بعد عدة ايام...استيقظت ريم من نومها..نظرت الى السقف..امسكت بهاتغها..تصفحت الفيسبوك وجدت عدة رسائل من وليد...
وليد:صبااااحو وكدا ياخ
دا شنو البت النوامة دي
قومي ي مرض
ريم:😂😂ي ولد مالك علي براحة
وليد:اخيرا صحيتي..مشتاقوون
ريم:ي مرض امبارح الليل كلو مساهرة مع منو
وليد:اي برضو مشتاقين..اها جديدك
ريم:جديدي مشيت تركيا وجيت..😈انتا غبي طبعا
وليد:😂😂انا عارف امكن يكون في جديد حصل
ريم:غايتو الله وقعني في صاحب غبي
وليد:وانا الله وقعني في اخت عسل☺
ريم:🙈🙈🙈واااي بخجل
وليد:طيب هاك البيت دا
ريم:😍😍اين هو
وليد:ما كنت اؤمن بالعيون وسحرها..
حتى دهتني بالهوى عيناك
ريم:واااو بالجد انا زمان قايلة روحي براي البعرف شعر ..لكن طلعتا انتا م شاء الله
وليد:لا هو جد جد حلاتك دي حركت مشاعري وكدا
ريم:كدي اقيفي..هو انتا الليلة عيد ميلادك بالجد
وليد:😐يب عرفتي كيف
ريم:ي غبي جاني اشعار في الفيس ..المهم كل سنة وانتا طيب يوووخ
وليد:😔😔وانتي طيبة
دايما عيد ميلادي بروح كدا ساي
ريم:😢م تزعل ي اخوي حنحتفل بيو
وليد:☺☺جد..بس كيف
ريم:حعمل ليك تورتة ودي هديتي ليك
وليد:وربي انتي برااااك اغلى هدية..ياخ ربنا يخليك لي
ريم:ي ود نحنا اصحاب ودي اقلة حاجة اعملا ليك.
وليد:والله م عرفتا معنى الصداقة الجد الا لمن عرفتك..ربنا يخليك لي ي احلى اخت بالدنيا.
ريم:وانتا كمان يوووخ..يلا ماشة اشرب ااشاي☺
.......
بعد ان شربت الشاي ذهبت ريم الى عمتها نازك..لم تكن مجرد عمة بل كانت صديقتها المقربة ايضا..وجدتها تشاهد التلفاز(يا نزوووك ..شنو ي عسلنا م شايفنك)..نظرت اليها نازك(بطلي استهبالك دا..انتي فاضية من الفون لكن)..ضحكت ريم..جلست بقربها قي السرير(والله صحباتي وونستهم حلوة وكدا)..نظرت اليها نازك بعيني خبث(صحباااتك..علي انا ي ريوم..المهم من تجيني نزوك وبتاع شكلو عندك مصلحة)..ضحكت ريم..وكانت مستيقظة توا..كأن النور خارج من شفتيها(شبه كدا...بس عايزاك تعملي لي تورتة زي حقت المرة الفاتت الحلوة ديك..عندي عيد ميلاد صحبتي)..صاحت نازك (شنو..لا لا والله م فاضية ليها)..امسكت ريم بيدي نازك(بلييييز)..وحركت رموش عينيها حتى ضحكت نازك(والله مستهبلة كيف ..م مشكلة حعملا)..هنا قفزت ريم من الفرح (يس يس).
في بيت سعد...جاء سعد من تقديمات الجيش القطري..لم يتم قبوله بحجة ان العدد كافي..رجع مستاءا..كان يحس بان الطريق الوحيد لعيش حياة كريمة قد انتهى..كان السغر الى الخارج حلمه الوحيد..رجع الى البيت..لم يجد امه في البيت كانت قد خرجت الى الجيران..لم تكن عادته ان "يقرش" الركشة من بدري..ادخلها الى البيت.
وجد وليد وهو ممسك بالهاتف يتحدث..رقد على السرير..كان موجوعا من داخله..ادرك حينها انه سيعيش كل عمره في ركشته تلك..رقد على خده الايمن..كان صامتا..اخذ يفكر قليلا..كان كالطفل يضم رجليه معا..غلبته عيناه ونام..استيقظ عند العصر..نهض من السرير..تثاءب قليلا.. علمت امه التي رجعت الى البيت انه استيقظ..جاءت بصينية الغداء..وضعتها امامه ...نظر فيها وقال(م عندي نفس ي يمة)..علمت امه انه لم يتم قبوله..جلست بالقرب منه(ي ولدي شكلو م قبلوك..حتى لو م قبلوك لسع في فرصة)..نظر وليد الى امه..كانه يقول لها بتلعبي انتي ي امي ولا شنو ...قال لها(فرصة..انا بقيت م عارف الفرص م لي اصلا من شدة حظي الكعب دا...انا شكلو عمري دا كلو حقضيو في ركشتي دي)..ردت امه(انا سامعة طقطقة ي ولدي..طقطقة زول مقهور وفاقد الامل)..رد سعد وهو ينظر الى الارض(قهرني النصيب ي يمة)..ردت امه بحزم..(اوعى يوم ي ولدي تخلي الدنيا تكسرك مهما حصل)..رد سعد وهو ينظر في عيني امه(دنيا شنو ي يمة..اصلا كسرتنا وانتهت..العز بقا بالجيوب ولو فيك كل العيوب...والله ي ريت الانجليز لو كانو في البلد دي..كانت اتحسنت ياخ...بدل الاحنا فيو دا)..ردت عليه امه وهي تصيح(انجليز...لو الانجليز كانو قاعدين كنتا انتا حتكون بتنضف جزمة ضابط منهم...ي ولدي حتفرج..وربي حتفرج..كدي انتا اسع اكل)..رد سعد وعينيه تلمعان(يمة حتفرج)..ردت امه وهي تبتسم(بإذن الله).
في المساء التقى وليد بريم قرب ميدان جامسكا..بعيد قليلا عن الحلة..جاءت ريم حاملة التورتة..قدمتها لوليد..تبسم وليد(ياخ والله م عارف اشكرك كيف)..ردت ريم في خجل(ي ود تشكرني شنو عادي وربي)..تبسم وليد(طيب الليلة حاكلا كلها...ولا اكل الكيكة واخلي الكريمة ولا اكل الكريمة واخلي الكيكة)..ضحكت ريم اشد الضحك..اخذ وليد يراقبها وهي تضحك..تضع يديها على فمها..ينظر اليها بحنية ..تبادلا الحديث..كانا مستمتعين مع بعضهما..عند الرجوع ودعها وليد(اها اظنك حتمشي بعدا)..ردت ريم(اي بس قدمني..عارفني مع الكلاب)..رد(طيب ارح)..ذهب معها وليد حتى قرب بيتها..عند الرجوع بالشارع الاخر اوقفه 5 شباب..كان الشر عليهم..قال احدهم(شنو ي باشا..ماش مع البت قاطع قدامنا..انتا قايل الحلة دي م فيها رجال)..رد وليد كان ساكنا(والله ي شباب انا ساكن الحلة التانية دي..وانتو فاهمين الموضوع غلط)..رد احدهم(والله ماف اي غلط في الموضوع..براااك وقعت فيها)..ضحك وليد(يعني دا كلامك ..دسيس)...اخرج هاتفه..اتصل على اخيه سعد(الو ي ابو السعود..وينك)..رد سعد(والله وصلتا مشوار جامسكا هنا وراع المحطة)..رد وليد(بس ود حلال قبل ترجع تعال في الشارع..الجمب الكشك اول لفة)
يتبع....
