الحلقه الثانيه عشر ) ....
وقفنا الحلقه اللى فاتت على ان جاسر سيحدث ندى هاتفيا بشأن دفع سعر الفستان الخاص بندى
جاسر : السلام عليكم , ازى حضرتك يا عمى
ا/احمد : و عليكم السلام يا حبيبى, ايه فينكوا دلوقتى
جاسر : احنا خلاصنا كل حاجه و هنجيب الفستان اهو
ا/احمد : طب كويس يا حبيبى
جاسر : بعد إذن حضرتك يا عمى ، عايز اقول لحضرتك حاجه
ا/احمد : قول يا جاسر
جاسر : انا زعلان من حضرتك يا عمى , ينفع ندى تبقى نازله معايا و تقولى حضرتك ادتلها فلوس الفستان وأكدت عليها تدفعها
ا/احمد : يا حبيبى المفروض كمان ندى كانت تدفع تمن قاعه الخطوبه لان دى العروسه و انت قلت هديه لندى و انا مقلتلكش حاجه لكن الفستان كمان
جاسر :ربنا يسامح حضرتك يا عمى ، طب انا عايز اجيب الحاجات دى كلها هدايا لندى و بعدين بقى فى حاجه على فكره (ههههههه)
ا/احمد : هههه بتضحك على ايه , ايه هى الحاجه ؟
جاسر : احنا دلوقتى اتفقنا على حجز الجامع قبل القاعه . الجامع من 6 :7 علشان كتب الكتاب و القاعه من 8 علشان الاحتقال بالخطوبه و كتب الكتاب مع بعض ,,, يعنى وقتها اصلا ندى هتبقى مراتى يعنى كده كده المفروض مسئوليتى أدفع ... شفت بقى حضرتك عايز تخلى شكلى وحش ازاى ؟
ا/احمد : ههههههههه انت مش ممكن الله يكون فى عونك يا ندى ههههه،، ماشى يا حبيبى خلاص
جاسر : ههههههههه ربنا يخلى حضرتك , شكرا يا عمى , خلاص انا هقول لندى بقى
ا/احمد : ماشى يا حبيبى
جاسر : طب يا عمى احنا مش هنتاخر بإذن الله و هنبقى تحت البيت و كده علشان نشترى الشبكه و ابقوا انزلوا بقى و هنقابل أهلى عند المحل ان شاء الله
ا/احمد : ماشى يا حبيبىلما توصلوا اتكلموا او أطلعوا ميصحش
جاسر : ربنا يخلى حضرتك يا عمى بس معلش علشان نلحق الوقت بس
ا/ احمد : طب يا حبيبى مع السلامه ، يلا فى رعايه الله و حفظه
جاسر : مع السلامة يا عمى
***** انهى جاسر المكالمه و صعد الى الاتيليه و بمجرد صعوده وجد سالى هى من تقترح على ندى و ندى شارده تماما و الحزن يبدو على وجهها ،، فذهب اليها
جاسر : تعالى يا ندى ,,,, و ابتعد بها قليلا عن سالى و رامى
*** رق جاسر لحالها فهو ارفع صوته عليها و اخافها مرتين فى خلال بضع ساعات و اراد ان يخفف عليها او بالاساس لم يتحمل رؤيتها هكذا و هى تشترى فستان عقد قرانها
جاسر : مالك ياحبيبى
*** خجلت ندى لكلمات جاسر و صمتت
جاسر : طب حبيبى ماله
ندى : مفيش حاجه
جاسر : امممم هنكذب و لا ايه ؟ قولى مالك ؟
ندى : زعلانه بصراحه
جاسر : ما عاش و لا كان اللى يزعل حبيبى . مين مزعلك بس
نظرت له ندى بإندهاش
جاسر بضحك :ههههههههههه قولى قولى متكسفيش مين مزعلك ؟
صمتت ندى
جاسر : امممممم شكلى انا اللى مزعلك
هزت ندى رأسها ايجابا
جاسر : لا يا حبيبى مقدرش على زعلك , ينفع يا ندى تبقى معايا و انا هبقى جوزك بعد كام يوم و عايزه تحاسبى لنفسك , ينفع يا قلب جاسر ؟؟؟
هزت ندى رأسها بالنفى وقالت : لا
جاسر : طيب خلاص انا مسامحك هههههه , يلا خلاص بقى
استمرت ندى فى صمتها
جاسر : الله .. مالك يا قلبى تانى
نظرت له ندى و هى صامته
جاسر : امممممممم انتى خايفه منى و لا ايه ؟؟
ندى : نظرت له و هزت رأسها إيجايا بخوف
جاسر : خفتى علشان قلتلك لو غلطتى تانى هيبقى فيه عقاب مش هتستحمليه ؟
نظرت ندى له و هزت رأسها بالايجاب
جاسر : بصى يا قلبى انا مش عايزك تخافى انا عايزك تسمعى كلامى زى ما انتى اصلا و ان شاء الله مفيش غلطات تانى . صح يا حبيبى ؟
ندى : حاضر
جاسر : صح يا قلبى ؟؟؟
ندى : صح
ابتسم لها جاسر ، خلاص مش زعلانه
ندى : اه
جاسر بابتسامه :انتى اصلا مبتزعليش منى . صح ؟
ندى بابنتسامه : صح
جاسر : طب يلا يا حبيبى نشوف الفستان
ندى :يلا
و اتجهوا للفساتين
و مسكت ندى بفستان و تعلقت عيناها به , فنظر اليه جاسر فوجده بالطبع للمحجبات و لكنه ليس ما يريده جاسر فانه ملفت من عده اتجاهات
جاسر : ايه يا حبيبى
ندى : حلو ده اوى , صح
سالى : اه اوووووى , فاكره ده اللى كنتى بتقولى نفسك فيه من زمان
ندى : ايه رايك يا جاسر
جاسر : مش حلو يا دودى , ملفت يا حبيبتى
ندى : بس انا يا جاسر حساه حلو ده انا نفسى فيه من زمان
جاسر : معلش يا حبيبتى مش ادام الناس تلبسى ده
ولاحقها جاسر بالكلام و شاور على آخر : بصى ده
ندى : امممم مش بحب الاستايل ده
جاسر : طب يا حبيبتى تعالى نشوف الناحيه التانيه
سالى : طب انا هشوف هنا انا و رامى الفستان اللى هحضر بيه
جاسر و ندى : أوكى
و اتجهوا فى طريقهم للجهه الاخرى
ندى : كنت نفسى فيه اوى يا جاسر
جاسر : و انا يا ندى بغير عليكى اووى و مينفعش اخليكى تلبسى ده و كل الناس تشوفك . هنلاقى ان شاء الله دلوقتى حاجات تعجبك اكتر و هتختارى منهم
ندى : ماشى
جاسر ::: حاضر يا ندى ,, اسمها حاضر مش ماشى
ندى : حاضر
جاسر : تمام كده يا حبيبتى ... اهو بصى فى حاجات حلوه كتير اهو
ندى : طب ايه رايك فى ده
جاسر : ماشى حلو ده
ندى : ادخل اقيسه ؟
جاسر : أدخلى يا حبيبى و لا قولك ما تاخدى كذا واحد تانين علشان لو معجبكيش يبقى كلهم معاكى على طول
ندى : اه صح
**** و اختارت هى و جاسر عده موديلات آخرى و دخلت للقياس ،،، لم يوافق جاسر على اول موديل عندما رأه على ندى ووافق على الاربع الاخرين و ترك لها حريه الاختيار بينهم ,, ثم اختارت ندى واحدا منهم رقيق باللون البترولى و حاسب جاسر عليه و انصرف الجميع , و عندما وصلوا تحت منزل ندى كلم جاسر والد ندى و اخبره انهم ينتظروهم و نزل أهل ندى و لحقوا جاسر بسيارتهم و تقابلوا عند المحل الذى سيشتروا منه مع والد جاسر ووالدته و رشا و تبادلوا السلام الحار عدا نظره مدام ثريا لندى التى رآها جاسر و نظر نظره لندى بمعناها " لا تهتمى للامر فسوف تتزوجينى انا " ثم ذهب اليها و قال جانبا : كل ده هيخلص بمجرد ما نتجوز ان شاء الله
ندى : تمام
جاسر : طب يلا يا جماعه ندخل
سامى ( صاحب محل المجهورات ) *** و يحوى المحل الذهب و الالماس
سامى : جاسر بيه اهلا و سهلا ، المحل نور
جاسر : منور بأصحابه يا سامى , عايز أحلى تشكيله عندك علشان الانسه تختار , ورينا الدبل الاول
سامى : تمام و أخرج الرجل خمس علب مليئه بالدبل من أفخم و أرق الموديلات
جاسر : حط العلب هناك كده يا سامى بعد اذنك علشان ندى تختار براحتها و** قصد جاسر بذلك ابعاد والدته او اى احد من التدخل لمنع المشاكل و الصدامات
سامى : اتفضل جاسر بيه
جاسر : يلا يا ندى تعالى
*** اصطحبها جاسر لآخر المحل فهو محل فخم و متسع جدا
جاسر : يلا يا حبيبتى شوفى تحبى انهى دبله من الدبل دى
ندى بخجل : انت رايك ايه ؟
جاسر بمزاح و صوت منخفض : هو فعلا كل حاجه هتبقى برايى بس انا سايبلك الاختيار فى الموضوع ده ههههه ، يلا اختارى
ابتسمت ندى و قالت : حاضر
جاسر : لو عايزه تنادى مامتك يا حبيبتى ناديها انا بس مش عايز والدتى تضايقك أو حاجه . اناديلك مامتك ؟؟
ندى : لا خلاص علشان طنط ثريا متزعلش
جاسر : يا حبيبتى كده كده دى حاجتك انتى والدتى مش هتقولك رايها . ها اناديلك مامتك ؟
ندى : لا خلاص اصلا ماما هتقولى اختارى اللى انتى عايزاه
جاسر : طب تمام
ندى : هو ينفع انادى سالى و رشا آخد رايهم طيب ؟؟
جاسر : مدام حبيبى استأذن يبقى ينفع طبعا
خجلت ندى و نظرت أرضا
جاسر : بس ليه رشا انتوا اصاحبتوا و لا ايه
ندى : رشا دى عسل و طيبه اوى و انا حبتها
جاسر بمكر : قصدك ان انا مش طيب و لا ايه ؟
ندى بسرعه : لا و الله ما أقصد
جاسر : هههههه أياكى تكونى بتلمحى لكده
ندى : لا لا والله مش بلمح
جاسر بثقه و ابتسامه :منا عارف
و هم جاسر ان يمشى
ندى : :: جاسر ، اجى معاك ؟
جاسر بابتسامه : ليه تيجى معايا
ندى بصوت خافت : يعنى علشان ما اقفش هنا مع الراجل و تزعقلى
*** كان جاسر بالاساس يختبرها ليرى ماذا ستفعل
ابتسم جاسر و قال : ايوه كده صحصحى انا اصلا مش هاروح انا هكلم رشا و هى هتفهم
*** بمجرد ان رن جاشر لرشا اتت لترى ماذا يريد
رشا : ايه ؟
جاسر : روحى نادى سالى و تعالى علشان ندى عايزاكوا
رشا : عروستنا الحلوه عايزه رايى
جاسر : انجزى يلا
رشا : حاضر اهو و ذهبت و عادت بسالى
ندى : ايه رأيكو فى الدبله دى
رشا : حلوه ( و اشارت لاخرى و اخرجتها ) بس بصى دى تحفه حلوه اووووى ، خديها يا ندى
جاسر بحده : رشااا , بتاخد رايك و بس , متقوليش خدى دى . مش هتأمريها انتى !
ندى : عادى يا جاسر هى بتقولى
رشا : انا قصدى بس ... انه حلو يعنى
جاسر : رشااااا . خلاص
رشا : حاضر
جاسر : خلاص يلا شوفوا
ندى مسكت بدبله آخرى و قالت : طب ايه رايكو فى دى
رشا و جاسر و سالى : حلوه
ندى : طب ممكن يا جاسر اوريها لماما بعد اذنك
جاسر : روحى يا حبيبتى , تعالى
ندى : ماما ايه رايك فى الدبله دى ، حلوه اووووووووى صح ؟
ماما : جميله يا حبيبتى
ندى لوالده جاسر و قد ارادت تصليح العلاقات و ان تحبها والده جاسر
ندى : ايه راى حضرتك يا طنط ؟
والده جاسر : بيئه جدا بصراحه
جاسر : ندى , تعالى حبيبتى
** ووجهه نظره لوالدته و قال : جميله يا ندى و لا ايه يا سامى ؟؟؟
سامى بالطبع سيتبع رأى جاسر , فمن يستطع يكسر كلمته
سامى : طبعا يا جاسر بيه ،ذوق الانسه ارق ذوق والله
*** وجه له جاسر نظره ناريه و قال : بنقول الخاتم يا سامى
سامى : اه اه طبعا ارق دبله فى المحل كله هى دى
جاسر : تعالى يا ندى نكمل
ندى : حاضر
جاسر : معلش يا ندى ، حقك عليا انا
ندى : لا مفيش حاجه . هو بس ليه طنط مش حبانى كده
جاسر : معلش يا ندى هى ماما معاملتها كده , معلش حبيبتى كفايه انا بحبك , ايه هو لازم الكل , اصلا مش عايز حد يحبك غيرى هههههههههه
**** علمت ندى ان جاسر يريد تغيير مسار الحديث فابتسمت و صمتت
جاسر لسامى : هات بقى التوينزات او المحابس للدبله دى
سامى : اتفضلوا
جاسر : اختارى يا حبيبتى و مش عايزين راى حد خالص
ندى : حاضر ,, طب بص ايه رايك فى ده انت ؟؟
جاسر : حلو ده ... تأخديه ؟؟
ندى : اه عاجبنى اخده ؟
جاسر : ههههههه خديه يا حبيبتى طبعا ,,, هاتلى يا سامى الدبل الفضه بقى
جاسر : احم احم ممكن رايك علشان بصالحك انهارده و كده
ابتسمت ندى
جاسر : هههههه اه متاخديش على كده ,,,, ههههه بهزر معاكى متخافيش , ها ايه رايك فى دى
ندى : جميله
جاسر : قولى حبيبتى بجد رايك
ندى : و الله حلوه اوى
جاسر : تمام
جاسر : طب خد يا سامى اكتب على الدبل الاسامى و التاريخ اللى كاتبهملك فى الورقه دى و هاتلى بقى اطقم الالماس
*** بعدما ذهب سامى
ندى : جاسر انا مش عايزه حاجه تانى خلاص كفايه كده
جاسر : اسكتى يا ندى
ندى : حاضر ,, بس اقصد الالماس يعنى غالى
جاسر : مفيش حاجه تغلى عليكى و اسكتى بقى ها
ندى : حاضر
سامى : دول أحسن 6 أطقم موجودين
جاسر : اختارى يا ندى
ندى : حاضر , ايه رايك فى ده ؟
جاسر : قولتى على ده عشان صغير و بتوفرى علشانى و كده ههههه . هزعل منك و الله يا ندى , اختارى حبيبتى اللى يعجبك
ندى :: و الله ده عاجبنى
جاسر : طب تمام , روحى بقى اقفى معاهم و انا هدفع و آجى يلا
ندى : حاضر
و حاسب جاسر و خرجوا و أعطر جاسر لها الشبكه
والده ندى : لا يا بنى خليها معاك يا حبيبى ليوم الخطوبه و كتب الكتاب
جاسر : ايه يا طنط الكلام ده والله ازعل من حضرتك , ميصحش يا طنط كده و لا ايه يا عمى ؟؟
والد ندى : والله يا بنى هو المفروض تخليها معاك فعلا
والد جاسر : ايه يا أحمد أحنا هنتكلم فى الحاجات دى برده , مينفعش كده
جاسر : يلا يا عمى قول لندى تاخدها بقى
والد ندى : خلاص يا حبيبتى خديها منه
اخذتها ندى
جاسر بابتسامه و صوت منخفض : بقى كده مسمعتيش كلامى من الاول
ابتسمت ندى
جاسر : يلا عيشيلك يومين هههههههه
ابتسمت ندى
جاسر : بقولك ايه معلش مش هقولك انتى اجازه بكره علشان انا عايزك تيجى .... 8 الا خمسه برده ها
ندى : حاضر
ووأوصلهم جاسر و ذهب
و قضى كلا منهما ليلته فى سعاده بالغه
و فى صباح اليوم التالى كانت والده جاسر تقف بسيارتها امام المشفى منذ السابعه صباحا و هى فى قمه ثورتها الداخليه بانتظار ندى ...............................
ياترى عايزه ايه من ندى او بمعنى ادق هتعمل ايه علشان تفرق جاسر و ندى و هيكون ايه رد فعل ندى و ايه اللى هيترتب على المقابله دى
#حب_من_نوع_آخر
بقلمى / دعاء خالد
