Khuloos e dil

Woh Lamha

Inaya alarm k bar bar bajny se uthi or ghari ki taraf dekhty hi ghabra gai 7:30 ho rahy thy matlab aj office ki van nikal gai thi iski colleague chutti par thi is liye jana zaroori tha so na chahty huy bhi bister se uthi or jaldi se tyar ho kar bahir aai to Zohaib nashty ki table pe betha tha nazrain akhbar main jami hui thin. is ka nashta bhi para tha magar wo lait ho rahi thi jabhi purse uthany lagi "nashta karlo. mujhy laga aj tum nai jaogi" Zohaib ki awaz ai . "nahin main lait ho rahi hon" Inaya ny masroof se awaz main jawab dya. "Nashta karlo main office jaty huy tumhain drop kardonga mujhy bhi aj jaldi nikalna hy" Zohaib ny israr kya to wo na chahty huy bhi beth gai. Inaya us k saath nai jana chahti thi lakin yahi best option tha. Zohaib aam tor pe office k liye 12-1 bjy tak nikalta tha. Aj uski 9 bajy meeting thi.

............************............

Tuition parhany k baad jub wo laiti to Inaya ko yaad aya k poora hafta guzar chuka hy or Manahil ny chakkar nai lagaya halank wo to din main kai baar aa jati thi. yahi soch k wo khairiat poochny us k ghar gai to pta chala k mohtarma nai mansoby bnany main masroof hain. Manahil ki chachi murree main rehaish pazeer thin or aj kal inko wahan jany ka bhoot sawar tha. jub k us k baba usy akela bhaijny k haq main na thy. Inaya ko dekhti hi us ny nai zid shuro kardi k Inaya or usy saath bhij dain to wo maan gaye.  Manahil ki ammi uski la prwah tabiat ki waja se nai bhaij na chahti thin lakin jub Inaya k maan baap ny ijazat dedi to unhon ny bhi hami bhar li. 

Inaya ko aesy kisi unknown k ghar jana bohut ajeeb lag raha tha lakin Manahil ny aj tak kisi ki suni thi jo us k aitraz ko ghas dalti. phir Inaya ko bhi excitement thi grduation k baad pehla baqaida trip tha so donon ny zor-o-shor se tyarian shuro kr den.

............************............

Agly hafty donon murree pohunch gain. Saeeda chachi nihayat khush mizaj khatoon thin. In k shohar ka inteqal kai baras pehly ho chuka tha. ik beti thi jo shadi k baad Islamabad main rehtri thi. Inaya ko un se mil k bohut khushi hui or wo jis khuloos se milen us k sari jhijhak khatam ho gai. Ik din to donon ny khoob so kar safar ki thakawat utari. Sham main wo teenon lounge main bethy chai pe rahy thy jub Saeeda chachi ny apny hisab se khushkhabri di. "Kl subah Zohaib bhi aa raha hy kuch dinon k liye . acha hy wo tum logon ko ghuma phira dega warna mujhse to bhai ghutnon k dard ki waja se ghar se nikla hi nai jata" tenon k chahron pe bilkul mukhtalif jazbaat thy. Ajeeb baat hy na k ik khabar mukhtalif logon k dil min mukhtalif jazbaat ubharti hy. Hamesha kisi ik ki khushi dosry k nuqsan ka bais bnti hy. shayad tabhi kaha jata hy k sub ko khush rakhna na mumkin hy.

............************............

Zohaib subah hi pohunch gaya tha. Manahil ki khushi ki inteha na thi jub k Inaya ko ik bar phir Zohaib k qaseedy sunny thy. wo ik achi sami thi lakin Manahil k agay uski bardasht jawab de jati thi. Wo donon chai peeny main masroof thin or bahar Saeeda chachi or Zohaib musalsal kisi bahas main uljhy huy thy. 

"Khala apko btaya to hy k abhi mera shadi ka koi irada nai hy." Is k aty hi ik bar phir unhon ny rishton ka dhair laga dya tha. "Ary ajeeb baat karty ho shadi ki yahi to umer hoti hy baad main baal safaid ho jaingy to koi larki ni mily gi." wo is baar usy asani se nai chorni wali thin. "aap ab mujhy underestimate kar rahi hain" ye baat us k dil pe lagi thi. "tum kisi ko pasnd to ni karty?" unko naya khadsha lahaq hoa tha. "ni khala koi pasand aigi to sub se pehly aap ko btaonga. abhi mujhy apna career to bnany dain . wasay bhi suna hy biwian kangla kar deti hain" usny baat khatam karny waly andaaz main kaha or uth khara hoa. career ki fikr usy chand din pehly se hona shuro hui thi jubse is k sunny main aya tha k logon ka khayal hy k us ki itni jldi shohrat ki waja uski qablyyet nai bul k uski wajahat hy. Ye baat kisi had tak theek bhi thi awam main iski maqbooliat ki ik waja jazib nazar shakhsiyat thi lakin talent bhi tha or jawan khoon bhi jo usy hur khatry k samny dat jany ki himmat deta tha. Or ik journalist ki ye khoobian usy urooj pe ly jany k liye bohut hoti hain.

............************............

Aj Naila k na hony ki waja se kaam bohut ziada tha uper se Inaya ko musalsal wrong number se call aa rahi thi jo akhir tang aa k usny utha li "Hello!" isny phone kaan se lagaty huy nihayat ghussy se kaha. "Suno Madam! apny shohar ko samjhalo. Aainda agar isny hamary saain k bary main is tarah ki baten program main bolen to hum se bura koi nai hoga." or phone rakh dya gaya. uska ghussa jhaag ki tarah beth gaya.

wo is phone call ki waja se kaam nai kar pa rahi thi tabhi jaldi off ly k ghar aa gai. Ghar pohunchty hi nai siry se ghussa charha tha. "Ye ab itni neech harkaten kary ga. samajhta kya hy ye khud ko. ye mujh per kya sabit karna chahta hy bohut azeem kam kar raha hy?" wo ghussy main kamry main chakkar kat rahi thi jub Zohaib ki gari ka horn sunai dya. khikhi se jhanka to wo gari ander park kar raha tha. So is ny soch lya "aj do tok baat hogi isse". Nafrat ki koi definition nai hoti ye shayad ghussy ki ik qism hoti hy. Nafrat main bhi ghussy ki tarah ankhon pe patti bandh jati hy or phir dimagh wohi dekhata hy jo nafrat dekhana chahti hy.

Inaya ki ankhon pe bhi Nafrat ki patti bandhi thi so nihayat ghussy main wo Zohaib k kamry main chali gai. lakin Zohaib kamry main nai tha shayad washroom main tha tabhi wo thori dair intezaar kar k lot ai. Abhi kamry main dakhil hui thi k light chali gai flash light k liye mobile tatola to yaad aya k mobile Zohaib k kamry main chor ai hy. jaisi hi kamry main enter hui bohut zor se kisi cheez se takrai or girny wali thi k Zohaib ny mazboot grift main tham lia usy lamhy bijli aa gai. cahnd second wo donon sakt rahy or phir Inaya tezi se seedhi hui or kamry se nikal gai. usy us lamhy phone call bhi bhool gai thi 

............************............