كانت ريم خائفة وتجري بسرعة ووليد يضحك..وصلا الى الميدان..اخذا نفسيهما..قالت ريم(واااي م قايلاو بسكنا)..ووليد يضحك وهو يأخذ نفسه(مدام انتي خوافة مالك متعبانا...غايتو)..اقتربت ريم من وليد(بحبك)..نظر وليد الى الخلف..اشار بيده نحو صدره(انا)..ردت ريم(اي ومال مين)...ضحك وليد(فجاة كدا)..ردت ريم(اي ..حسيت فجاة اني بحبك)..رد وليد(وربي انا بحبك..كما بحبك م كنتا خشبت صفحتك وصاحبتا صحباتك عشان اتعرف عليك...)واخذا في الحديث.
في بيت سعد...جلس سعد في الحوش..كان يتقلب في السرير..كانت امه..جالسة ايضا ..سمع سعد عدة طلقات نارية..سأل امه(الطلق دي وين ي يمة)سكتت امه..كرر السؤال(الطلق دي وين ي يمة)..نظرت اليه امه بشفقة(دا عقد سلافة ي ولدي..خطبوها وعقدو في نفس الوقت)..نظر سعد الى السماء..كان موجوعا الفتاة التي احبها يسمع طلقات الهزيمة بانها اخذت منه..الفتاة التي كانا تخفف عنه آلامه اصبحت اكبر الم له..لم يستطع ان ينام..اغمض عينيه مصطنعا النوم..بعد قليل جاء وليد الى البيت..سالته امه(ي ولد كنتا وين)..رد وليد كان سعيدا(يمة كنتا مع صحبي)..ردت امه وكانت غاضبة في كلامها(انتا عاد غير الصياعة م عندك )..رد وليد وكان واقفا(م اصيع ي يمة مش مؤجز)..ردت امه(ياخ شفو ليك شغل بدل الصياعة دي)..رد وليد(عليك الله م تشغلوها لي)..نظر سعد الى وليد كان مزاجه عكرا(ي ود م تسمع كلام امك وخليك واعي..اعمل شي في البيت دا..بطل الصياعة)...هاج وليد(ياخ م اصيع..البيت فيو شنو..غير الفقر دا..امش شوفو الناس عايشة كيف..انتا هندا ي سعد مؤدب وود امك غير الركشة دي عندك شنو)..نهض سعد من السرير كان غاضبا الشرر من عينيه يتطاير..امسك بوليد وضربه كف على وجه..سقط وليد على الارض..استقيظت الحبوبة زهرة..صرخت الام وجاءت رهف جارية ..كان وليد الارض..نهض بسرعة ثم قال(البيت دا خليتو ليكم). خرج وليد من البيت..كان غاضبا..ذهب الى بيت صديقه معتصم وبات ليلته تلك..في الصباح..استيقظ وليد من نومه..وجد مكالمة من ريم ..رجع اليها (الو)..ردت ريم(الو ..كيفك ي وليد)..كان وليد مستاءا..رد عليها وهو حزين مما حصل له الامس(الحمد لله..غايتو)..احست ريم بضيقه(امبارح بليل مالك م ساهرتا كنتا مستنياك..الليل كلو اخش الفيس واطلع)..رد وليد(معليش كنتا مصايق شوية)..ردت ريم وكان صوتها شجن ونغم فيه "بحة"جميلة(ولي م تضايقك يوووخ..انا جمبك ومعاك)..رد وليد(اصلا الزول م دايما يبقى مبسوط..ناس البيت شغلوها لي..ديل بكرهوني ياخ)..ردت ريم بحنان(لا م تقول كدا..ديل ناس بيتكم في النهاية..ياخ انا بحبك م كفاية..م تزعل عشاني)..
رد وليد(انتي ذنبك شنو م عندك ذنب..البيت خليتو ليهم..قاعد مع صحبي اسع)..ردت ريم(وليد بطلي العبط..وبعدين ديل نسابتي وكدا..احم احم)..ضحك وليد..وكانه لم يضحك من قبل(والله شوفي ليك نسابة ساي..هو انا مطلعين عيني بمن انتي)..ضحكت ريم(لا انا ظريفة وكدا..وانتا غبي..بعدين امك دي حتحبني)..رد وليد(والله اسع انا م راجع البيت..خليهم مبسوطين كدا)..ردت ريم(وليد انتا غبي..والله م ترجع لا بعرفك لا تعرفني)..رد وليد(وانتي مالك ومالم..م تحرجيني)..ردت ريم(م بحرجك بس انا اختك قبل اكون حبيبتك وعارفة مصلحتك..ودا الوقت اامفروض اساندك وانصحك فيو...وليد ارجع البيت عشاني)..(طيب ياخ..خلاص حرجع بعدين).
في العصر كان سعد في البيت..يشاهد التلفاز..جاءته اخته رهف..(حبوبة قالت ليك تعال اشرب الجبنة)..نهض من السرير..كانت رهف تنظر اليه..تبسم (عايزة تلفوني تخشي الفيس صح)..ضحكت رهف(اي بس دقايق وارجعو ..عليك الله عليك الله علييييك الله)..ضحك سعد ناولها الهاتف وجرت على الغرفة لتتصفح الفيسبوك..ذهب سعد الى الغرفة المجاورة ..جلس على"البنبر"ناولته حبوبته فنجان القهوة..ارتشف منه قليلا..قالت له الحجة زهرة(ي ولدي امبارح العملتو مع اخوك دا م كويس)..رد سعد(يعني هو العملو كويس..يتنهر في امو ويقول لي قد ي بتاع الركشة)..ردت الحجة زهرة..(برضو ي ولدي انا م حصل غطتك في شي..بس برضو دا اخوك الصغير..وانتا عارفو متهور)..رد سعد(ي حجة م مشكلة لي بعدين).
في الليل...قدم سعد وجد امه..سالها من وليد اجابت بانه في غرفته..ذهب الى الغرفة وجده فيها اقترب منه(هوي م تعمل فيها زعلان..بس انا زعلتا سريع واكسر الحنك)..سكت وليد قليلا ثم اجاب(بتضربني كف ي سعد..تضربني كف)..رد سعد(واضربك بالجزمة كمان..انتا اخوي الصغير ي زول..يعني انا الاربيك)..رد وليد(وليد م ينضرب..حتى من سعد..مش دا كلامك مش دا كلامك البتقولو لي )..رد وليد وهو يبتسم(انا ضربتك لمن حسيتك واطي..بتكاويني بي ركشتي..ي ود الركشة دي ماكلكم ومشربكم بيها..انا لو علي كان من الركشة دي تلقاني راكب عربية..انما انا شايل حمل عايلة بي حالا)...رد وليد (وفيها شنو لو عايز اعيش راقي..اعيش بي طموح..لو ما عايز اعيش نفس العيشة الانتو عايشنها..لو عايز ابقى عندي مركز)..تبسم سعد(ي وليد تعيش بي طموح تعيش بي مركز دي حاجة جواك انتا..عمرو الطموح م كان عيب..لكن لو عايز تعيش سعيد عيش بي حب الناس ليك..الزول الاصيل هو الينفع اهلو قبل ينفعو روحو..اوعى تتبطر ..البطران سكتو خربانة..افهم ي ود ابوي)..كان سعد دائم النصح لوليد..هادئ الطبع..بالرغم من كل الهموم التي على كاهله..الا ان اسرته في المقام الاول.
يتبع....
