في الليل كان سعد يقود ركشته في شارع النيل..باحثا عن مشوار..كانت الساعة حوالي ال10مساءا..من بعيد وجد فتاة تؤشر عليه..ابتسم حتى بدت نواجذه..اقترب منها..كانت الفتاة تلبس عباءة سوداء..كانت الفتاة جميلة بعض الشي..الغريب في الامر انها كانت تبكي..كان يقف قربها شابان..بالقرب منهما سيارة برادو..كان الشابين يضحكان باعلى صوتيهما..والفتاة تبكي في صمت..واضعة الطرحة على فمها..طلبت من سعد ان يوصلها الى بيتها..نظر سعد الى الشابين والى الفتاة..اصابه الفضول..كانا ينظران الى الفتاة ويضحكان..سال سعد الغتاة بعد ان ركبت في الركشة..لم يتحرك مكانه..سالها(الحاصل شنو). كانت الفتاة تبكي..سالها سعد مرة اخرى (ي بت الحاصل شنو)..ازاحت الطرحة عن فمها..نظرت الى سعد..كانت عيناها مليئة بالدموع...(الاولاد ديل شاغلوني..كان بقولو لي كلام م حلو)..واجهشت بالبكاء..اخذ سعد نفسا عميقا..نظر الى الشابين ما زلا يضحكان..اتجه صوبهما..قال لهم بهدوء(يا شباب الحنك دا م حلو..تشاغلو بنات الناس..بس اعتذرو للبت..البت دي بتبكي شديد)..نظر الشابان لسعد نظرة ازدراء..ضحكا..قال احدهم..وكان يرتدي بنطال جينز ازرق وفانيلة حمراء..(يا فردة..اتشايلا ساي..ودي مشوارك دا)..نظر سعد الى الارض م زالت الفتاة تبكي..(ي شباب..الحكاية وما فيها دي بت ناس والعملتو دا اثر فيها ..بس اعتزرو ليها..ضحك الاخر(اسمع ي فردة..مالك ومالا..اختك هي..فااااشنو البت مزة وبنشاغلا البلد دي حقت منو)وضحكا..اهتاج سعد غضبا..اقترب من الشاب..امسكه من صدره واوقعه ارضا..ولكمه على وجه..كان سعد طويل القامة..شديد البأس..اما الاخر فنظر الى سعد..لم يستطع ان يتحرك..كانت ردة فعله ان قال(ي شاب اهدا)..امسك به سعد ولم يتفاهم..لكمه عدة لكمات..لم يستطع الحراك..اما الاخر فكان على الارض من شدة وجعه من ضرب سعد..صار الشابان على الارض وسعد يضربهما ويصيح(شنو..البلد حقت منو كيف..انتو قايلين بنات الناس ديل لعبة..قايلين كل البنات زي البنات البتعرفوهم)..والفتاة تراقب سعد وقد شفي غليلها..وقد تجمهر الناس في شارع النيل..حجزو سعد عن الشباب..اخذ يلتقط انفاسه..كان الدم يخرج من افواه الشابين..نظر سعد اليهم نظرة اسد يطارد فريسته..اخذا في الصياح(والله نوريك..والله نجيبك..والله م نخليك)..نظر اليهم سعد..ثم ركب ركشته وساق الفتاة.
اثناء الطريق..تحدث سعد مع الفتاة..(والله اسف..ديل قليلين ادب..بس انتي بليل دا ماشة براك مالك)..ردت الفتاة وكانت قد توقفت عن البكاء(والله كان عندنا عيد ميلاد صحبتي..
كلهم كلهم ساكنات الخرطوم الا انا ساكنة الحارة التامنة بعد العيد ميلاد مشو مع بعض فانا قلتا اركب ركشة..لقيت الاولاد قعدو يشاغلو فيني..ما قدرتا استحمل عملتو بكاء..اسفة تعبتك معاي)..رد سعد وهو يقود الركشة(لا والله ماف تعب زي اختي..انا والله لو اعتزروا م كنتا هبشتهم لكن قلو ادبم...)واخذا في الحديث.
في الصباح..كان وليد وريم يتحدثان في الفيسبوك..اصبحا اكثر من حبيبين ..كانا يقضيان جل وقتهما مع بعضهما في الحديث..
وليد:اها طبعا تلقاك لسع خايفة من سكت المجنون😂😂
ريم:😂😂لا والله انا شجاعة😌
وبعدين انتا معاي اخاف كيف🙈
وليد:ااالللللااااه من كسير التلج
تعرفي اكتر شي عجبني شنو
لمن قلتي لي بحبك 💘
انا اتخلعتا وقربتا اقع
ريم:😂😂😂😂
بالجد احلى لحظات حياتي بقضيها وانتا معاي
وليد:تعرفي لمن تكوني معاي ونتلاقى انا م بنسى اي لحظة في ونستنا..ريم انا عارف عنك كل حاجة..حافظ طريقة كلامك..مشيتك..البتحبي والبتكرهي..حتى عطرك ..يعني حتى لو مشيتي بي شارع انا بعرفو
ريم:بالجد ي وليد انتا مش بالنسبة لي مجرد حبيب..انتا اخوي وصديقي واي شي ..انا ابوي م قاعد معانا كتير بجي في الاجازات بس😔..لكن انا مرات بشكي ليك حاجات مفروض اشكيها لي بابا..عشان تعرف انا بحبك قدر شنو
وليد:ريم والله الله يخلينا لي بعض..ونعيش مع بعض للابد.
ريم:اوعى ي وليد تستغل اني بحبك وما بقدر اعيش من دونك في انك يوم من الايام تخليني
وليد:م حخليك..اصلا م حلقى غيرك.
في طرمبة بشائر..وقف سعد مع صديقه نزار لأخذ وقود لركشاتهما..كان البزين في ازدياد..كان الجميع ضجرا ومتذمرا..الكل يتكلم عن الزيادات..لكن كل هؤلاء لم يكونو غاضبين مثل غضب سعد..صاح سعد(بالله دي بلد ي نزار)..نظر الى الوقوف الذين ينتظرون دورهم لاخذ البنزين(بالله عليكم دي بلد..بلد فيها برلمان وكم وعشرين وزارة م قادرين يديرو البلد دي..بالله عليكم الحكومة في الاجتماع الواحد لي برلمان ولا اجتماع وزاري بتصرف كم مليون عشان الوزراء ديل..القروش دي لو ودوها للمواطن الما لاقي حق العيش مش احسن..الحكومة دي بعدين حتقول شنو لي ربنا..لمن يجيبم ويقول اين ملوك الارض وحكامها لمن الملك اليوم..حيقولو شنو..بالله شوفو حالنا زمان..زمن بنودي دعم لي المانيا ودول اوربا سنة كم وستين..شوفو حالنا قبل كم وعشرين سنة..لمن جنيهنا كان بي 3 دولارات..زمن مشروع الجزيرة اكبر مشروع زراعي في العالم كلو وبدرسوهو في انجلترا..انا متاكد البلد دي لو صلحو التعليم والصحة والزراعة تاني م يقدر علينا غير ربنا..لكن الكبير والصغير في الحكومة دايرين ياكلو..والمواطن فاتح خشمو بعاين)
يتبع.....
