جاء سعد الى البيت في المساء..كان فرحا جدا..جلس على السرير..كان الجميع في الحوش..استغرب الجميع..لم يسلم وجلس يبتسم..سالته امه(مالك فرحان كدا فرحنا معاك)..اخذ ينظر اليهم..استغربو اكثر(ي ولدي فرحنا معاك)..رد سعد(صحبي رسل لي زيارة لي قطر وضامن لي الشغل هناك)
امتلأ البيت بالزغاريد..كانت امه حنان فرحة جدا..جلست بالقرب منه..سألته(كدي ي ولدي احكي لينا الحاصل شنو)..رد سعد(والله يا يمة صحبي معتز السافر قطر قبل سنة..واشتغل م شاء الله..رسل لي زيارة هناك..المهم ضامن الشغل..وبعد شهر حسافر..بس علي اطلع الجواز وحق التذكرة)..زغردت امه مرة اخرى..سالته(طيب شغلك حيكون شنو مثلا..جيش وكدا يعني)..رد سعد وكان الفرح يتهلل من وجهه(جيش شنو ي يمة..شركة هي..شغلي حيكون إدراي..زي المحاسبين وكدا)..بهذه الوظيفة التي حصل عليها سعد طمأن اهل بيته كان الكل يبارك له..وليد وامه حنان واخته رهف وحبوبته زهرة..كان الجميع يستفسر من وظيفته..سأل وليد(كدي اول مرتب قال ليك كم)..رد سعد وكان الجميع جالسين في الحوش(والله ي وليد اول مرتب قال لي 4000 ريال قطري..دا اول مرتب ولو لقو شغلك م شاء الله بزيدوك طوالي)..بعد قليل رد وليد(4000 ريال قطري هنا قريب ال18 مليون..والله ي سعد عزة للدين)..فرح الجميع..قالت رهف(اها ي سعد بعد الوظيغة دي م عايزة الا ايفون7 )ضحك سعد..(ي بت بس خليني امش وربي كل شهر هدوم ولبسات لمن تزهجي)..ثم التفت الى حبوبته زهرة(وانتي ي حجة زهرة اجيب ليك بن بالشوال..واهم شي نصلح سنونك دي)..ضحك الجميع..قالت امه(ي ولدي ان شاء الله تجي وتعرس ونفرح بيك)..رد سعد(ان شاء الله امش بعد اعزكم اعرس)..بعد قليل قال وليد (كدي بي مناسبة الفرحة دي عايزين منك ي رهف كيكة سمحة زي البتعمليهن لينا ديل)..نظرت اليه رهف في حنق ضحك وليد فيها..قال لها سعد(اي والله ي رهف..كيكة كدا..وامي حتعمل شاي اللبن)..نهضت رهف وقالت(طيب حعملا عشان سعد بس..يلا انتا ي وليد قوم جيب الحاجات).
.....................
في الصباح..كان وليد يتحدث مع ريم في الفيسبوك..
وليد:كيف ي حب☺
ريم:ولي🙈🙈
كيفك
وليد:تماااامو..وانتي جديدك شنو
ريم:بابا قالو جاي بعد شهر وانا فرحانة وكدا😍
وليد:ربنا يجيبو بالسلامة😃
اها الليلة الحنك شنو😍
ريم:اممممممم ممكن نمش شارع النيل
وليد:😍😍ياخ انتي الزيت والبصل
خلاص حلو
ريم:😂😂😂😂مؤؤؤفن
وربي نفسي اضوق قهوة شارع النيل
وليد:😌😌من عيوني والله
انتي عارفة ..والله بمجرد انو احس انك معاي بكون مطمن..حتى من اشوف رسالة منك قلبي بفرح وبستمتع وانا بقراها.
ريم:🙈🙈🙈بخجل
م انتا م عارف انا شعوري كيف
بقيت بحب اي حاجة مرتبطة بيك..مجرد انك تقيف جمبي بتجيني رعشة..وقلبي بدق وكدا..بخاف منك وبخاف عليك
وليد:ريم ربنا يخليك لي..حتى انا مرات عيونك دي قهرانة..بحس بيك طاغية..لكن انا متاكد من حبنا لي بعض.
.................
في العصر قدم سعد الى البيت كان يحمل فائلا فيه اوراقه الثبوتية..سالته امه (اها مشيت للجوازات ي ولدي)..رد سعد(اي مشيت..الجواز قالو بعد اسبوع)..ردت امه (الحمد لله..ربنا يسهل بس)..رد سعد(ربنا يسهل..المهم الركشة حديها لي واحد من اصحابي يسوقا...وكل يوم يورد ليكم50 جنيه ..يحدي م اتمكن في شغلي وتاني م تحتاجو لي زول)..ردت امه(تمام والله..بس زولك دا مضمون )..رد سعد(مضمون تب..والله اسع ي ي يمة فراقكم حار..بس الظروف لو انا لقيت شغل هنا وربي م افارقكم..لكن البلد عايزة كدا..عايزانا نطلع منها..زمان قايل البلد دي امي التانية..لو انتي زعلتي مني هي رضيانا مني..اتاريها امي التانية مسجونة..ساجننها حكومة زي الزفت)..ردت امه(والله احمد ربك طلعك من البلد دي وحكومتا)..رد سعد(يمة الحكومة دي م بتخاف من ربنا والله...دي م عمايل زول بخاف من ربنا)..ردت امه(والما بخاف من ربنا خاف منو ي ولدي)..صمت سعد قليلا وهو يتفكر في كلام امه..ثم قال (كدي نتغدى شوية كدا ونمش نشتغل الليلة من الصباح م اشتغلتا).
في الليل...خرج سعد يقود ركشته ليكسب لقمة عيشه..وقف عند احدى الطرمبات...قرابة النصف ساعة..اخذ وقوده وذهب ..كان سعد سعيدا جدا بعد ان علم انه سيغادر هذه البلد..حلمه بالسفر قد تحقق..كان يتلفت يمينا وشمالا باحثا عن مشوار..كلها اقل من شهر ويحط رجليه في قطر..يكسب تلك الملايين التي عجز عن كسبها في بلده..بعد قليل...اوقفه شرطة المرور عند اسطوب المهداوي..نظر الى شرطة المرور ثم ضحك وقال(والله ي جنابو كلها كم يوم وتاني م تشوفونا..ولو عايز تقطعني ايصال الليلة انا جاااهز ومقرش)..بعد قليل ظهر رجلان..نزلا من مواترهما..طلبا من سعد النزول من الركشة بحجة انهما من مكافحة المخدرات..ضحك سعد ثم قال(اتفضلوا).
يتبع....
