حبيتها المجرمة

هجران

مشيت بسرعة عل سريرها من شان تنسدح قبل ما يوصل ادم.. وبلفعل.. وقت اللي دخل تطلع فيها لدقيقة وقرب غطاها منيح.. ونام..
تاني يوم الصبح..
صحي ادم عل صوت الممرضة اللي عم تعاين وضع فرح.. ادم بنعاس : شو صار؟؟ فينا نطلع.. ؟؟
الممرضة : اي خلصت..
قامت فرح بتثاقل.. وراح ادم غسل وجهو واجا يساعدها.. وتجاوبت معو.. فاستغراب هاد الشي.. انو اش صاير.. ليش ما عم تقاوم.. ؟؟
ساعدها انو تلبس حجابها وعبايتها.. ونزلو.. عل السيارة..
وفرح ما حكت ولا كلمة وادم خايف من هل هدوء.. لك حتى تعبير وجه ما عطت..
وصلو عل البيت سمعت مريم صوت السيارة نزلت من عل درج وركضت لتفتح الباب وشافت اختها بس ارتعبت من تعبير وجهها الجامد.. وحست كانو في شي صاير.. وقفت لحظات قبل ما تضم اختها بحب.. قالت : شتقتلك..
حطت فرح ايدها عل راس اختها بهدوء وبتسمت بلطف وفجأة اختفت ابتسامتها وطلعت عل الدرج بهدوء بدون ما تحكي مع حدا..
قالت مريم لازم : شو في شو صاير؟؟ معكن ليش هيك هي معصبة؟؟
ادم تنهد ومسح وجهو.. قربت ام سيف : ابني.. الله يرضى عليك روح راضيها بترضى بنتك تتزوج وتنام وهي زعلانة من جوزا..
ادم باس ايد امو وقال : طالع..
طلع عل جناحن وسمع صوت المي بلحمام قعد عل السرير ومسك موبايلو يتسلى فيه..
بعد فترة طلعت فرح وهي لابسة المنشفة بس وارتعبت لما شافتو وكانت رح توقع لو ما لحقها ادم عل اخر لحظة..
قال : اشبك اشبك شوي شوي.. كنتي رح توقعي..
وحاوط خصرها بايدو بس انصدم لما نفضت ايديه بعنف.. وبعدت عنو بدون ما تحكي...
اخدت غراضها.. ولبسها وطالعت برنس حمام لبستو من شان تغطي حالها كلها.. وطلعت من الغرفة..
قعد ادم عل سرير وشال المخدة وشلفها لبعيد من الغضب..
فرح دخلت عل غرفة اختها اللي كانت عم تتجهز لتنام..
مريم : فرح.. شبك؟؟
فرح: ما في شي..
مريم : بلى في.. ليش جيتي لهون..؟؟
فرح : هيك بدي البس وانام..
مريم : وادم؟؟
فرح: شبو؟؟ خلي ينام بغرفت لحالو بلكي بدو يسترجع ذكريات الماضي مع حبيبة القلب..
مريم : فرح عم نحكي جد؟؟... شو صاير معكن احكيلي. ؟؟
فرح بعصببة : ولا شي بس الدكتورة شمس كانت حبيبة الافندي.. وهو ما قالي.. مو انا المفروض مرتو اللي ما بيخبي عنها شي..؟؟ ليش تستر عل القصة..؟؟
مريم : صلي عل النبي بيجوز هو ما لاقى وقت.. كنت انا بلمشفى وبعدين انتي وهلق ما حب يفتح القصة لانو..
فرح قاطعتها: حبابة مريم شيلينا من سيرتو اصلا انتي ليش عم تدوريلو عل مبرر.. ؟؟
مريم : لانو مو شايفة ابدا اي دلائل انو هو لسا بيحبها.. لو هيك كان انشغل فيها وما انتبه عليكي.. الله يحن عليكي لا تكوني متحجرة سمعيه وافهمي منو..
فرح : انا قلتلو مين هي احكيلي بس هو قال بدو ينام.. اي خليه ينام للابد ما عاد تفرق معي.. انا ما عاد بدي ياه... بس ينولد ابني.. بدي اطلب الطلاق واطلع من هاد البيت وان شاءالله نروح عل قن الدجاج نعيش فيه ما عاد تفرق معي..
عضت شفتها مريم وسكتت لانو يبدو انو اختها مستنفرة..

اما ادم..
تسطح عل سرير.. حاول ينام بس ما قدر.. رجع قام عمل شور شريع بس كمان ما استفاد عل شي.. عمل كاسة حليب وكمان ما استفاد عل شي.
بالو عندا.. عم يفكر كيف بدو يقنعها انو.. ما في شي بيناتهم... صار يروح ويجي بلغرفة بلاخير راح.. عل غرفة مريم.. ودق الباب..
بلبداية ما لاقى رد.. ورجع دق الباب..
بعد ثوتني انفتح الباب وطل منو وجه مريم.. : خير ادم..؟؟
ادم : الخير بحياتك.. اختك فايقة..؟؟
مريم رفعت حواجبها من شان تورجيه انو ما عم تحكي الصح : لا نايمة..
فهم ادم عليها: طيب صحيها من شان تجي عل غرفتنا..
مشيت مريم ناح اختها: فرح.. فرح.. قومي ادم... عل الباب..