حبيتها المجرمة

النهاية ..

مر شهر.. من اخر مرة شافت فيها ادم..
كانت قاعدة وشاردة.. لما دخلت مريم.. وقالت : شبك؟؟
فرح : ولا شي.. بالي مع ليث..
تنهدت مريم وقربت قعدت جنب اختها: ليش هيك عملتي.؟؟ زوجك وبتعرفيه لما بيعصب ضروري تقولي اللي قلتيه
فرح حركت عيونها بلامبالاة: لا تجي وتقوليلي شو لازم اعمل يا مريم انا حرة. بحياتي...
مريم: صح يا بنتي بس انت عندك ابن..
وقفت فرح بنرفزة وقالت: انا بعرف ادبر اموري..
ودخلت عل غرفتها
وقعدت. عل السرير..
خلال هاد الشهر..
تطلقت فرح من ادم.. وسيف صار مقسوم بين طرفين.. بين مريم وحبو الها والوعود اللي وعدها ياها... وبين اخوه اللي مجروح من مرتو ومنهانة كرامتو منها..
لما تركت فرح البيت هي ومريم.. استاجر بيت بطلب من ادم وخلاهم يسكنو فيه...
وادم صار مكتئب طول الوقت... وكرهان الحياة..
شرطت فرح عل راين انو يرجعلها بيتن اذا تزوجو ويخليه باسم اختها..
الكل كان متضايق عل حالهن...
تخصوصا ادم.. اما بالنسبة لروز..
تزوجت راين وقررو يتضلو متزوجين لمدة شهر.. من شان كلام الناس..
وروز بهل فترة عانت كتير من كلشي من ضربو ومن قسوتو ومن كلامو الوسخ لما بيكون سكران واغتصابو.. بس ما كانت عم تسترجي تحكي شي لانو بتعرفاحمر هي السبب بكل شي صار..
ادم كان جامد طول الوقت..
ما عم يحكي مع حدا ما عم ياكل الا كرمال يعيش بس.. وما عم يسمح لحدا يلمس ابنو الا اختو وامو..
دخلت سارا شافتو قاعد وصافن وابنو نايم جنبو..حطت ايدها علكتفو. .وقالت: ادم؟
ما تحرك ولا ترد ولساه عل وضعيتو..
سارة : ادم.. حبيبي... لا تزعل حالك الله يحن عليك ابنك بحاجتك.. ما بيصير هيك تكون لازم تصبر وتكون اقوى..
ما رد.
مسكت ايدو وقالت: يلا ننزل ناكل.. الله يحن عليك..
ادم بجمود : تركيني ياسارا..
سارا بحزن : الله يخليك ادم..
ادم رفع راسو وتطلع فيها نظرة قطعت قلبها: كيف بدو يعيش ابني بلا امو.. كيف بدي عيش انا بلاها.. ؟؟
سارا قالت من شان تخفف عنو : خلص يا ادم مو كل الذنب عليه حتى استفزتك لتطلقها...
ادم هز راسو بنفي : انا اللي رميت كل اللوم عليها..وهي ما ذنبها.. كل الذنب على روز الحقيرة الواطية... خربت حياتها وحياة اهلا وحياتي وحياة ابني..
واحتدت ملامحو فجأة.. وتطلع بابنو..
ورجع قال بصوت كلو غضب : والله مو عارف كيف بدو يعيش ..؟؟
هزت راسها سارا بقلة حيلة.. ونزلت.
سلطان وسيف وام سيف كانو عم ينتظروها عل السفرة..
قالت بتافف وحزن : مو راضي يعمل اي اشي...
ام سيف : اخخ يا ابني.. يعلي عليه والله ما بيستاهل اللي صار..
سلطان : امانة خالتي اذا بدك انا موجود اذا في شي. اي شي ممكن اعملو انا موجود..
ام سيف ابتسمت بحزن وهزت راسها بحسرة : يارب تهدي سر ابني يارب...

دخلت فرح عل حمام.. وهي بلحمام سمعت صوت الباب عم يندق..
صرخت من جوا الحمام : مريييم افتحي الباب..
راحت مريم وفتحت الباب. وشافت سيف بوجهها... ابتسمت بحزن : سيف؟؟
سيف بابتسامة : اي سيف..
مريم : كيفك؟؟
سيف : هيك من عل باب...
مريم : سيف.. الله يخليك فرح اذا بتشوفك رح تعرف كلشي...
فرح من جوا : مريييم مين؟؟
تلبكت وتوترت بسرعة وقالت: يوووي.. ممما حدا..
دفش سيف مريم ليدخل ويصير بنص البيت..
طلعت فرح وشافت سيف ابتسمت بلطف وقالت:سيف.. يا اهلا وسهلا..
تطلعت بمريم شافتها حمرا ..ابتسمت بداخلها وقالت: تفضل ليش بعدك واقف؟؟
قعد سيف : كيفك يا فرح؟؟
فرح قعدت وهزت راسها باسى: لسا عايشة..
سيف : انا ابدا مو مبسوط عن اللي عم بيصير انتي بعيدة عن ابنك وزوجك..
قاطعتو فرح: ما عاد زوجي...
سيف : لا لسا زوجك.. .
فرخ : لا يا سيف مر علينا شهر وشوي ما عاد ينفع اكون زوجتو...
سيف: خلينا نحكي بهي القصة بعدين.. المهم ..انا جاي اطلب ايد اختك عل سنة الله ورسولو شو قلتي..؟؟
فرح ابتسمت وتطلعت بمريم الل اختفت ملامحها من الفشيلة..
فرح : والله انت شب بتنشرى بلالماس وانا بعرف بقصة الحب الحلوة بينكن..
شهقت مريم.. وضحكت فرح.. وبعد مدة كتمتها وقالت: بس يا سيف.. ما بعتقد انو اختي رح يكون مرحب فيها بعد اللي صار بيني وبين اخوك..
سيف : لا مرحب فيها... مو مهم كل واحد الو حكاية شي.. انا بحب مريم وواكيد اهلي رح يحبوها عل محبتي. وانتي محبتك بتبقى بلقلب موجودة...
فرح: انا عن نفسي موافقة طبعا اذا وافقت العروس.. وبعدين بدي اطلب منك كم شغلة..
سيف : اللي هنن..
فرح : اختي عم تعاني من مشاكل صحية متل ما بتعرف وانا بدي ياها تكون بامان.. وتاني شي.. بدي منك تحبها وما تصدق كلام الناس فيها ابدا.. وتكون سند الها.. لانو ما النا سند بلحياة وانت بتعرف هاد الشي..ولو سمحت وهاد رجاء.. انو يتم كلشي خلال اسبوع.. اختي محضرتلا جهازها..وكلشي ..بدي عرسها يكون الخميس اللي جاي.. وغير هيك الله يوفقكم..
سيف بفرحة : وانا بوعدك اكون عند حسن ظنك..
مريم باعتراض : وليش هل سرعة اختي..ما في شي ورانا لحتى تسرعي.
فرح : معلش انا بدي اتطمن عليكي
والتفت لسيف وكملت: روح ياسيف وخد راي امك واختك وبس يوافقو.. بنبلش بلاجراءات..
ابتسم سيف.. وقال : حالا..
وقف وقرب من مريم وباس راسها.. وقال : رح اجيكي باقرب وقت..
راح سيف عل البيت وهو مبسوط.. شاف امو واختو قاعدين عم يتحادثو... حمحم وفات..
سيف : امي.. بدي اخد رايك بموضوع..
ام سيف : خير ان شاءالله..
سيف بفرحة واضحة : خير خير. ..انا بدي خبرك انو بدي اخطب...
ام سيف: شوو؟؟
سيف : اي بدي اخطب..
سارا: ومن تعيسة الحظ.؟؟
سيف : مريم.. اخت فرح..
ام سيف : سيف؟؟ انت عم تعرف شو عم تقول..؟؟ بدك تتزوح اخت طليقة اخوك..