الحلقه الواحده والعشرون
انتهت الحلقه السابقه عندما أشرق قرص الجوناء و داعب جفون أبطالنا و اعلن عن صباح يوم جديد ، صباح يوم سعيد ، صباح زفاف بطلنا الشرس جاسر و بطلتنا الهادئه ندى . صباح ممتلىء بالسعاده و التفاؤل على جاسر فأخيرا سيجتمع بحبيبته الهادئه المطيعه – ندى - فهو الآمر الناهى فى جميع شئون حياتهم الجديده ، سيجتمع بحبيبته التى تنفذ أوامره بمجرد انتهائه من التفكير بها ، فهذه هى حياه جاسر التى طالما حلم بها . و أيضا صباح ملىء بالسعاده على بطلتنا ندى فهى أحبت جاسر رغم قسوته فى كثير من الاحيان, و لن نبالغ اذا قلنا فى أغلب الأحيان ، عشقته رغم سيطرته الكامله على إرادتها، فتحركاتها فقط رهن إشارته ، فهى أحبته و لا تعرف سببا واضحا لهذا الحب !! و لكن سعادتها يشوبها بعض القلق و التوتر و الخوف من حياتها الجديده مع جاسر حيث لا منقذ لها من عنفه و سيطرته فهى أمامه ضعيفه كالقطه عندما تدخل بمفردها عرين الاسد
نبدأ :
** استيقظت ندى على صوت هاتفها
ندى : السلام عليم
جاسر : و عليكم السلام . صباح الخير على أحلى و أجمل و أرق عروسه
ندى : صباح النور يا حبيبى
جاسر :وحشتينى اوى اوى اوى
ندى بخجل واضح : احم اه و انت كمان
جاسر : لسه برده بتكسفى . ده خلاص فرحنا انهارده
ندى بتوتر : اه اه منا عارفه
جاسر :هههههه طب كويس بقى ان انتى عارفه
ندى :ههههه عرافه للاسف
جاسر بابتسامه واسعه : للاسف !! اممممم طب هوريكى انا بقى الاسف ده باليل ان شاء الله
ندى : لا لا مش قصدى ، انا اسفه
جاسر : هههههه لا يا حلوه ده خلاص قرار اتصدر و عقاب هينتنفذ
ندى بخوف : خلاص يا جاسر سورى بقى
جاسر باندهاش : : خلاص يا جاسر !!!!
ندى بتوتر : لا لا مقصدش انا اقصد اسفه يعنى
جاسر : اممممممم آخر مره ؟؟
ندى : آخر مره
جاسر : طيب سماح انهارده علشان عارف انك متوتره بس
ندى : ميرسى
جاسر : يا ايه؟؟
ندى بخجل : يا حبيبى
جاسر : ماشى يا روح حبيبك .. مش عايز اعلطلك عارف انك اكيد وراكى حاجات كتير بس المهم مش عايز ميك اب تقيل . ندى : يا جاسر بس انا عروسه
جاسر : معلش يا بيبى عارف انك عروسه و أجمل عروسه بس انتى عارفه كميه الناس المعزومين و انا بغير على حبيبتى
ندى : امممم حاضر
جاسر : ندى لو لقيته تقيل هضايق بجد و مش هيبقى حلو رد فعلى
ندى : يا حبيبى ما انا قلتلك حاضر
جاسر : و ماله التاكيد حلو علشان بس انا مبتحطش ادام الامر الواقع و كده
ندى : حاضر
جاسر : حضرلك الخير يا حبيبتى , يلا مع السلامه بقى اشوفك بعد كام ساعه كده و للابد بقى ان شاء الله
ندى : ان شاء الله يا حبيبى ، يلا لا اله الا الله
جاسر : محمد رسول الله . بقولك صحيح انتى هتخلصى على 8 صح
ندى : اه يا حبيبى
جاسر : طب يا حبيبتى انا هكون ادام البيوتى سنتر على 7 و نص كده احتياطى بإذن الله
ندى : ماشى يا حبيبى
جاسر : يلا يا عروسه مع السلامه يا قلبى
ندى : باى يا حبيبى
*** أغلقت ندى الهاتف و قامت أخذت شاور دافىء لتهدى أعصابها و صلات صلاه الضحى و ركعتين كرست فيهم كل دعائها ان يجعل الله حياتها هى و جاسر سعيده و ان يعينها الله على احتمال عصبيه جاسر الزائده و ان يجعلها دائما تفعل ما يرضى جاسر عنها و ان يبعد الله عنهما المشاكل ثم جاءت لها سالى و ذهبا معا الى البيوتى سنتر و هو نفس السنتر الذى ذهبت له ندى يوم كتب الكتاب
ندى للعامله : بصى خلى الميك خفيف لو سمحتى مش عايزه اى حاجه ملفته
العامله بابتسامه : انتى برده يا عروسه نفس كلام يوم كتب الكتاب هو العريس أعترض يومها ده انا كنت مخففه خالص
ندى بابتسامه : لا حبيبتى عجبه . بس انا بأكد عليكى انه يبقى خفيف برده
العامله : ههههههه يا حرام ده شكله شديد أوى أوى
سالى للعامله بابتسامه : اه اوووى اوووى
ندى بابتسامه : طب يلا ربنا يخليكى و ركزى انه يبقى خفيف
العامله : حاضر يا حبيبتى متخفيش . بس ده بيحبك اوى ده حجزلك المكان كله انهارده علشان تبقى هنا لوحدك بس . ربنا يخليهولك
ندى : ميرسى حبيبتى ربنا يخليكى
*** و بدات الميك اب ارتيست فى وضع الميك اب الهادىء كما طلبت ندى
***** و كانت ندى جاهزه فى تمام الساعة السابعه و خمسه وأربعون دقيقه و اتصلت بجاسر و دخل جاسر لها و قبل دخول جاسر
ندى : سالى، انا خايفه اوى
سالى : يا قمر خايفه من ايه خير ان شاء الله ووضعت يدها على يد ندى لتطمئنها فوجدت يد ندى شديده البروده كالثلج
سالى : ايه يا دودى ايه يا حبيبتى ايدك تلج متخفيش
ندى : انا خايفه أغلط فى اى حاجه يا سالى جاسر مبيسامحش بسهوله
سالى :متخفيش حبيبتى على الاقل ان شاء الله مش هيحصل حاجه الايام دى
** ثم أدخلت العامله جاسر للغرفه التى توجد بها ندى فأنسحبت سالى و العامله و تركوا جاسر و ندى بمفردهم
** طل جاسر بحلته السوداء و ابتسامته الجذابه الهادئه التى تعكس مدى سعادته بهذا اليوم فهذه أجمل ضحكه راتها ندى من جاسر
** امسك جاسر ندى من مرفقيها برفق و أقامها من مقعدها و نظر مباشره لعينها و قد أنبهر بجمالها و سحرها فقد بدت فى فستانها الملكى كملكه رقيقه هادئه تآسر كل من ينظر اليها
جاسر : الف مبروك يا حبيبتى
ندى بصوت مرتعش : الله يبارك فيك
** شعر جاسر بتوتر ندى فأمسك يدها ليقبلها فوجدها بارده كالثلج
جاسر بابتسامه : ايه ده يا حبيبتى ايدك ليه ساقعه كده
ندى بحروف متقطعه : مفيش يا حبيبى مفيش
جاسر : حبيبتى انتى خايفه . متخفيش يا دودى متخفيش، انتى معايا يا بيبى اوعى تخافى
**ثم قبل يداها مره آخرى فهدأ روع ندى قليلا ثم أخذها جاسر خارجا الى السياره التى سيزفوا بها و التى يقودها يوسف و كان الجميع أمام البيوتى سنتر
** و فى السياره
أمسك جاسر يد ندى : حبيبتى ايه الجمال ده كله
ندى بخجل : ميرسى يا حبيبى
جاسر : لا والله بجد ايه القمر ده
ابتسمت ندى فقط
جاسر بابتسامه واسعه : معقوله الجمال ده كله هيبقى معايا لوحدى انهارده
** أنتفضت ندى لكلمات جاسر و قد شعر بها جاسر
جاسر : ايه يا بيبى مالك متخفيش . أهدى يا حبيبتى متتوتريش كده بقى، عايز عروستى هاديه مش خايفه كده
ندى : حاضر يا حبيبى
*** ووصلوا القاعه و دخلت ندى فى ايدى والدها و سلمها لجاسر فرفع لها جاسر الطرحه التل من على وججها و قبل جبينها و بدات فقرات الزفاف التى كان العديد منها مفاجىء لندى من الزفه للادخنه المتناثره للزينات المتقطعه و غيرها الكثير و الكثير التى اندهشت لها ندى وكانت دائما تنظر لجاسر بفرحه و امتنان وبعد مرور ساعه و نصف و بعدما انتهت فقره تقطيع التورته و البوفيه و جميع الفقرات تقريبا
** مال جاسر على ندى و قال : يلا يا بيبى نروح بقى
ندى وملامح الخوف ترتسم على وجهها : طب هو ينفع نخلينا شويه كمان ده مش هيتعوض يا جاسر و فرحنا حلو اووووووووى
جاسر و قد شعر بخوفها : ماشى يا حبيبتى نص ساعه اوكى ؟
ندى : نص ساعه بس ؟
جاسر : هااا يا ندى ؟
ندى : خلاص يا حبيبى حاضر نص ساعه
جاسر بهدوء : يا حبيبتى بقى عايزين نمشى من الزحمه دى
ندى : خلاص يا حبيبى حاضر
جاسر : تمام يا قلبى
** و بعد مرور نصف ساعه مروا سريعا جدا على نطىء لانها تتمنى ان يبطىء مرور الوقت و مروا دهروا على جاسر لانه يتمنى ان يستعجل الوقت و ان يمر سريعا .. و عند انقضاء النصف ساعه مال جاسر على اذن ندى و قال
