Izterab

266 27 6
                                    

Inaya bhi Pakistan ki un 90% larkion main se thi jinko maloom nai hota k wo kya banna chahti hain. usy mass communication interesting lagta tha or Manahil bhi us main admission ly rahi thi to usny bhi lylia or phir jub parhny k baad field achi lagna  start hoi to usi main masters bhi kar lia.

Inaya subah se upset thi kiun k uski  interview call nikal gai thi. ya shayad ye ignorance hoti hy jo aap ko maar deti hy. agar koi Manahil se pochta k Inaya ki nature kesi hy to wo kehti k wo bohut calm or composed hy. Inaya bila shuba aesi hi thi kiun k wo kabhi apni feelings zahir nai karti thi. aesy logon ka dunya main bohut mushkil se guzara hota hy. pta nai hum jub kisi ko mazboot dekhty hain to ye kiun samajhty hain k unhen koi farq hi nai par raha. jo jitna mazboot nazar ata hy wo ander se itna hi bikhra hoa hota hy. Inaya bhi aesi hi thi us k ander kya aag bharak rahi hoti thi kisi ko ilm nai hota tha. us ny aaj ghar phone kya tha or Taha ko kaha tha k wo wapis ana chahti hy. lakin ab tak kahin se koi positive response nai mila tha. ab wo buri tarah frustrate ho gai thi. or kafi baar ro bhi chuki thi. ansoo boht ahem hoty hain. hamary yahan ye concept hy k ansoo kamzor log bahaty hain. aesa hota to khuda ko insan k ansoo itny pasand na hoty. abhi wo bethi thi k Manahil aa gai or wo khana khany ja rahy thy. usny pakka irada karlia k nai jaigi. lakin phir jub saeeda chachi ny aa kar kaha to wo ik bar phir bebas hogai.

car main bethty huy Manahil ny kaha 

"Yar ab sahi ho jao. koi baat nai IA tumhain or behter jaga job mil jaigi." Inaya ko hansi aa gai thi to isko lagta hy main job ki waja se do din se pareshan hon.  wo donon gari main peechy bethi then jub k Zohaib aa gy tha driver k saath. Zohaib bazahir un ki baton main koi dil chasbi nai rakhta tha or mobile main nazarain jamai huy thy lakin kisi ko kya pta tha k paanchon hisain or dimagh peechy laga tha. 

"hamesha mery saath hi aesa hota hy sary masaail to hain hi mery liye baqi sub ki zindagian to bohut aasan hoti hain." Inaya bohut ghamgeen thi. wo pta nai kon kon se masly liy bethi thi. wo teenon kisi buffet main gai. wo teenon khana daalny gai. Inaya ny bus chand malai boti k tukray plate main daly or table pe aa k beth gai. usy bilkul bhook nai thi. thori dair baad Zohaib aya.

"bary dukh diye hain zindagi ny aap ko?" wo chawal mun main dalty huiy bohut hamdardi se poch raha tha. Inaya khamosh rahi.

"aap ko shayad ilm nai k hur kisi ki zindagi main bohut mushkilat hoti hain. lakin hum wo tabhi jaan sakty jub hum unki jaga khary hon. bul k kabhi kabhar to ik ka faida hi dosry k liye nuqsan ka bais ban jata hy. kisi se humdardi rakhna alag baat hoti hy or kisi k dukh ko samajhna alag. bura na manna lakin tumhary mun se ye baaten bohut mazahiya lagti hain. tumhary maa baap hain, bhai hy, jo mujhy yaqeen hy tum per zulm o sitam nai karty hongy phir bhi zindagi mushkil lagti hy tumhain." wo mskuraty huy kah rah tha. muskuraty huy us ki ik gaal pe dimple parta tha. jo Inaya ny aaj notice kya tha. us ny baaton baaton main baary aaram se Inaya k uper gharon man paani daldia thaa. Inaya ko sharmindagi zaroor hui thi per usko bura nai laga tha usy waqae uski baat samajh ai thi haan bus ik baat thi jo ajeeb lagi thi or wo Zohaib ka aap se tum per shift hona tha.

............************............

"sahil pe khary ho tumhain kya ghum chaly jana ..... main doob raha hon abhi dooba to nai hon"

raat k bara baj chuky thy. Inaya rocking chair pe ankhain moondy bethi gaana sun rahi thi. jub achanak kisi khayal se ankhain kholin or ghari dekh ker chonk gai. 

"ye Zohaib ab tak nai aya." usy pareshani hui wo aam dinon main 8 bajy aa jata tha or agar late hota tha to text karta tha. lakin dus bajy to wo hamesha hi aa jata tha. call karny k liye phone uthaya phir socha 

"abhi pichly dinon to larai hui hy call karongi samjhy ga mari ja rahi hon us k liye. aa jaiga" phir khudy hi tasalli di or gaana sunny lagi. 

"muztar kiun mujhy dekhta rehta hy zamana ..... deewana sahi unka tamasha to nai hon" wo ye gaana repeat main sun rahi thi. hamesha se usy ye gaana bohut pasand tha.

"ae wada faramosh main tujhsa to nai hon"

gaana sunty sunty usy neend aa gai. jub aankh khuli to derh baj raha tha foran bahar gai wo ab tak nai aya tha. ab or koi chara nai tha is liye jaldi jaldi phone milany lagi lakin aagy phone bhi band tha. phir pta nai usny kitni baar phone kya office dost jis jis ka Zohaib ki diary main number tha sub ko. us ko to Zohaib k kisi dost ka pta hi nai tha. wo Zohaib se muhabbat nai karti thi bul k wo to pasand bhi nai karti thi. phir shayad ghar main pichly ik saal se jis shakhs k saath reh rahi thi uski aadat hogai thi. or kabhi kabhi aadat ka rishta muhabbat se ziada mazboot hota hy.

............************............

hey readers!!!

ye episode "Inaya special" thi. so pleaaaase let me know what do you think about her. kya kabhi aap kisi Inaya se milty hain?? i am soo happy i uploaded the episode on time :) you will get next part on saturday IA.  please vote. :)

Enjoy :)

Khuloos e dilDonde viven las historias. Descúbrelo ahora