... اذا انت خايف. روح.
وقف وانحنى... وهو عم يلهث ووقفت هي كمان ورفعت ايديها وهي عم تبتسم وابتلت كاملا.. : شوف المطر ما احلاه.. استمتع بهاد الجو لانو الاحلا..
كانت لابسة فستان منزلي.. التصق بجسمها من البلل.. صارت ترقص تحت المطر.. وهي سعيدة.. وقف للحظة وتاملها... وشاف فيها شي مختلف.
قرب منها بهدوء ومسك معصمها وهي عم ترقص.. وتطلع فيها بطريقة خلتها ترتعش.. ضلو هيك لثواني.. لحد ما كور وجهها وقرب منها وباسها بلطف.. اندمجت هي معو وما قدرت تقاومو.. حطت ايديها عل ايديه... بدون اي حرجة تانية.. باسها بشغف وحب.. ورومانسية... وبعد لحظات بعد عنها وحط جبينو عل جبينها وهمس. : ب ح ب ك
فتحت عيونها وبعدت عنو وتطلعت فيه.. امام هو ابتسم وبانت ابتسامتو تحت المطر وقال : اي بحبك.. اش اعمل..؟ حبيتك.. لا لا كمان.. عشقتك.. لوين اروح.. اشتكي عليكي عند مين.. خليتي حالتي حالة.. انا صاحب الهيبة.. اللي كل الناس بتعملي حساب وبتخاف مني.. انتي جننتيني وخليتيني اركض تحت المطر معك..
ابتسمت وقالت: صدقني الحياة ما حدا عرفان شو قيمتها الا المجانين..
ومسكت ايدو.. وشدتو وراها لداخل الفيلا..
تطلع فيها وسودت عيونو.. انتبهت هي لسكوتو الغريب... تطلعت فيه شافتو عم يتفحصها بنظرات عيونو.. وتطلعت عل حالها وشافت الفستان راسم جسمها رسم.. حطت ايديها امامها.. وقالت: يا قليل الادب..
ضحك بقوة وهو عم يشوفها كيف عم تطلع عل غرفتها..
طلعت.. وتنهدت بقوة.. وتطلعت فوقها شافت الفراشات اللي بتطلع للانسان السعيد عم يطيرو فوقها.. مسكت المنشفة.. وبلشت تنشف شعرها... عطست بقوة.. وراحت لخزانتها طالعت بيجاما.. ولبستها ونامت..
تاني يوم الصبح.. فاقو الكل..وكانو قاعدين عل السفرة.. ومريم وسارا عم يتناقشو من شان مواضيع.. العرس اللي رح يكون تاني يوم.. نزل ادم.. وما شاف فرح سال بتوتر: وين فرح؟
مريم : بلغرفة ..الصبح فيقتها بس انت بكم كلمة ما فهمت عليها شو بدها.. ونزلت...
طلع ادم.. ودخل.. قرب منها وشافها نايمة بغرقان.. ما حب يصحيها.. وكان بدو يطلع بس استوقفو صوتها وهي عم تان.. قرب منها.. حط ايدو عل راسها شاف حرارتها مرتفعة ارتعب.. وشالها بحرامها
نزل لتحت مريم ارتعبت وصرخت: شو؟؟
ادم : ساعديني تعالي افتحيلي الباب..
ركضو فتحولو الباب..وكمان باب السيارة.. وطلع هو وفرح.. ومريم.. وحرك لاقرب مشفى..
وهنيك ركض فيها لغرفة الطوارئ.. دخلو الدكتورات لعندها لانو ادم ما سمح لولا.. دكتور انو يشوفها...بعد حوالي التلات ارباع الساعة طلعت الدكتور.. واشفقت عل حالة ادم للي كانت صعبة كتير كان متل المجنون عم يروح ويجي..
ضحكت الدكتور وقفت شافتو عم يركض لعندها.. عصب بقوة وقال : يعني شايفة شي بيضحك كتير مثلا.. ؟؟
قالت الدكتورة بعد ما حاولت تتمالك نفسها: يعني انت ليش خايف.. هي اخدة برد وهي كل القصة جبتها عل الطوارئ و حسستني انو عنجد البنت فيها شي.. هي بس متوعكة شوي.. ورح تطيب بعد يومين..
ادم تنهد وفتح عيونو وقال: يعني هي منيحة.. ؟؟
حطت الدكتورة ايدها عل كتفو وقالت: الحمدلله.
دخل ادم بسرعة لعندها وشافها متسطحة ووجها احمر وشعرها منثور حولها.. قرب منها ومسك ايدها وقال : رعبتيني عليكي..
ابتسمت بوهن وقالت: اكيد عملتلنا فضيحة برا...
نزل راسو وقال : اي والله فكرت صرلك شي؟؟ ما عاد اخليكي تمشي تحت المطر لو شو ما صار..
فرح ضحكت.
سكت شوي وهو عم يشوفها كيف عم تضحك.. وسكتت فرح لما ما عاد سمعت صوتو.. قرب منها وباس جبينها قال بدون ما يفصل شفايفو عن بشرتها وبهمس حلوووو: بحبك..
ابتسمت فرح لا اراديا وحمرت بزيادة من الخجل... وقالت: بدي اروح عل بيت...
ادم : لا لازم تضلي هون شوي..
فرح بعناد : ادم انا اذا ضليت هون كمان شوي بتطق روحي..
ادم : يسعدلي هل ادم لما بتطلع من تمك شقد حلوة..
رفعت ايدها بتعب وضربتو عل كتفو... قام مزح معها ورما نفسو عل حد السرير وقال : اخخخخخخ... انخلع كتفي..
تطلعت فيه جدية ورعب قام ضحك بقوة عل شكلها..
وقالت بعصبية : وجع خوفتني..
ضحك وقرب منها وقال: يقبرني الخويف..يلا قومي..
قامت فرح بس اكتشف انو الافندي جايبها بدون لا عباية ولا حجاب..
شلح جاكيتو وغطاها فيه.. واما هي غرقت بجاكيتو اللي اكبر من جسمها كتير.. وراحو عل البيت وكانت ام سيف وصلت سالتهم عن سبب خروجهم من لبيت وشرحولا كلشي وبعدها طلعت فرح لترتاح.. وقفت جنبها سارا اللي قالت: يالله يا فرح.. مو كنا بدنا نروح عل السوق مع بعض..
فرح باعتذار : حقك علي والله حقك..
ابتسمت سارا: عم بمزح معك حبيبتي.. لكن أنا بدي اخد معي.. مريم..
فرح: اي ماشي روحي.. ابوسك انبسطو..
سارا هزت راسها... وطلعت من البيت..
غطت نفسها فرح.. ونامت..
نزلت سارا لتشوف امها واخوها ومريم قاعدين..
سارا: يلا قومو البسو ننروح نجيب اخر غراض بكرا عرسي ولا نسيتو..
مريم : خلص انتو روحو انت بضل مع فرح
سارا: لا يا حلوة انا استاذنت من اختك انو تروحي معي ووافقت..
مريم بفرحة : عنجد.. يلا انا رايحة البس..
وطلعت لتفتت سارا عل ادم وقالت: قوم رح نوصلنا..
وصلهم عل السوق ورجع.. تفتل بلييت وهو مو عرفان شو بدو.. بلاخر.. دخل عل غرفة فرح بهدوء كبيييير... وشافها نايمة.. قرب من السرير وركع جنب السرير وتطلع فيها.. وابتسم عل ملامح وجهها العادية.. عيونها الرايقة ورموشها المنسدلة وانفها الصغير اللي مخليها متل البيبي.. و شفايفها المزمومين بلطف.. خدها اللي حاضن الوسادة.. رقبتها البيضا الصافية..
رفع ايدو وحطها عل شعرها ورجع خصلة وراه اذنها... ومسح عل راسها بحب.. بعدين حط ايدو عل جبينها واستشعر حرارتها وتطمن لما حس انو خفت.. قرب من راسها وباسو.. ورجع تطلع فيها شوي.. وغطاها منيح وطلع..
اول ما طلع فتحت عيونها وابتسمت..
رجع الكل المسا.. ودخلو وركضت سارا عل ادم لتعرض عليه المشتريات..
تفرج ادم عل كلشي.. ولما انتهى قال: اشتريتو فستان لفرح..؟؟
ابتسمت مريم وقالتت: اي اشترينا..
وفرجو فستان فرح.. اخدو وابتسم وهو عم يتخيلها فيه...
تاني يوم فاق الكل الصبح.. نزلو مريم وفرح ليعملو فطور مع ام سيف.. اما سارا ما سمحولها تلمس شي
دخل ادم وكان عم يحكي عل تلفون وبكلمات مختصرة لما خلص قال : سيف رح يجي عل عرس..
ام سيف : شو رجع من السفر؟؟
هز راسو بايجاب... وقرب من فرح واخد من ايدها خيارة كانت عم تقطعها واكل منها.. وطلع
بعد كم ساعة .. كانو كلهم بصالونات التجميل...