ذهبت ريم الى الدكان...ارتدت ثوب امها الازرق..الى نصفي ساقيها تحت بنطال اسود اللون..دخلت الدكان اشترت بعض الاشياء..وعند رجوعها وجدت على الباب وليد..ارتبك وليد قليلا..كان الباب واسعا..قابلته بإبتسامة عفوية..نظر اليها وليد..كانت عينيها تحكي قصة بينهما..لم يستطع لفرط فرحه بإبتسامتها ان يقف مستقيما..كان ابتسامتها كمفتاح جديد لكنز قديم احكم قفله..كانت ساحرة..عيناها مع جفنيها داوت سقيما كثر سهره تبسم لها هو الاخر..لم يجري حديث بينهما..رجعت الى بيتها..جلس في الدكان محتارا يتغكر في جمال ابتسامتها...اقفل عينيه واغمضها..لم يكن في حلم..كانت لذة الابتسامة لم تفارق خياله..ساله سيد الدكان(عايز شنو)..نظر اليه مطولا..ضحك(والله م عارف الجابني ليك شنو نسيت القروش في البيت)...واثناء رجوعه الى بيته..كان مبتسما..يردد اغاني المهرجانات المصرية(واخترتي خلاص تبعدي عني
وبكرة تشوف..بكرة تشووووف...انتي اللي هتيجي وهتقولي اعمل معروف ..اعمل معروف..وساعتها هسامحك ي حبيبي..منا لازم اسامحك ي حبيبي..مش هيخلصني انك تيجي..وترجع مكسووووف....هكسفك ازاي وانتا حبيبي)...وهو يترنم بها في الطريق.
في العصر...كان معتصم ووليد يتجهزان"للدافوري"..جلسا عند احد اللساتك سال معتصم وليد(اها الزول داك خبرو شنو)..رد وليد(والله الحمد لله ..ريم دي اصلية والله)..رد معتصم(يعني وضحت امورك)..وليد يرد( والله صداقة بس م اي شي الا حب)..رد معتصم(ياهو معناتا مسترهناك ساي..وانتا عايش الدور)..نهض وليد نظر الى معتصم(الكورة عزلوها)..ضحك معتصم.
في بيت سعد...خرجت رهف الى الدكان بعد ان ارسلتها امها لتشتري بعد الحاجيات..لبست عبايتها وذهبت..اشترت حاجياتها وعند الرجوع وجدت سليم..حبيب صديقتها المفضلة روان...تفاجئت ..سلم عليها...كانت رهف مرتبكة...سالها من روان..اخبرته انها بخير ..اخذ في السؤال..كانت رهف تلفت كثيراا..يمينا وشمالا..حاولت ان تختصره..اخبرته انها مستعجلة..رجعت الى البيت..اقفلت الباب واخذت نفس عميقا..ذهبت الى التلفاز..جلست تشاهد التلفاز..تفاجئت بسعد يدخل الغرفة..نظرت اليه وجدت الشر في عينيه..اقترب منها نهضت بسرعة(سعد).
......
اقترب سعد من رهف...ضربها كف على وجهها..كانت الضربة شديدة لدرجة انها وقعت على السرير..كان سعد حادا جدا..نهضت رهف..كانت تبكي...(مالي ي سعد في شنو)..اشار سعد بيده(الموقفك مع الولد دا شنو)..كانت رهف تضع يديها على وجهها خوفا من ضربه وتبكي بحرقة(ولد منو ).وسعد هائج (الولد الوقفتي معاو جمب الدكان م تخليني اكسر ليك راسك دا)..والدموع تسيل من عيني رهف..
كانت تتقطع في حديثها..تتكلم بإرتباك(والله..والله ..والله دا بعرف صحبتي وسالني منها)..وهي جالسة على السرير وسعد واقف امامها..كالوتد متجهم الوجه يصيح باعلى صوته (يا بت الناس انتي الا اجيب ليك الخرطوش صاح..نمنعك المرقة صح..من متين قاعدة تقيفي في الشارع مع زول)..ورهف تبكي وهي مع كل كلمة وحركة يد تبرز من سعد تحاول رهف تغاديها(والله م قصدي..اسفة بس هو سالني م اكتر)..وسعد يرفع يده عاليا(وقسما بالله ي رهف..القاك واقفة في الدكان مع ولد الا اكسر راسك دا..ياخ الدكان لو لقيتي مليان اولاد تعالي راجعة..فاهمة ولا م فاهمة)..ورهف تبكي وقد حضرت والدتهم حنان كانت تقف قرب الباب..اجابت رهف(فاهمة)..ثم غادر سعد الغرفة بعد ان تركها في السرير تبكي..لحقت به امه سالته(ي ولدي الحاصل شنو)..رد سعد وهو يصيح(لقيتا واقفة مع ولد قالت بعرف صحبتا..المهم كلميها ي امي لو لقيتا واقفة مع ولد بكسر راسا)..ردت امه بهدوء(ي ولدي براحة عليها..هي اول تعمل الحكاية دي)..نظر سعد الى امه(م عشان كدا انا هجتا فيها دي اول مرة واخر مرة..والولد انا بتصرف معاو)..ثم غادر البيت في غضب.
في المساء..كان وليد في بيته..جالس على السرير يأكل قصب السكر ويتحدث مع ريم في الفيسبوك...
وليد:طبعا الليلة اخوك غلب في الكورة😌
ريم:وااااو..اصلا عارفة اخوي لعاب
وليد:احلى الشي الزول بعد المغرب يفرش سريرو برااا ويتونس مع مزة
ريم:🙈🙈واصلا م خجلانة
وليد:لا افتكرتي المزة دي انتي ولا شنو ي جعفر😂😂
ريم:😒😒👊👊👊مرض ..عفن
وليد:بمزح😂
اصلا عيونك ديل كفاية☺
وكمان مع مشيتك السمحة دي
ريم: ي ود هوي بطل كسير
وليد:والله جد اوريك بيت جرير ولا حافظاو
ريم:عارفاو😌مش حق
ان العيون التي في طرفها حور قتلننا .....ثم لم يحين قتلانا
وليد:بس دا بنطبق عليك
ريم:ثانكيو يووووخ
وليد:والله ي ريم م عارف لكن لو يوم م اتونستا معاك بفرق معاي
ريم:وانا كمان😢يعني شبه عرفنا بعض شديد
وليد:اي والله
طبعا حاليا باكل في قصب سكر😈
ريم:وااااي ي وليد..عليك الله معاك ياخ وربي بموووت فيو
وليد:ههههههه عندي قصبتين
ريم:عليك الله جيب واحدة وربي نفسي فيو
وليد:انتي جادة ..اها اجيبو ليك كيف
ريم: اي نتتلاقى وتديني ليها
.......
عندما قرا هذه الرسالة..اخذ نفسه عاليا..تبسم..نظر في ارجاء الحوش..قرا الرسالة مرتين ثم رد
وليد:انتي جاااادة..نتلاقى نتلاقى
ريم:اي فيها شي..ولا انتا م عايز تديني القصبة
وليد:انتي عويرة والله لو عايزة حواااشة اشتري ليك..بس نتلاقى وين
ريم:امممممم🤔الميدان كيف..اسع قبل صلاة العشاء
وليد:طيب زيت.
يتبع.....
