الحلقه الحاديه عشر
( )
وقفنا الحلقه اللى فاتت على اتفاق جاسر مع ندى على النزول فى اليوم التالى لاختيار القاعات و الشبكه والفستان
نبدا الحلقه 11 :::---
قضت ندى ليلتها فى سعاده بالغة لا يؤرقها سوى شعورها ان والده جاسر لا تحبها و لا تنكر ابدا بعض الخوف من معامله جاسر و لكنها تحبه ، و قضى جاسر ليلته فى سعاده بالغه لا يؤرقه اى شىء ينتظر الصباح بفارغ الصبر ليلتقى بندى و ا يقلق بشان والدته فهو يعرف جيدا ان من حقه إختيار من سيكمل معها حياته و يثق تمام الثقه ان ندى هى المناسبه له و آخذ يتمنى ان يجد معادا سريعا لكتب الكتاب ,, و فى الصباح
** استيقظت ندى فى تمام الثامنه صباحا او لنقل قامت من فراشها فى بالاساس لم تستطيع النوم و ارتدت ملابسها و كانت جاهزه فى تمام التاسعه و النصف و أخذت تنتظر مكالمه جاسر
فى تمام العاشره كان جاسر تحت منزل ندى و اتصل بها
جاسر : الو ، صباح الخير
ندى : صباح النور
جاسر : عارفه لو مش جاهزه هيحصل ايه ههههههه !
ندى بخوف :لا لا لا جاهزه و الله بقالى نص ساعه ، نازله حالا
جاسر : انا قلتلك انزلى ؟
ندى : لا
جاسر : طب امال ؟
ندى : انا اسفه
جاسر : ههههههه طب يلا انزلى
ندى :حاضر
جاسر : يلا يا حبيبى ، باى
ندى :باى
*** و نزلت ندى و ركبت السياره
جاسر : ايه الاخبار
ندى :الحمد لله تمام و هى تفرك يديها من فرط الخجل
جاسر : انتى ايه مش هتبطلى الكسوف ده هههههه كفايه بقى ده أحنا هنحجز أقرب معاد دلوقتى حالا
صمتت ندى تماما و أحمر وجهها بشده
ابتسم جاسر و قال لها : طب هنعدى على بيت سالى و رامى مستنينا هناك و راكن تحت بيتها
ندى : طب كويس
قاد جاسر بإتجاه منزل سالى فهو يعرفه منذ يوم اختيار سالى لقاعه خطبتها . ووصلوا ووجدوا رامى و سالى بإنتظارهم و ركبوا معهم وتوجهوا لمكان للافطار أولا
جاسر : ها نطلب الاول و بعدين نقعد
الجميع : ماشى
*** عند الاوردر ستيدج
ندى و سالى توجهوا بتلقائيه للكاشير لانهم يعملمون ماذا يريدون
*** بالطبع ان تذهب سالى للكاشير و هو شاب و تطلب طلبها هذا طبيعى بالنسبه لرامى ، لكنه كارثه بالنسبه لجاسر ، كارثه لن يغفرها لندى
اتجه جاسر سريعا لندى و نظر اليها بحده و قال روحى على العربيه حالا و أعطى لها المفاتيح
**انسحبت ندى فى صمت متجها للسياره و هى تنتفض رعبا فهى لم تعتاد بعد ، فهى فقط تصرفت بتلقائيه
توجه رامى لجاسر و همس له
رامى : براحه عليها شويه يا جاسر محصلش حاجه هى متقصدش
*** كان جاسر فى أشد مراحل غيرته و ثورته من مجرد حديث ندى مع رجل آخر و نظره لها
فنظر لرامى فقط , و قالت سالى طب انا عارفه ندى كانت هتطلب ايه
جاسر : اطلبيلها طيب لو سمحتى
*** و كان جاسر و ندى سيجلسون على طاوله و رامى و سالى على طاوله منفصله
دفع جاسر الحساب سريعا حتى انه لم ينتبه لآخذ ما تبقى من مال و ذهب الى السياره حيث تجلس ندى ،،، ألقى بمحفظته على مكان امامه بالسياره و جلس مكان و القياده و ندى جالسه بالكرسى بجانبه و خبط بقبضه يده بشده على الدريكسيون وارتجفت ندى لكل هذا
جاسر ::: بصى بمنتهى الهدوء كده ، ايه اللى حصل ده ؟
ندى بصوت مرتجف : أنا ...انا اسفه
جاسر: مش عايز أسف انا ، انا كلامى واضح بقول ايه اللى حصل ده ؟!
ندى : ( و قد بدأت فى البكاء) انا و الله مش قصدى ، انا كنت متعوده على كده و بطلب عادى مع سالى كل مره
جاسر : و هو انا مش لسه قايلك امبارح كل حاجه هتتغير و مفيش كلام مع اى راجل
*** صمتت ندى و أستمرت فى البكاء
جاسر و قد زاد نبره صوته ارتفاعا قليلا : قلت و لا مقلتش ؟؟؟
ندى من بين شهقاتها : قلت
*** رق جاسر لحالها فهو لا يستطيع ان يرى دموعها و يصعب عليه كثيرا يرى من يعشقها قلبه تبكى و لكن قد جن جنونه بسبب غيرته عليها
جاسر: خلاص اسكتى متعيطيش
** استمرت ندى و لم تستطع كبح دموعها
جاسر : قلت خلااااص ميتسمعيش الكلام ليه ، انا مش قايل امبارح مش عايز اشوف دموعك برده.. قلت خلاص
*** جففت ندى دموعها و أعتذرت مره أخرى
جاسر : خلاص يا ندى ماشى ، اللى حصل ما يتكررش تانى مش كل شويه تغلطى تمام , اى غلطه تانى هتتعاقبى بجد يا ندى
ندى : حاضر
جاسر : خلاص بقى متكونيش زعلانه انهارده , انا بعمل كده علشان ده ميتكررش تانى
ندى : حاضر
جاسر : طيب يلا اضحكى بقى
** ابتسمت ندى
جاسر : يلا علشان نفطر و نشوف قدامنا يوم طويل لسه
ندى : حاضر
** و نزلوامن السياره و اتجهوا للمطعم و تناولوا افطارهم ثم ذهبوا جميعا الى سياره جاسر
قال جاسر : انا بقول نشوف القاعات الاول و المواعيد بس منحجزش و بعدين نشوف قاعات كتب الكتب بالمساجد علشان نوفق اليوم الاول و بعدين نحجز
رامى : ايوه صح كده
جاسر : هوديكى يا ندى كذا مكان و تختارى بينهم , تمام
ندى : حاضر
** ابتسم لها جاسر بالمرآه و انطلق بالسياره
*** لم تريد ندى تعب جاسر فقالت من اول قاعه ذهبوا اليها انها معجبه بها و لكن جاسر أصر عليها ان ترى على الاقل أثنين غيرها و بعدما رأوا الثلاثه
ندى بعد اراء سالى ,
ندى : ايه رايك يا جاسر
جاسر : اللى انتى عايزاه
*** ندى حتى لم تصدق ان جاسر قد اعطى لها حريه اختيار القاعه
ندى : بجد
ابتسم جاسر : اه يا حبيبتى بجد
ندى : خلاص ان تانى واحده حاسه انها الاحلى و لا ايه رايك
جاسر :اللى انتى عايزاه
ندى : خلاص تانى واحده حلوه تمام
جاسر : تمام انا هدخل اتكلم مع المدير و اشوف كده المواعيد
*** تحدث جاسر مع المدير و الذى بالطبع ما كاد يعلم انه جاسر رأفت العزاوى حتى خلق له معاد فى أقرب وقت ممكن و كان بعد 6 أيام و هذا بالطبع من المستحيلات فى الاماكن الكبرى فيبغى الحجز بها قبل عده شهور
*** شكر جاسر الرجل و اخبره انه سيرى مواعيد قاعات المساجد لعقد القران ثم يتصل به يؤكد الميعاد و ترك له المبلغ المالى
خرج جاسر فأسرع رامى و قال
رامى : هاااااا امتى بإذن الله ؟
جاسر : كان نفسى يبقى كمان يومين بس للاسف مفيش المعاد المتاح بعد 6 أيام ان شاء الله
** انتفضت ندى لقصر المده فبعد 6 ايام فقط ستصبح زوجه جاسر
جاسر : يلا نشوف مواعيد المساجد
** و ذهبوا و قد وفقهم الله و حالفهم الحظ ان يجدوا معاد فى نفس يوم الخطبه كما كانوا يريدون فحجزوه و اتصل جاسر و أكد ميعاد القاعه
جاسر : يلا نتغدى بقى علشان نشوف الفستان طييب
جميعهم : اه احنا وقفعنا من الجوع
ندى بضحك : انا عادى ممكن اكمل لف من غير اكل
سالى بضحك : مع نفسك بقى
جاسر لندى : لا انتى هتاكلى مش بمزاجك هو
ندى : حاضر ما انا هأكل طبعا انا اقدر اقول لا ، انا بس بقول وجهه نظرى يعنى
جاسر : ههههه اه ايوه كده
ابتسموا جميعهم فى صمت
و تناولوا غدائهم و ذهبوا الى أكبر الاتيلهات
و هما على سلم الاتيله
ندى : جاسر عايزه اقولك حاجه
جاسر : قولى
ندى : كان بابا يعنى ادالى فلوس الفستان و كده فتخدها تخليها معاك علشان خايفه يضيعوا منى و انا بقيس و كده
*** كانت ندى تحدث جاسر فىهذا بصوت منخفض و كان سالى و رامى يبعدوا عنهم قليلا ,,,,,جاسر و قد غلى الدم فى عروقه : اسبقنا يا رامى انت و سالى فوق احنا نسينا حاجه فى العربيه و هنجيبها
و نزل درجات السلم حتى اصبح هو وندى فى الشارع
جاسر : كنتى بتقولى ايه بقى ؟!!!!!!!!
ندى :كنت بقولك خلى الفلوس معاك علشان خايفه تضيع
جاسر : اه فلوس الفستان ؟!
ندى : اه
جاسر : و كمان بتقولى اه و بتكررى الكلام , ندى انتى ليه مصممه تشوفى الوش التانى انهارده ؟ انا ماسك نفسى بالعافيه دلوقتى
ندى : انا عملت ايه بس ؟
جاسر : كمان مش عارفه , انتى نازله معايا و جايبه معاكى فلوس فستانك ؟؟!
ندى : ايوه ما هو فستانى , امال مين هيدفع فلوسه
جاسر :نددددددى اسكتى خالص و أطلعى علشان انهارده مش يوم مناسب تشوفى الوش التانى بتاعى
ندى : طب بابا و الله هو اللى أكد عليا ادفع تمن الفستان
جاسر : طب يا ندى أطلعى كده فوق بصى على الحاجات و متقسيش حاجه غير لما اطلع و انا هكلم باباكى
ندى : حاضر
***** و أتجهت ندى للسلم لتصعد فنادها جاسر
جاسر : ندى
ندى : نعم
جاسر : أعتبرى دى آخر مره أعديلك فيها اى غلطه تغلطيها , أقسم بالله بعد كده هيبقى عى عقاب مش هتستحميه على اى غلطه هتغلطيها علشان كده انا فوتلك كتير . نصيحه منى ليكى خلى بالك أوى من كلامك و تصرفاتك علشان منصحكيش تجربى اللى هيحصل , فاهمه ؟
ندى : حاضر
جاسر : بقول فاهمه ؟
ندى : فاهمه
جاسر : اتفضلى اطلعى و متقسيش حاجه غير لما اطلع زى ما قلت , اغلطى بقى و اطلع الاقيكى بتقيسى
ندى : لا لا حاضر مش هقيس
جاسر : اتفضلى يلا على ما أكلم باباكى
ندى : حاضر
*** ما فعله جاسر كرد فعل على موقف ندى أخف ما لديه فقط لانه لا يريد أخافتها منذ البدايه // ثم طلب جاسر رقم والد ندى و انتظر الرد
................
ياترى هيحصل ايه فى المكالمه و هيحصل ايه فى الاتيله و فى مقابله الاهالى لشراء الشبكه و الايام و مواقف والدة جاسر هتمشى ازاى لحد يوم الخطوبه و كتب الكتاب و مواقف جاسر مع ندى و هيحصل ايه يوم كتب الكتاب ؟؟؟؟؟؟؟؟؟؟؟؟؟؟
كل ده هنعرفه فى الحلقه القادمه ( الحلقه الثانية عشر )
#حب_من_نوع_آخر
بقلمى / دعاء خالد
