Beautiful Days (Completed)

Kabanata 9

"Totoo bang nakipaghalikan ka kina Kein at Auel?" tanong ni Clive sa akin na sobrang ikinagulat ko.

"Why did you want to know? Its just a game." sabi ko at tinungo ang cabinet para magkalkal ng damit.

"I don't know. I just don't feel good na hinahalikan ka ng ibang lalaki." aniya na dahilan kung bakit muli ko syang hinarap.

Tama ba narinig ko o dala lang ito ng nainom ko? Sobrang bilis ng tibok ng puso ko at pakiramdam ko ay parang lalabas ito sa katawan ko.

"Anong sabi mo?" ang naninigurado kong tanong. Gusto kong maka siguro kung hindi ba ako nililinlang ng pandinig ko. Dahil ang maka dinig ng mga ganon mula sa kanya ay parang nagbibigay sa akin.

Huminga sya ng malalim bago nagsalitang muli. "Nevermind. Sige na,mauna na akong lumabas." at lumabas na nga sya ng kwarto.

Anong problema nya? Bakit umaakto sya ng ganyan?

Ipinagkibit balikat ko na lamang ito at nagpalit na ng damit. Paglabas ko ng kwarto ay nagtatawanan na sila,paubos na din ang inumin. Tamang tama at antok na ako.

Tulad ng usapan ay naki sleep over nga sina Auel at Kein,ngunit sina Clive at Yannah ay umuwi. Hindi ko maiwasang isipin kung ano ang ginagawa nila pag silang dalawa lang. At aaminin ko,masakit pala talaga ito.

Hanggang sa dumating ang araw bago ang sinasabing bakasyon ni Leer sa Isla Fuentebella. Sobrang excited ni Auel at buong araw tumambay sa coffee shop.

"Nakakailang kape na yang tropa mo?" ang tanong ko kay Kein habang tinitingnan si Auel na nasa labas,dun sa may payong naming table.

"I don't know. Sobrang excited lang siguro ng gago." ani Kein at bumungisngis. Hanggang sa may mag park na pamilyar na sasakyan. "Oopps! Nandyan na ang manliligaw mo."

Bumaba si Adonis sa kotse nya na naka suit pa. Ang gwapo talaga nya kahit na nasa early thirties na sya.

"Mamaya ko na sya haharapin. Marunong naman syang maghintay." at nagsimula ko ng ayusin ang mga table na iniwan ng mga costumer.

Hindi nauubusan ng tao ang shop,gwapo at magaganda ba naman ang mga crew. Napaka giliw pa sa mga costumer,kadalasan yung iba nagkakape nga pero tumatambay na din para lang makita at makausap ang mga paborito nilang crew,at ang pinaka mabenta ay si Cross kahit na medyo suplado sya.

Hanggang sa matapos na ang shift ko. Lumabas na ako at nginitian ako ni Auel,lalapit na sana sya ng lumapit si Adonis,kita ko kung paano nagsalubong ang kanyang mga kilay. Sinenyasan ko sya na maghintay,kaya napalingon din sa kanya si Adonis.

"I missed you Kloyy,Im sorry kung hindi ako nakipagkita this week. Maraming pending na trabaho at tinapos ko muna,so that mas marami na ang time nating magiging magkasama." aniya pagkatapos akong halikan sa pisngi.

Nagulat ako. Alam ko may ilang nakakita at hindi ako sanay sa ganon. Para mawala ang pagiging akward ng moment ay ngumiti na lamang ako.

"Tara,maupo muna tayo,ipapakilala kita sa kaibigan ko." at hinila ko si Adonis papunta sa pwesto ni Auel. "Auel this is Adonis,Adonis this is Auel." pagpapakilala ko at naglahad ng kamay si Adonis,tinanggap ito ni Auel.

"Nice to meet you. Im Adonis,manliligaw ni Kloyy." at halos sabay kaming napanganga ni Auel. Hindi ko alam kung tama ba itong sinabi ni Adonis o hindi.

"Ah. Ganon ba? Nice." ang tanging nasabi na lang ni Auel at tiningnan ako ng may mga matang nagtatanong. Naupo na kaming tatlo. Sumenyas si Adonis at lumapit si Jaii,umorder sya ng tatlong slice ng blackforest at dalawang chocomouse,samantalang sa kanya naman ay purong kape.