امسكت رهف بالقروش وحضنت سعد في فرح(ياخ الله يخليك لي م قصرتا ي اخوي اوديك وين انا السعود)..ضحك سعد (اعملي لي بس كباية شاية بدل حركاتك دي)..نهضت رهف(كمان بي نعناعو)..وذهبت...تبسم سعد ثم قال لامه(عليك الله ي يمة العسل دا يزعلو كيف)..ردت امه (ياخ عليك الله خلينا..م دايرة اعودا على اامرقات..انتا عارف الزمن دت بقا كعب كيف)..رد سعد(البت لسع صغيرة..وبعدين دمعتا قريبة..م عايز احسسا انو ابوها متوفي)..سكت الجميع برهة..قالت الام (عليك ي سعد شوف وليد دا..والله غلبني عديل..حاضن تلفونو24 ساعة..وشغل م عايز يشتغل )..نظر سعد لوليد..وجده ممسكا بالهاتف(اها صحي موضوع الشغل عملتا فيو شنو)..رد وليد(والله كسرتا حنكو..م لقيت الا طلبة..ودي تعب ساي)..رد سعد(ي زول اخيؤ ليك من العطلة الانتا فيها دي..تطلع مصاريف جامعتك)..صاحت الحجة حنان(عليك الله وري..داير يتعلم لي الخمول من اسع)..نهض وليد(خلاص قبلتو علي..ي يمة م عايز اشتغل شي..خلي جامعتي دي تجي سريع)..ردت الحجة(والله م بتقعد لي عاطل..هندا بقيت راجل كبير )..رد وليد(ياخ عليك ي امي كل م اقعد رايق تشغليها لي شغل شغل..والله كرهتوني البيت زاتو)..ودخل الى غرفته....اخذ سعد في شرب الشاي الذي احضرته له رهف ثم قال لامه(يمة م براحة على الولد..وليد دا من زمان بحب يمشي رايو وانتي عارفاو)..صاحت امه(لكن قعاد البيت دا م سمح ي سعد..اسع انا غلطتا يعني)..رد سعد وهو يرتشف من الشاي(م غلطتي بس انصحيو براو..قدام الناس كدا بتكسري..واهم الشي الزول يكون واثق من نفسو وعودو ناشف..لكن لمن تكوركي فيو قدام الناس..م حيتصلح اصلا وبالعكس امكن تنكسر ثقتو)..هدأت والدته(ربنا يصلح الحال)..سال سعد(هو انتو حبوبة الليلة مالا م نقنقت..)نظر الى سريرها ودها نائمة(والله صحي جدادة).
في الليل كان وليد يتحدث مع ريم في الفيسبوك....
وليد:امممم ياخ الليلة احلى يوم دردشت مع البت الغامضة
ريم:غامضة عديل كدا
وليد:اي قبل م اعرفك قلتا انتي غامضة وكدا
ريم:بالعكس انا انسانة عادية
وليد:سؤال كدا
ريم:اتفضل!!
وليد:هو انتي بتحبي وكدا
ريم:امممممم لا لا سوري يعني ليك هو عبارةة عن اوهام و بعدين م ف حد ف الزمن دا بحب بالجد كلو كذب .. وقالو ال بقول ليك بحبك اسالو ل متين مش قدر كيف 💔🌚
وليد:اي والله كلامك صح...احلى من الصداقة ماف
ريم:اي الصداقة بتدوم
وليد: طيب ممكن نكون اصدقاء شديد وكدا
تحكي لي اي شي واحكي ليك
والله كلامك صح
انا م مقتنع انا مؤمن انو البحبو ديل كضابين
ريم:خلاث ثمح.
ماف عوجة.
في الصباح...كان سعد في المحطة..جاءت فتاة وركبت ركشته..نظر اليها وجدها سلافة..ضحك(احلى اصطباحة والله...على وين)..تبسمت(على وين يعني اكيد الجامعة)..دور ركشته وفي الطريق كانت سلافة تضع بعض المساحيق..نظر اليها سعد عبر المراية..وجدها منشغلة بها(ي سلافة..عليك الله خلي المكياجات دي..احلى شي البت تكون طبيعية)..وسارة تضع البدرة على وجهها(ياخ دي شوية بدرة وبعدين انا اصلا طبيعية ولوني م غيرتا فيو شي..وبعدين هو وشي يعني اعمل العايزاو فيو)..ضحك سعد(ي بت انا عايزك طبيعية مش حتكوني مرتي)..توقفت سلافة عن المكياج..صاحت فيه(طيب مدام قلتا مرتي تعال اخطبني ..على الاقل لمن تضرب لي اقول خطيبي واتكلم عادي معاك بدل كل مرة ادسدس وادخل الاوضة ومرات اعملك صحبتي سااي)..ضحك سعد(والله اقوم اقلبك اسع بالركشة دي..بعد كم يوم في تقديمات زاتو للجيش القطري وان شاء الله حيشيلوني...اجهزي بس).."كجمت" سلافة فمها..نزلت عند جامعة الرباط"مبوزة" ..نظر اليها سعد (ي بت دا شنو الشنا دي)...ردت(شنا في عينك..من كلامك الما منو كدة دا)...تجهم سعد في وجهها(م منو كدة كيف..ي بت اتفائلي وان شاء الله حخطبك).
في البيت....جلس وليد يتحدث مع ريم في الفيسبوك..
وليد: صباحووووو وكدا
ريم: صباح النور☺
وليد:امبارح ياخ مساهرين للساعة كم..شغلتها ليك
ريم:لا والله ماف تشغيلة اصلا اتعودتا عليك وعلى ونستك
وليد:اي انا اصلا لذيذ وكدا😌
ريم: ي ود لا😂
وليد:النتايج متين ي ريم
ريم:واااااي م تذكرني لسع فاضل ليها زي 5 شهور
وليد: انتي عايزة تخشي شنو..طبعا انا عايز هندسة مدنية
ريم:دكتورة😍احم احم..اصلا بابا قال لي خشيها واصلا انا بحبها.
وليد:والله ان شاء الله تخشيها..بعدين م تنسي تذورينا في جامعتنا وكدا
ريم:اكيد يوووخ☺
وليد:امبارح طبعا غلبت في المطارحة الشعرية😈
ريم:وليد انتا مرض ياخ انا بس نسيت..وبعدين شعر قيس وليلى ماف زول بفوتني فيهم
............
ووليد كلما يتحدث معها يزداد اعجابا بها..ادمن الفيسبوك بسببها..وهي ايضا اصبحت مطمئنة له.
وليد:امممممم م حنك المرة الجاية☺
كدي رسلي شعر
ريم:كدي رسل انتا يوووخ.وانا حقراو☺
وليد:عبثا ما اكتب سيدتي
احساسي اكبر من لغتي
وشعوري نحوك يتخطى
صوتي يتخطي حنجرتي
عبثا ما اكتب ما دامت
كلماتي اوسع من شفتي
اكرهها ..اكرهها كل كتاباتي
مشكلتي انك مشكلتي
☺
ريم:ووااااو ..والله عجيب..دايما الشعر البتجيبو عجيب
وليد:☺تسلمي ياخ
ريم:طيب استاذنك ماشة الدكان مرسلاني ماما.
وليد:طيب وانا زاتي قالو لي جيب الفطور
ريم:امممممم تمام يلا
وليد:يلا
يتبع.....
