Khuloos e dil

Lahasil Khuwahishat

Dining table main mojood kisi ko Saeeda Chachi ki baat samajh nahi aai thi.

"ary Inaya ki baat kar rahi hon mujhy to wo bachi bohut achi lagi or jub Zoahib bhi maan gaya to main ny foran karachi ki booking kara li."

Table pe bethy tamaam logon k chehron pe khushi ki lahar dori.lakin kony main bethi Manahil k ander ik saath bohut kuch toota tha. thora maan .. thori umeed .. thora yaqeen. jub ander kuch toot ta hy to bahir sirf paani ata hy. Manahil k bhi ansoo thy jo aankhon main bhar rahy thy. lakin wo zabt kiye rahi. or jub wo ansoon us k gaale ka phanda ban gaye or mazeed zabt na hoa to wo ahistagi se uth kar apny kamry main chali gai. hamary yahan moshoor hy k buzdil log roty hain lakin aansoo buzdil nahin hoty. ye to buzdili ka tor hoty hain. 

............************............

To wo waqt bhi aa gaya tha jub Zohaib Inaya k liye rishta ly kar aya. Inaya k walidain hairaan thy unhon ny to abhi Inaya ki shadi ka socha hi nahi tha. Bus Taha tha jo satwain aasamaan pe tha. Ik do mulaqaton main hi uski Zohaib se bohut achi dosti ho gai thi. kal tak wo Imran Khan ka fan tha or aaj wo sub ko bta raha tha k apny program main bary bary politicians ko la jawab kardeny wala Zohaib Ahmed uska ideal hy. aesy hi to hoty hain teenagers roz kisi naye se inspire hoty hain roz koi naya shoq apnaty hain. Inaya ko khush na dekh k Taha pareshan ho jata or usko yaqeen dilany ki koshish karta k wo kitni khush qismat hy k Zohaib jaisy shakhs ny us k liye rishta bhaija hy. or Inaya .. uski to kuch samajh nahi aa raha tha. wo bohut uljhan ka shikar thi. usy bar bar Manahil ka khayal aa raha tha. or Manahil se baat nahi ho pa rahi thi kiun k jub se rishta aya tha wo us k ghar nahi ai thi or Zohaib abhi wahin tha. to usy jana ajeeb lag raha tha. 

Aj Saeeda chachi wapis ja rahi theen. Lakin Zohaib ko Khi main kuch kaam thy to wo waheen tha. Inaya k maa baap ny abhi koi jawab nahi dia tha or waja Inaya khud thi. us k maa baap ko Zohaib bohut pasand aya tha to apny approval k baad unhon ny Inaya se pocha. Inaya ny kuch waqt manga tha jo usy dedia gaya tha.

Inaya ki nai nai job lagi thi. Wo apny kamry main bethi office ka kaam kar rahi thi jub usky kamry  ka darwaza kholy Manahil dakhil hui. Inaya k chehry pe muskurahat aa gai.

"shukar hy tum aa gai. uff kitny dinon se tumse baat karna chah rahi thi. or tum ho k call hi nai receive karti." Bs yahi wo waqt tha jo Inaya ki zindagi k na jaany kitny haseen pal kha gaya.

"bus kardo Inaya bus. bohut hogaya. ab tumhain mazeed acha banny ki zaroorat nai hy. tumny jo chaha tha wo tumhain mil gaya. main ny tumhain dost samajh kar sub btaya mujhy kya pta tha tum aasteen ka saanp niklogi." Manahil bohut ghussy main thi. Inaya ny pehly usy aesy kabhi nahi dekha tha. 

"main ny kya kya? meri kya ghalti hy?" Inaya ki to samajh main nahi aa raha tha wo usy kaisy samjhaye.

"hud hoti hy. tm ny acha nahi kya mery saath." Manahil halaq k bul chillai. 

"main inkaar kardongi rishty se. please tum betho to." Inaya ko jo samajh aya wo bolti gai wo usy calm karna chahti thi.

"Nahi jaao tum karo shadi bul k main tum se pehly kar rahi hon. Mama baba to tumhari taareefain karty nahi thakty. unka to bus nahi chalta tha k wo mujhy bilkul tumhari tarah bna dain. waah kitny kamal se hum sab ko bewaqoof bnaya hoa tha tum ny." Manahil ki aankhon main aansoo thy. usny ik qahr alood nazar Inaya per dali or chali gai Inaya k kamry se ya shayad uski zindagi se bhi. 

Inaya chair per haath rakh k beth gai. usy samajh hi nahin aya k kya hoa. wo to samajh rahi thi k Manahil hamesha ki tarah hans kar aagy barh jaigi.

ye rishty bhi ajeeb hoty hain. Inko bnany main saalon lag jaty hain or tootny main second bhi nai lagta. pta hi nahin chala kab Inaya or Manahil ik dosry k liye ajnabee ban gain.

............************............

Manahil ki baaton ny Inaya ko jahan bohut pareshan kardia tha. waheen usy kashmakash se bhi nikaal dya tha. usny soch lya tha k wo Zohaib se shadi nahin kary gi. Fil waqt Zohaib usy zahr lag raha tha. wo apny or Manahil k ikhtilaf ki waja bhi Zohaib ko samajhti thi. 

Inaya subah office k liye tyar ho rahi thi jub uski ammi kamry main aain.

"Inaya tmhary abbu janna chah rahy thy k tum ny kya socha. kafi time ho gaya hy. Kal Saeeda baji ki bhi call ai thi. dekho beta main janti hon k tumhary liye ye bohut mushkil hy. lakin zahir hy ik na ik din to karni hy tumhari shadi. Tumhary abbu ny Aurangzaib bhai se bhi baat ki hy wo bhi keh rahy thy k Zohaib bohut acha larka hy. or beta roz roz thori aty hain achy rishty." wo baat khatam kar k Inaya ko dekh rahi theen. aesy jaise janti hon k wo inkaar nahin kary gi. Inaya ki samajh hi nai aa raha tha wo kya jawab de tabhi usny ghisa pita jumla tarasha.

"Ammi main job karna chahti hon."

"Saeeda baji ko bhi yahi lag raha tha k tum job ki waja se hesitate kar rahi ho. wo keh rahin theen k Zohaib ko koi masla nai hy tumhari job se wo tum shadi k baad bhi kar sakti ho." uska aitraz khatam karny k baad wo phir usky jawab ka intezaar karny lageen. 

"acha" pta nahi usny kya soch k acha bola or uski ammi ny kya soch k suna lakin wo utheen usko galy se laga k pyar kya or muskuraty huy kamry se nikal gain.

............************............

hii guys!!

feeling sad! me too. aap ko kya lagta hy ab kya hoga? Manahil or Inaya main phir dosti hogi? ok guyss. dekhty hain ab kya hoga :)

please vote and comment

thanks :)