الحلقه الرابعة عشر )
وقفنا الحلقه اللى فاتت ان جاسر وصل ندى بيتها و أخبرها انها اجازه لحين موعد كتب لكتاب و الا تخرج من المنزل بمفردها و انه سيتصل بوالدها و يستاذنه ان يتحدث مع ندى قليلا ثم ذهب و عاتب والدته و أصر على زواجه من ندى و أكد انه لن يسمح لاحد ان يجرحها مره آخرى او يخطىء بحقها ثم طلب من رشا ان تتصل بها و لكن تكرر الاتصال ما يقرب خمس مرات متتاليين و لم ترد ندى
نبدأ الحلقه
**** بعد ان اوصل جاسر ندى صعدت منزلها و كانت بالمنزل بمفردها فأدت فريضه الظهر و جلست قليلا و عندما تذكرت ما حدث انهارت فى البكاء مره آخرى ثم شعرت ان الوقت قارب ان تصل والدتها و ندى لا تريد ان تقلقها فققررت ان تاخذ شاور بماء دافىء حتى تهدأ قليلا و كان هذا هو الوقت التى تحدثها فيه رشا و لذلك بالطبع لم ترد ندى
و عندما خرجت ندى رأت موبايلها به 5 اتصالات من رشا فحدثتها سريعا
جاسر : طب ايه يا رشا انا بقى كده مضطر اكلم باباها
و فى هذه للحظه رن هاتف رشا فى يدها
رشا : اهو اهو ندى بتتصل
تنفس جاسر الصعداء و قال :ردى بسرعه انجزى
رشا : الو ايوه يا ندى , انتى فين
ندى : معلش حبيبتى سورى كنت بآخد شاور
رشا : اهاااااا قلقت عليكى اوى جاسر كمان هيموت من القلق عليكى
انقبض قلب ندى : بعد الشر عليه متقوليش كده يا رشا
رشا و قد ابعدت الموبايل قليلا و قالت لجاسر بصوت خافت و هى تغمز له :ايووووه بقى بعد الشر عليك و كده
ابتسم جاسر : ردى يا بنتى انتى هبله ههههه
رشا : معاكى حبيبتى ، بقول بقى انا كده هغير من جاسر و هغير منك كمان ههههه
ندى : لا يا روشااا ده انتى حبيبتى
*** اشار جاسر لندى ان تغلق الهاتف لتتركها ترتاح
رشا : طب يا حبيبتى هسيبك علشان ترتاحى
ندى : ماشى يا قمر
رشا : يلا مع السلامه يا عروسه
ندى : مع السلامه حبيبتى
جاسر :هااااااااا صوتها كويس ولا تعبانه و لا ايه ؟؟؟؟
رشا : هى بتحاول تخبى بس بصراحه صوتها رايح جدا واضح عليها العياط
جاسر : استغفر الله العظيم طب انا هكلم باباها استاذنه اكلمها انا
رشا : اوكى هروح انا اوضتى بقى ولا اقعد معاك اسليك
جاسر : يلا يا بت من هنا ههههه
رشا : مااااااااشى
جاسر :الو سلام عليكم يا عمى
ا/احمد : اهلا يا حبيبى
جاسر : حضرتك عامل ايه ؟
ا/احمد : بخير يا بنى و انت ؟
جاسر : على فكره يا عمى انا اديت ندى اجازه لحد يوم كتب الكتاب علشان تكون براحتها
ا/احمد : ماشى يا حبيبى
جاسر : و كمان يا عمى فى حاجه كمان عايز بقى حضرتك ندى و حضرتك وطنط و محمد او اى حد بس يكون معانا علشان ندى تيجى الفيلا اللى هنتجوز فيها باذن الله علشان تختار الالوان و الارضيات و الحاجات دى علشان نبدأ فيها و تتنجز بسرعه كده
ا/احمد : خلاص يا حبيبى ماشى , محمد يبقى معاكوا علشان انا مشغول جامد اليومين دول و المدام مشغوله برده
جاسر : تمام يا عمى . طب ينفع بكره ان شاء الله و انا هظبط مع محمد ؟؟؟
ا/احمد : تمام ماشى يا حبيبى بكره بإذن الله
جاسر : طب بعد اذن حضرتك فى حاجه تانى
ا/احمد : ههههه انت طلباتك كتير اوى يا جاسر
جاسر : معلش يا عمى ههههه استحملنى .. انا بس كنت عايز اكلم ندى أقولها على موضوع الفيلا و اقولها حاجه فى 10 دقايق بس . ممكن ؟
ا/احمد : طب ماشى , 10 دقايق بس ها ؟
جاسر : حاضر يا عمى
ا/احمد : ماشى يا حبيبى , مع السلامه
جاسر : مع السلامه يا عمى
*** اغلق جاسر و حدث محمد اولا و أخبره بشان مشوار الفيلا غدا ووافق محمد ان يذهب معهم ثم اغلق جاسر ليحدث ندى
*** رأت ندى رقم جاسر فتوترت و لكنها متيقنه انه لن يحدثها دون ان يستاذن والدها
ندى : الو سلام عليكم
جاسر : عليكم السلام يا دودى . انا استاذنت عمو احمد .متخفيش
ندى : انا قلت اكيد كده
جاسر :هههههه يا سلام على الثقه .. المهم عامله ايه دلوقتى
ندى : الحمد لله كويسه
جاسر : بجد ؟؟ طب أحلفى
ندى : و الله الحمد لله أحسن كتير
جاسر : طب حبيبى عمتا خلاص انا حليت الموضوع و خلاص محدش هيضايقك تانى خالص
ندى بخوف : ياربى يا جاسر ، قلت لطنط ايه ؟ دلوقتى هتكرهنى أكتر ما هيا اصلا مش حبانى
جاسر : اولا يا حبيبتى انا بحبك و مش مهم مين تانى يحبك و لا ميحبكيش و اللى ميحبكيش هو اللى خسران لكن المهم محدش يضايقك بنص كلمه . ثانيا انا مقلتش غير اللى المفروض يتقال انا مقبلش حد يضايقك و اسكتى بقى متفكرنيش باللى حصل
ندى : حاضر
جاسر : طب بصى بقى انا دلوقتى كنت بكلم عمو احمد و استاذنته نروح الفيلا بكره علشان تشوفيها و تختارى الالوان و بعدين نروح تختارى الارضيات و الحاجات دى علشان ننجز و محمد هيكون معانا طبعا
ندى : طب مش عايزه اتعبك اى حاجه عادى مش مشكله اللى انت تشوفه يعنى
جاسر : ههههه لا يا حبيبتى ازاى لازم رأيك طبعا و بعدين اهى مره كده و بعد كده كل حاجه برايى انا طبعا
ندى : اه طبعا
جاسر بابتسامه : ربنا يخليكى و الله انتى اكتر حاجه مريحانى و مفرحانى فى الدنيا دى
ندى بخجل : و يخليك
جاسر : طب حبيبتى انا خلاص كده استاذنت عمو احمد و قلت لمحمد علشان يعمل حسابه ان شاء الله ... بكره بقى ان شاء الله تبقى جاهزه على الساع 11 كده و هعدى عليكوا و أكلمك تنزلى انتى و محمد
ندى : حاضر
جاسر :ندى 11 بالظبط ها
ندى : حاضر
جاسر : اه صحيح بصى اى رساله تجيلك من رقم غريب متفتحيهاش بس تستاذنى عمو احمد و تكلمينى تقوليلى و اى رقم غريب طبعا مترديش و برده تستاذنى و تكلمينى تقوليلى
ندى : حاضر
جاسر : ماشى يا دودى ، لا اله الا الله
ندى : محمد رسول الله
جاسر :مع السلامه حبيبتى
ندى بخجل : مع السلامه
**** و اغلق جاسر مع ندى ثم تحدث مع مهندس الديكور حتى يلقاه غدا فى الفيلا
ثم ما كاد ان يغلق الهاتف حتى وجد يوسف يتصل به فابتسم و رد
جاسر :الو
يوسف : طبعا مش هحكيلك عن اد ايه انت ندل , ماشى
جاسر :ههههههه يا عم والله انت ما تعرف حاجه ما انت وقت ما خطبت معرفناش عنك حاجه
يوسف : هههههههه يا عم انت نايم , هو انت لسه خطبت ؟!!
جاسر : هههههه اه صحيح ، ها عايز ايه يعنى ؟؟
يوسف : ما تيجى نتقابل انا مروحتش الشغل انهارده
جاسر : طب يلا كنت عايز اقابلك والله
يوسف : يا سلام ، كل ما اقولك تقولى كنت عايز اشوفك
جاسر : انت خدت عليا و لا انا اللى بيتهيئلى ههههه ؟
يوسف : لا يا باشا احنا مش قدك , يلا نروح فين
جاسر : هيكون فين نفس المكان كل مره نقعد نلف و نروحه فى الاخر ههههه
يوسف : هههههههههه صح هههههه طب انا قدامى ساعه كده و ابقى هناك
جاسر : تمام و انا كمان تقريبا قدامى ساعه برده كده
يوسف : قشطه
جاسر :تمام يلا مع السلامه
يوسف : مع السلامه
*** و أغلق معه و فى ريسبشن الفيلا التقى بوالدته فنظر لها نظره عتاب شديده و غادر
** و بعد خروجه
والد جاسر : خليكى كده و هتخسرى ابنك فى الآخر هو بيحب البنت و الشهاده لله هى محترمه و كفايه انها مستحمله عصبيه ابنك و انت عارفه دماغ جاسر و اد ايه هو شديد و صعب على البنات اوى يستحملوا كده و هى دكتوره و والدها مهندس و اخوها زيه و مامتها طبيبه و غير كده محترمين جدا و مستواهم الاجتماعى كويس زى كل الناس و زى ما قولتلك و انتى شوفتى البنت مؤدبه و جميله و هاديه ...ايه مشكلتك ؟
م/ثريا : انا مش عجبانى ، ليه يتجوز واحده زى دى ، ده مليون واحده من مستوانا تتمناه , مش البيئه دى
والد جاسر : لاااااا انتى النقاش معاكى زى عدمه بس اعملى حسابك ان جاسر كده كده هيتجوزها فمتخليهاش تزعل منك او تكرهك و متخليش جاسر يشيلك حاجه فى قلبه
*** لم ترد والده جاسر و خرج ا/رافت (والد جاسر ) متجها الى شركته مره آخرى
و فى الكافيه الذى يتقابل فيه جاسر و يوسف قص جاسر على يوسف كل ما حدث و خفف عنه يوسف و أخبره ان بعد كتب الكتاب ستنتهى كل هذه المشاكل باذن الله و هذا بالفعل ما يقوله جاسر لندى و تناولوا غدائهم و عاد جاسر لمنزله
** و فى صباح اليوم التالى
اتصل جاسر بندى فى تمام الحاديه عشر و هبطت له هى و محمد و اتجهوا لى الفيلا
جاسر : اتفضلوا
انبهر محمد و ندى بشياكه و فخامه المكان
محمد بمزاح : ايوووووه بقى يا دودى مكتوبالك , متستهليهاش
جاسر : متستهالهاش فى عينك دى ندى تستاهل قدها 100 مره دى قليله عليها اصلا
*** خجلت ندى و نظرت ارضا و ابتسمت
محمد : يا سلااااام لسانك راح فين و الله لسانها أطول منها , منها ايه هى قصيره اصلا , لسانها اطول منى انا شخصيا
جاسر بابتسامه : بس يا يلا شويه بقى ,, ندى محدش يكلمها كده فى وجودى و لا فى غيابى فاهم و لا لا .. عارف لو ضايقتها يا محمد , عالباب ده و هعلقك
محمد : خلاااااااص يا عم مين يشهد للعروسه . خلصوا بقى مش فاضيلكوا
جاسر :انت وراك حاجه اصلا
*** ثم رن موبايل محمد فابتعد عنهم قليلا ليرد
جاسر بمزاح مع ندى : إلا ايه اللى محمد بيقولوا ده بالنسبه لطول لسانك و كده
ندى بسرعه : لا و الله مش حقيقى
جاسر : بهزر معاكى يا حبيبى متخافيش و بعدين حتى لو طويل اياكى تفكرى تطويله معايا ها !!
ندى : حاضر
جاسر بضحك : اسمها حاضر مقدرش اصلا ههههه و لا ايه ؟؟
ندى : اه مقدرش طبعا
جاسر : ايوه كده حبيبتى اللى هتبقى مراتى بعد اربع ايام مفيش زيها يا ربى
ندى : ربنا يخليك
جاسر : و يخليكى حبيبتى
جاسر : مهندس الديكور جاى دلوقتى , عايزك تفكرى فى كل االى تتمنيه فى الديكورات و الالوان بقى . نبدأ بالريسبشن ؟؟
ندى بضحك : اقول حاضر لا اوكى ؟؟ههههه
جاسر بابتسامه : اياكى تكونى بتتريقى
ندى : لا والله ابدا بسألك بس
جاسر : مبحبش اسمع منك غير حاضر بس للاسف دلوقتى لازم اوكى ههههه قولى اوكى بقى و خلاص بس متاخديش على كده ها ههههه
ندى : حاضر
جاسر : ها تحبيه لونه ايه
ندى : انت تحبه ايه
جاسر : اللى انتى عايزاه انا مبتفرقش معايا الحاجات دى .. فى كل التشطيبات اعملى كل اللى انتى عايزاه ، انا خلاص مديكى التصريح فى دى ههههه
*** فى هذه اللحظه وصل مهندس الديكور و هو شاب فى الثلاثين من عمره يدعى طارق
جاسر : باش مهندس طارق ازيك ؟
طارق : جاسر بيه ايه الاخبار
جاسر : تمام , عايزين بقى نخلص الفيلا دى باسرع ما يمكن
طارق بعد ان جال بنظره : تمام اصلا هى على التشطيبات النهائيه مش هتاخد وقت بإذن الله
جاسر : احنا بقى عايزين اسرع ما يمكن أحنا محددين بعد شهر و نص معاد الفرح
*** رفعت ندى راسها سريعا و نظرت لجاسر
طارق : طيب هطلع آخد نظره سريعه فوق كده
جاسر : ماشى اتفضل
** بعد صعوده
ندى : هو احنا هنتجوز بعد شهر و نص ؟؟؟؟
جاسر :اه يا حبيبى , نستنى ليه انا قلت لعمو احمد بعدين ما احنا كده كده هنكتب الكتاب بعد 4 ايام ,, انتى كده ايه خايفه منى انا بالذات و لا ايه بقى
ندى : م.. م.. مش قصدى بس..
جاسر : متخفيش يا حبيبى متخفيش يلا بقى ندخل نشوف الراجل
ندى : حاضر
طارق : تمام ان شاء الله مش هتاخد اكتر من شهر مفيهاش شغل اوى دى هى خلصانه تقريبا
جاسر : تمام
*** اخرج طارق دفتر صغير للتدوين
طارق نبدأ بالالوان
طارق :تحبوا الريسبشن كلاسيك و لا مودرن علشان هيفرق فى الالوان
ندى بسرعه و تلقائيه : لا احنا هنعمله مودرن و هنخلى الالوان درجات الرمادى الفاتح و الغامق و الابيض
طارق بابتسامه : زوقك أكثر من رائع يا انسه بصراحه
**** نظر لها جاسر و الشر يتطاير من عينيه و قال : تعالى ثوانى وابتعد بها فى شرفه من الشرف ..........................
ياترى جاسر هيعمل ايه مع ندى ؟؟
و ايه اللى هيحص لحد كتب الكتاب و م/ثريا هتستسلم لإصرار جاسر على ندى و لا هتعمل مشاكل تانيه مع ندى ؟
و ايه هيحصل فى كتب الكتاب و حياه جاسر وندى الزوجيه فيما بعد ؟؟؟؟؟؟؟
مستنيه ارائكوا
#حب_من_نوع_آخر
بقلمى / دعاء خالد
