( الحلقه الثامنة )
وقفنا الحلقه اللى فاتت لما جاسر شاف ندى و هى خرجه من الكوافير مع سالى و صدم جاسر لشيئين اولهما جمال ندى وسحرها الزائد فهى تبدو كملكه بالفعل و الثانى كيف لها ان تضع هذا الميك آب امام الجميع , يعلم جاسر ان هذا متعارف عليه فى المناسبات و هى لم تضع سوى القليل جدا جدا و لا يلفت النظر و لكنه جاسر يغير بشكل جنونى , كان يود ان يذهب اليها و يعنفها على فعلتها و يطلي منها ان تزيل كل هذا بل يود جاسر ان يخفيها تماما عن أعين الناس و لكنه قال لنفسه ليس لى صفه الان كى اتحدث هكذا و أفاق من شروده على رامى و سالى متجهين لعربه الزفه بعد ان فرحت سالى بشده لهذه المفأجاه .... أصرت سالى ان تركب معها ندى عربه الزفه و رفضت ندى فى بادى الامر و لكن اصرت سالى و قال والد ندى لها ان تركب معها فى عربه الزفه و هى عربه جاسر وركبت ندى بالطبع رامى و سالى بالخلف و ندى بالامام
ودت ندى لو تنشق الارض و تبتلعها من خجلها من جلوسها فى الكرسى الامامى و تخجل كثيرا من ان يراها جاسر بالميك آب فهى لم تعتاد و جاسر ايضا لم يعتادها هكذا
لم يستطع جاسر التركيز جيدا فى القياده فهو يريد فقط ان ينظر لندى حتى انه كاد ان يصطدم بأكثر من سياره خلال سيره إثر عدم تركيزه
حتى ان وصلا القاعه وبعد قليل خرج جاسر ليرد على هاتفه بعيد قليلا عن الصوت العالى و عندما عاد وجد المفاجأه بالنسبه له و التى كانت ايضا مفاجاه بالنسب لندى وهى وجود دكتور معاذ بحفله الخطبه
*** بالطبع سيتواجد دكتور معاذ فهو صديق دكتور رامى بنفس القسم
معاذ : ندى
ندى : دكتور معاذ !!
معاذ : ايه انتى متعرفيش انى مع رامى فى القسم
ندى : اهااا لا مكنتش أعرف
معاذ : اه طب انتى ايه وداكى قسم رامى
ندى : لا لا لا دى سالى أعز صحباتى
***دخل جاسر القاعه و شاهدهم فى هذه اللحظه و اتجه نحوه
جاسر : ندى
***انقلب وجه معاذ فهو بدأيشك بإهتمام جاسر الشديد بندى
*** ما لم نكن نعرفه ان رامى ايضا مغرم بندى و قد تقدم لها مسبقا عندما كانت هى بالفرقه الخامسه و لكن والدها أخبرها و رفضت هى فهى لم تتخيله يوما أكث من أخ كبير لها و أنهى والدها الموضوع و اخبره انه لا يريد ان يشغلها عن دراستها و ان لم يخبرها من الاساس حتى لا يحرج معاذ و لكن بالطب ندى تعرف ان والدها فعل هذا و ان معاذ لا يعلم اى شى ع معرفتها بالموضوع
ندى : نعم يا دكتور
جاسر : سالى كانت بتدور عليكى روحى شوفيها
** ذهبت ندى لترى سالى ووجه جاسر لمعاذ نظره ناريه و تركه و ذهب خلف ندى و اوقفها
جاسر : سالى مش عايزاكى و لا حاجه انا اللى مكنش عاجبنى وقفتك مع معاذ , علشان سمعتك مش أكتر
** و قبل ان تتحدث ندى تركها و ذهب , اندهشت ندى ولكنها ذهبت لسالى و أكملت اليوم وأنقضت الخطبه على أكمل وجه و استمتع الجميع و شعر رامى و سالى انهما يعرفا بعض منذ حين و ان كلا منهما بداخله حب كبير للاخر وكان قلب كلا منهما يخفق بشده من السعاده
و عادا كل أحد الى بيته و الجميع يدعو لرامى و سالى ان يتمم الله عليهم بخير
جاسر فى منزله
دخل جاسر و اتجه لمكتب والده
جاسر : بابا حضرتك فاضى اتكلم معاك شويه ؟
ا/ رأفت : طبعا يا حبيبى , تعالى
جاسر : بابا بصراحه عايز أحكى لحضرتك موضوع مهم
ا/ رأفت : ايه يا حبيبى قلقتنى , فى حاجه فى المركز الطبى بتاعك ؟
جاسر : لا لا لا يا بابا خلاص ده على وشك الانتهاء
ا/ رأفت : طب الحمد لله , ايه الموضوع بقى
جاسر : بص يا بابا انا فى بنت متدربه عندى , غير كل البنات اللى شوفتها فى حياتى . هدوء, اخلاق , ادب , تدين , جمال , طاعه , كل حاجه ثم ابتسم جاسر و قال و فوق كل ده مستحمله عصبيتى فى الشغل
ابتسم والد جاسر و قال بمزح : مستحمله عصبيتك!!!!! دى أكيد مش إنسانه يا بنى ههههههه
ابتسم جاسر : لا بجد و الله يا بابا
ا/ رافت : طب كمل يا حبيبى
جاسر : اصلا انا شفتها مره كمان قبل التدريب خالص بس هى متعرفش
رافت : ازاى يا بنى
**** قص عليه جاسر موقف السياره و احترام ندى وبه .. و قص على والده دعائه المستمر ا يلتقى بها مره أخى
** فرح والد جاسر بشده فهو يتمنى ايضا ان يتزوج ابنه من فتاه محترمه
جاسر : فبعد إذنك يا بابا انا عايز اتقدملها طبعا , هى والدها مهندس بشركه .... ...
رافت : الشركه دى احنا بنتعامل معاها , اسمه ايه والدها ؟
جاسر : أحمد صادق
رافت :اعتقد قابلته مره يجى ممن 15 سنه كده راجل محترم جدا و شركتهه كلها بتشهدله
جاسر : طب الحمد لله ,, ووالدتها طبيبه أطفال و أخوها فى كليه هندسه و عندها أخت فى مدرسه يعنى بس معرفش سنها بالظبط
رافت : طب يا حبيبى عيله محترمه , توكل على الله
جاسر : انا صليت استخاره و نويت بإذن الله,, بس مش عايز ماما تعمل مشاكل
رافت : و ليه المشاكل
جاسر : طبعا هما مستواهم المادى مختلف عننا تماما و انت عارف ماما و كده
رأفت : تعمل اللى تعمله ,, و ان شاء الله ميحصلش حاجه اهم حاجه انهم ناس محترمين و متعلمين , الفلوس مش بتقيس ابدا البنى ادم يا بنى
جاسر: انا عارف طبعا بس ياريت ماما تفهم كده
رافت : اتكل على الله وربنا يسهل وانا هتصرف مع مامتك
جاسر : طب يا بابا هكلم والدها و اظبط كده و اروح لوحدى مره الاول طبعا اعرف رايها المبدئى , ربنا يستر و متخافش ترتبط بحد زيى علشان شافت منى كتير هههههه
رأفت بمزح : و الله يبقى كتر خيرها لو وافقت ههههههههههه , ربنا معاك يا حبيبى .. ايه خطوبه رامى كانت حلوه ؟
جاسر : اه اوى يا بابا , رامى مبسوط اوى و عروسته صاحبه ندى أوى
رافت : ندى مين ؟؟
جاسر : ندى عروستى يا بابا هههه
رافت : بقت عروستك هههههههه , طيب ربنا يكرمك يا حبيبى باللى تتمناه ان شاء الله
جاسر : ربنا يخلى حضرتك يا بابا , بعد اذن حضرتك بقى انا هطلع انام لحسن تعبت اوى انهارده
رافت : تصبح على خير يا حبيبى
جاسر : وانت من أهل الخير يا بابا
****خلال صعود جاسر صادفته رشا شقيقته
رشا : هو انا مش عايشه معاك , نستنى يا جاسر مفيش أسلم طب اتكلم ههههههه و مثلت كانها تبكى , انا زحلانه منك خالث خالث
جاسر بضحك : شوف المحن بقى طب ما تيجى تسلمى انتى و لا تتكلمى ههههه
رشا : بجد فينك ؟
جاسر :انا مش عايز اعطلك الدراسه لسه بدأه و كده
رشا : ماشى مش هتعطل لو سلمت عليا
جاسر :ماشى بقى بطلى زن انتى ايه راديو
رشا : طب تعالى اوضتى ثوانى بس
جاسر : رشا بجد تعبان
رشا : علشان خاطرى 10 دقايق نتكلم شويه
** ذهب معها جاسر فهو يحبها كثيرا فرشا طيبه و تاخد من طبع والدها كثيرا فهى تحب الناس جميعا
رشا : ايه بقى ؟؟؟؟؟
جاسر : ايييييييه
رشا : مفيش حاجه كده و لا كده
جاسر بضحك :حاجه ايه
رشا : حاجه كده يعنى , حاجه حلوه
جاسر : اه فى كنافه أمينه عاملاها الصبح جميله جدا هههههه
*** امينه : احدى العاملات بالمنزل
رشا : ههههههههه دمك بقى سكر
جاسر : بتتتت هتاخدى عليا و لا ايه ههههه
رشا : قول بجد بقى
*** ابتسمت عين جاسر قبل شفتيه
رشا : والله فيه , قول قول قول سرك فى بير
جاسر : سر ايه يا هبله انتى ههههههه , انا قلت لبابا اصلا
رشا : اهى اهى اهى طب و انا يا اخويا يا حبيبى
جاسر : دلوقتى اخوكى حبيبك
رشا :هههههههههه
*** و بعد مزاح و إلحاح من رشا قص لها جاسر القصه كلها و مخاوفه من المشاكل التى ستفتعلها والدته
رشا : فرحت رشا بشده و حبت ندى من حديث جاسر عليها . و ايدت جاسر ان والدته ستفتعل المشاكل بالفعل فهى تعرف نظرتها الطبقيه للمستوى المادى و دعت لجاسر ان يوفقه الله
**قبلها جاسر و تركها و ذهب للنوم , و أخذ يفكر فى غدا و ماذا سيحدث فإن ندى تذهب للمستشفى جميع الايام عدا الجمعه فقط و أخذ يتخيل يوم ان تصبح ندى خطيبته ثم زوجته و ذهب فى النوم
فى اليوم التالى ذهبت ندى الى مكتب جاسر فى الثامنه بالظبط
ندى : السلام عليكم يا دكتور
جاسر : و عليكم السلام , ازيك
ندى : الحمد لله يا دكتور وحضرتك
جاسر : الحمد لله , سالى اكيد اجازه مش هتلاقى حد تقعدى معاه فى البريك
ندى تبسمت بخجل : اه
جاسر : اصلا هتاخدى شغل كتير دلوقتى و مش هتنزلى البريك
ندى : حاضر يا دكتور
**** متعه جاسر الوحيده فى هذا الحديث ( القاء الاوامر على ندى و رويه امتثالها لاوامره )
جاسر :تمام و اخبرها ما ستفعله اليوم
ندى حاضر يا دكتور
جاسر : تمام , انا دلوقتى نازل مشوار و راجع تانى ان شاء الله
ندى : بإذن الله
**** ذهب جاسر لعنوان شركه والد ندى فهى شركه معروفه جدااااا
جاسر فى الاستقبال
جاسر : لو سمحت مكتب المهندس احمد صادق فين ؟
الموظف : الدور الثالث يا فندم
جاسر : شكرا
** وصل جاسر لمكتب والد ندى
دق الباب و سمح له والد ندى بالدخول
جاسر : السلام عليكم
ا/ احمد : و عليكم السلام , اتفضل
جاسر : ممكن اخد من وقت حضرتك بس 10 دقايق فى موضوع خارج الشغل
ا/احمد : اتفضل بس ارجوك مش اكتر من كده ده وقت شغل ادام ربنا
جاسر : طبعا يا فندم
ا/احمد : طب تشرب ايه ؟
جاسر : متشكر يا فندم
ا/احمد : لا لا لازم تشرب
***** اراد ان ينجز الوقت حتى يقول ما لديه و امام اصرار والد ندى طلب قهوه مظبوط
جاسر : حضرتك أستاذ احمد والد ندى . صح ؟
أ/ احمد : ايوه انا
جاسر : طب بعد اذن حضرتك هتكلم فى موضوع بخصوص ندى
ا/ احمد : خير ندى كويسه
جاسر : خير ان شاء الله يا فندم ندى بخير
ا/ احمد : طب اتفضل يا بنى
جاسر : انا اسمى جاسر , ندى تبقى متدربه عندى فى المستشفى
ا/احمد : اه ندى قالتلنا على اسمك فعلا , اهلا و سهلا يا دكتور
جاسر : العفو يا فندم , جاسر بس و لا انا مش زى ابن حضرتك
ا/احمد : ازاى يا بنى , انت زيه , ربنا يحميكوا كلكوا
جاسر : طيب استاذ احمد كنت عايز اتكلم مع حضرتك فى موضوع بس أتمنى حضرتك تفهمنى
ا/ احمد : اتفضل يا بنى
جاسر : بس يا فندم انا بس عايز حضرتك تسمعنى للاخر
ابتسم والد ندى لتوتر جاسر فهو حتى هذه للحظه لم يعلم ماذا به هذا الشاب
ا/ احمد : ماشى هسمعك للآخر
جاسر : تمام, بص يا فندم انا بصراحه كنت عايز أطلب من حضرتك أيد الانسه ندى و ده شىء يشرفنى طبعا
ا/ احمد بابتسام : تطلب ايد ندى هنا
جاسر : اصل الموضوع فى حاجه يا فندم
ا/ احمد : ايه هى
****لاحظ والد ندى توتر جاسر فاراد ان يكسر التوتر و يمازحه فقال
ا/احمد :طب و انت سايب بنتى و مش بدربها ليه فى اوقات العمل الرسميه , فين الضمير يا دكتور
جاسر تبسم باحراج :انا هعوض لندى الوقت ده حضرتك متقلقش خالص
*** و نجح والد ندى بالفعل فى كسر توتر جاسر و قال كمل يا بنى بقى
جاسر : الموضوع يا فندم , انى مش عايز ندى تعرف قبل ما اجى ان انا جاسر
ا/احمد : ليه يا بنى
جاسر : حابب بس أعرف رد فعلها و مش عايزها تكون متوتره معايا فى المستشفى قبل الزياره
***** علم والد ندى ان كل ما يريه جاسر هو ان يفاجى ندى و شعر انه يحبها و لكنه لم يرد ان يحرجه فتظاهر ان يصدق ما قاله جاسر
ا/ احمد : اه اه ياب بنى صح , معاك حق
جاسر : انا اتكلمت مع اهلى و ده شىء يشرفنا كلنا طبعا بس أول زياره زى ما حضرتك عارف هكون لوحدى علشان اعرف قبول ندى من ناحيتى
ا/احمد : الشرف لينا يا حبيبى , عمتا تنور اى وقت
جاسر : ربنا يخلى حضرتك يا فندم ,, انا عارف ان طلباتى كترت
ا/احمد بضحك : اه بصراحه زادت
**ضحك جاسر
ا/احمد : قول يا بنى
جاسر : انا بصراحه مستعجل جدا جدا , ينفع بعد إذن حضرتك تكون الزياره السريعه دى انهارده باليل لمده ساعه واحده بس
ا/احمد : ابتسم : انهارده !!
جاسر : لو وقت حضرتك و البيت يسمح
*** احس والد ندى بصدق مشاعر جاسر
ا/ احمد : طب يا بنى ماشى
جاسر : طب يا فندم ايه الوقت المناسب لحضرتك
ا/احمد : اللى يناسبك يا حبيبى
جاسر :ازاى يا فندم , حضرتك قولى بس
ا/احمد : 8 كده
جاسر : تمام حضرتك
ا/احمد : بس دى ندى بترجع الساعه 6 تقريبا ههههه
جاسر : لا يا فندم منا همشيها بدرى بس هطلب ىخر طلب من حضرتك
ا/احمد : هههههههههههه لا انت طماع اوى
جاسر بضحك : اخر طلب والله
ا/احمد قول يا حبيبى
جاسر : علشان بس ندى متشكش فى حاجه ممكن حضرتك بعد ساعه و نص كده أكون رجعت المستشفى تكلمها حضرتك و تحكيلها ان فى حد طالب ايديها و لظروف معينه هيجى انهارده و تقولها ترجع البيت و هى هتستاذن و اناا هوافق طبعا
ا/احمد : ههههههههه بتتفق معايا على بنتى ,, ماشى يا سيدى هعديهالك المره دى
جاسر : انا بجد مش عارف اشكر حضرتك ازاى
ا/احمد : على ايه يا بنى
جاسر : بس امانه يا فندم ندى نتعرفش ان انا
ا/احمد : خلاص يا بنى متقلقش
جاسر : متشكر لوقت حضرتك يا فندم و ليا الشرف انى اتعرفت على حضرتك , السلام عليكم
ا/احمد : و عليكم السلام يا حبيبى , اتفضل
**** بعد ان خرج احمد تحدذ والد ندى مع والدتها و اخبرها ما حدث و اخبرها برؤيته فى جاسر انه ذو اخلاق و يحب ندى و فرحت والده ندى لذلك و استاذنت من عملها كى تجهز المنزل للزياره
*** عاد جاسر لندى و قال : خلصتى اللى قلتلك عليه
ندى : اه يا دكتور اتفضل
** علم جاسر ان بمجرد ان مكالمه والد ندى لها ستتوتر من الموقف و لن تامل شى فاتى معه بطعام الغذاء و طلب بيتزا لانه حتى الان لا يعلم ماذا تحب ندى غيرها فطلب مثلما طلبت المره السابقه
جاسر : يلا علشان هنتغدى
ندى باندهاش : اتغدى, الساعه لسه مجتش 12 حتى يا دكتور
نظر لها جاسر بحده : لو الساعه 9 و بقولك يلا يبقى يلا متتناقشيش
ندى : طب هو مش حضرتك قلتلى فى شغل كتير و مش هنزل حتى
جاسر : قلت و جالى مزاج أغير كلامى و قلت قبل كده اللى اقوله تعمليه و انتى ساكته ياريت منعيدش تانى
صمتت ندى
جاسر : فاهمه الكلام ؟
ندى : اه يا دكتور
جاسر : طب يلا اقعدى كلى ,,, و الكل كله هيخلص مش لازم زى المره اللى فاتت
ندى و قد تيقنت انه لا محاله : حاضر يا دكتور
****فى نصف اكلها حدثها والد ندى ان تستاذن لان هناك عريس سياتىى لها اليوم و لكن لديه ظروف و لذلك مضطر ان ياتى هذا اليوم ,, توترت ندى بشده و ظنته يمزح و عندما تيقنت من الامر أخذ وججها يتلون بالخجل والدهشه و قالت لوالدها
ندى : دكتور جاسر مش هيدينى اذن امشى
والدها : قوليله بس و هيرضى ان شاء الله
ندى : حاضر هحاول
والدها : انا كمان و مامتك هتلاقينا فى اليت
ندى : ماشى يا بابا
والدها : ماشى , مع السلامه يا حبيبتى
ندى : مع السلامه يا بابا
*** ذهبت ندى لجاسر و قالت
ندى : دكتور جاسر ممكن اطلب طلب
جاسر و يفتعل الجديه : امممممممممممممممم
ندى : انا عارفه انى كنت لسه مستئذنه من كام يوم علشان موضوع سالى بس انا بعد اذنك عايزه استئذن انهارده لظرف طارىء
جاسر : و ياترى ايه الظرف الطارىء اللى جه فجأه كده
خجلت ندى بالطبع و قالت : بابا كلمنى و قالى استئذن ضرورى لو مش هينفع خلاص مفيش مشكله
جاسر : لا مدام والدك اللى عايز يبقى اتفضلى طبعا
لم تصدق ندى وقالت : بجد يا دكتور
جاسر ابتسم :اه بجد طبعا اتفضلى , بس دى آخر مره
ندى : ان شاء الله و بدأت تلم أشياءها
جاسر : أقعدى كملى اكلك و بعدين امشى
ندى : بصراحه يا دكتور شبعت اوى , هو لازم
**** راى جاسر االخوف فى عينها و ادرك انها علمت ان امر جاسر لا يرد و لكنها عينها تتوسل له ان يسمح لها بالذهاب دن ان تكمل طعامها فهى شبعت تماما ,,, و يعلم جاسر ان ه يصعب على البعض الاكل اثناء توتر من موقف معين و بالطبع يعلم جاسر انها متوتره
جاسر : طيب خلاص سماح المره دى و كان جاسر قد انهى طعامه
*** فرحت ندى بشده و لمت بقايا الاكل و اعطت البيتوا خاصتها لاحدى العاملات ثم عادت و رتبت الطاوله
*** اعجب جاسر بالتصرف بشده فهى لم تترك الطاوله كى ينظفها هو , تأسر ندى قلبه كل يوم عن سابقه
ورحلت ندى
وعندما عادت المنزل
ندى : ازاى يا بابا عريس يقول جاى انهارده كده ايه قله الذوق دى
ا/احمد : ده انسان محترم جدا بس عنده ظروف كده
والده ندى : طب خلاص يا ندى علشان الوقت بيعدى ادخلى يا حببتى ريحى شويه علشان متبقيش مرهقه و شوفى هتلبسى ايه
ندى : هلبس ايه يعنى يا ماما انا هلبس لبسى العادى و شكلى العدى
والدتها : اللى تحبيه يا حبيبتى اهدى بس
ندى : أصله بجد إنسان غريب اوى يعنى
محمد أخوها : ما خلاص يا نودى بقى واحد بيحب شكله و مستعجل
ندى : لا ده واحد قليل الذوق
والد ندى : عيب يا ندى كده ممتكلميش على حد , يلا ادخلى
ندى : يا بابا دكتور جاسر يقول عليه ايه بس ده ادانى اليوم بالعافيه و هيقعد يفكرنى بيه كل شويه بعد كده
والد ندى بحاولات شديده لكتم الضحكه : ربنا يسامحه بقى يا بنتى , ان شاء الله خير ادخلى بقى
ندى : حاضر يا بابا
و مر الوقت و ارتدت ندى ملابسها العاديه و كانت فى هيئه الخروج العاديه
و كان جاسر يعد الدقائق لمرور الوقت
و مر الوقت و اشترى جاسر باقه رائعه من الورد و علبه رائعه الجمال من الشيكولاته الموضوعه داخل فازه من الكريستال
و دق جاسر الباب .........................................................................................................
ياترى هيكون ايه رد فعل ندى لما تشوف جاسر و تعرف ان هو العريس ؟؟
و ياترى هيعملوا ايه فى المقابله دى و حاسر هيتصرف ازاى مع ندى ؟
\
