Aj Inaya, Zohaib aur Manahil ny nathiya gali jany ka program bnaya. Program to Manahil or Zohaib ka tha Inaya to ik kath putli ki tarah saath thi. Saeeda chachi se milny k baad Inaya jis asani se adjust hui thi Zohaib k aany k baad wo dobara pareshan ho gai thi. usy ye ahsas hi ajeeb lagta tha k wo bin bulai ajnabiyon k ghar aa bethi hy or ab unki zindagi main mukhil ho rahi hy isi khayal k tahat wo ziada waqt kamry main guzarti thi ya kitchen main ja k koi help kara deti thi. Manahil tyar ho k ai to Inaya ki nazrain thori dair k liye us pe tehr gain wo pink kurti or jeans main bohut pyari lag rahi thi. Manahil bohut khobsoorat naqsh rakhti thi. wo apni tafreehi tabiat or khobsoorati ki waja se hur dor main popular rahi thi. Inaya ny usko dekhty huy socha "Ye waqai Zohaib k saath bohut achi lagti hy." wo donon saath hotin to Manahil khud bakhud numayan hoti thi. lakin Inaya ko bhi araam se ignore nai kya ja sakta tha. uski masoomiat or haya main hi attraction thi. Jub wo nathiya gali pohunchy to asar ki azan ho rahi thi. Zohaib namaz ka keh ker wahin qareebi masjid main chala gaya. mosam bohut khushgawar tha thandi hawa rahi thi. Inaya ko thand lagi to us ny apny gird shawl lapait li usny black jeans k saath black kurti pehni hui thi. wo donon aesy hi baten karty huy dukanon k darmian se guzarti ja rahi thin jub peechy se Zohaib ny aa lya. wo bhi ab baaton main shamil ho gaya tha bul k shayad Inaya ko be dakhal kar gaya tha. Manahil pehly jo guftugu Inaya se kar rahi thi ab uska rukh Zohaib ki taraf tha or Inaya ghair mehsoos tareqy se nazar andaaz ho gai thi. ye is dunya ka almya hy k yahan insan khud hi logon ko categorize karty hain. phir unki jaga muntakhib karty hain or phir khud hi unko us jaga se hata dety hain. Manahil ny bhi yahi kya tha Inaya ki jaga foran hi Zohaib ko dydi thi. is se bary afsos ki baat ye thi k ye kam itni khmoshi se hoa tha k khud Manahil ko bhi ahsas nai hoa k wo kya zyadti kar bethi hy. haan lakin un donon se char qadam peechy chalty huy Inaya ko bohut shiddat se ahsas hoa tha k wo apni dost kho chuki hy tabhi Zohaib bhi zeher laga tha.
............************............
Kitchen main aty hi isy khayal aya k aj to jumarat hy or aj khana bnana is k zimmy hy or ghussy ny ye baat bhula di thi. usy to bilkul bhook nai thi lakin Zohaib k liye bnana tha wo bilkul uska ahsan nai lyna chahti thi isi liye khany k liye cheezen ikhatti karny lagi tab pta chala k pyaz khatam hogai hain. ab wo yahi sochny lag gai k kya bnaiy. itny main Zohaib kitchen main aaya us k baal ab bhi geely thy lakin ab brush kar k peechy kiye huy thy. "haan bolo tum koi baat karny wali thin?" uska ishara us baat ki taraf tha jis ko karny k liye wo us k kamry main ai thi. Inaya ko samajh hi nai aya k kya boly tabhi gardin inkar main hila di. "Aj tumhari baari thi. khana nai bnaya?" wo sawal nai tha. Inaya ko itny tanzya jumly sunny ki aadat na thi lihaza halaq tak karwa hogaya. "tum hmesha late kardeti ho" usny jwab ka intezar kiye baghair agla jumla mara tha. Khud Zohaib ko bhi andaza nai tha k us k choty choty tanz is waqt kitna tofan barpa kar rahy hain Inaya k ander. ab to Inaya ka wo ghussa jo kuch dair pehly tak thanda hogaya tha ik dam lot aya tha ab wo chup nai rahi "tum kya samjhty ho apny aap ko? koi bohut kamal k insan ho? " wo poori quwwat se cheekhi thi."or ye jo tum call kar k dhamkaty hona to sunlo" wo ungli utha k tanbihi andaaz main boli thi. Zohaib jo ab tak moun kholy hakka bakka usy dekh raha tha foran chonka tha "konsi dhamkyan? kisny call ki?" Inaya jis ka phoola hoa saans bahal ho chuka tha boli "bus bus Zohaib Ahmed bohut hogaya tum kya samajhty ho Inaya itni bewaqoof hy k tum usy kisi se phone kara k dhamkyan dil wao gy or wo tumhari jurratmandi k qaseedy parhny lagy gi? tum ik intehai khudprast insaan ho. ab bus karo ye dramy! jaise main janti nahi" wo nafrat se kehty huy apron phenkt kar kitchen se bahar nikal gai. or Zohaib wahin uljha sa khara raha "tum mujhy waqai nai jantein Inaya" us ik jumly main bohut sa ghum tha.
Us raat us ghar k donon makeenon ko neend nai ai thi. Inaya apny kamry main jaty hi bed pe bethi thi or us ki syah ankhon main moty moty aansoo jama thy jo wo baar baar saaf karti thi or phir dobara ro deti thi wo apny aap ko yaqeen dilati thi k jo usny Zohaib ko kaha hy wo bilkul sahi hy wo isi laiq hy phir bhi pta nai sukoon nai mil raha tha. aanso nahi ruk rahy thy. diwar k us par Zohaib k kaanon main Inaya k jumly goonj rahy thy or uski ankhain jis main aj pehli baar usny bholapan or masoomiat nai nafrat dekhi thi wo yaqeen nai kar pa raha tha k wo nafrat us k liye thi ya shyad karna nai chahta tha. kya wo us sy itni bad gumaan thi? kya waqai usny ghalti ki Inaya se shadi kar k? usny to jis Inaya se shadi ki thi wo bohut masoom or pyari thi to aj wo kon larki thi jo us per buri tarah chillai thi usy waqai bohut bari ghalti hogai thi. uska demagh soch soch k phata ja raha tha lakin sub se pehly is dhamki waly masly ka hal nikalna tha yahi soch k us ny phone uthaya.
............************............
Hey readers!!
Hope you guys are doing well. As you people know this is my first novel so please do vote and express your thoughts and suggestions about the novel in the comment section. Your views are highly appreciated.
From now on I'll upload the new part every weekend
Thank you so much 😀
VOUS LISEZ
Khuloos e dil
AléatoireThis is my first novel. It is #1in Random 😍 It is in roman urdu. Hope you like it :) "koi agar kholoos e dil sy parhy mujhy main sur basar kitab e tamanna dikhai don hur aib sahi mujh main magar aj bhi mujh ko apnon main khafa hony ka andaz na aya"
