LOCATION : CATASTROPHE [COMPLETED]

NOT A HERO, JUST A SOLDIER

Taong 2010, isang insidente na ang naganap sa isang isla ng Pilipinas. Tago sa kaalaman ng mga pilipino ay may isang organisasyon ang naglalayon ng kapangyarihan laban sa iba't-ibang nasyon ang palihim na nananatili sa kanilang bansa. Isa sa ilang libong isla nito ang kanilang kinalalagyan at roon isinasagawa ang masamang balak ng mga ito. Nagtatago ang organisasyong ito sa isang anyo ng negosyo na nagbebenta ng mga illegal na armas sa black market.

Isang hindi matukoy na sakit ang dumapo sa mga mamamayan ng islang iyon.

Ilan sa sintomas ng naturang sakit ay malalang lagnat, pagsusuka ng dugo, pasà sa iba't-ibang parte ng katawan, pangungupas ng kulay ng mata, pagdurugo ng mata at ilong, at ang pinakamalala ay ang agresibong pagkilos ng tao upang makapanakit at makain ang iba. Ang taong maaapektuhan ng naturang sakit ay nagmimistulang buhay na bangkay. Kahit nakikilala ka nito ay aatakihin ka parin nito. Hindi ito titigil hangga't hindi nakakapatay o nakakatikim ng sariwang laman at dugo.

Hindi lingid sa kaalaman ng mga mamamayan na sila ay parte lamang sa sikretong eksperimento ng organisasyon. Na ang buhay nila ay hawak na ng Holocaust Organization.

Isang bagong grupo ng mga sundalo ang ipinadala sa Isla Del Fuego upang tugisin ang leader ng Holocaust Organization na si Armando Hanov. Kilala lamang ito ng batas bilang isang illegal arms dealer kaya naman hindi alam ng 14th Scout Ranger Company "Valor" sa pamumuno ni Captain Siege Hanes, na isang malagim na sitwasyon ang kanilang kakaharapin sa naturang isla.

Hindi na pinalampas ng dalawampung taong sundalo na si First Lieutenant Richard Johansson Miller ang pagkakataong mapasama sa misyon ng Valor sa Isla Del Fuego upang hanapin roon ang kapatid na si Harley Miller. Nakatatandang kapatid ito ni Richard at kagaya niya ay isa rin itong sundalo. Nauna itong ipinadala roon kasama ng Naval Special Operations Group Unit 5 dahil sa parehas na misyon sa pag-aakalang isang simpleng terrorismo lamang ang nagaganap roon. Ngunit isang linggo matapos ang huli at nakakatakot na report ng kapatid ay wala nang nasagap na balita mula sa grupo nito. Kaya napagdesisyunan ng Special Forces na ipadala ang 14th Scout Rangers 'Valor' na bukod sa tunay na misyon nito, ay kailangan rin nilang alamin kung ano ang nangyari sa NAVSOG Unit 5 at kung buhay pa ba ang mga miyembro nito.

Ang istoryang ito ay naganap pitong taon bago ang malagim na insidente sa San Mariano.

Ano nga ba ang nangyari noon sa Isla Del Fuego? May kinalaman ba ito sa kaguluhang naganap sa San Mariano?

Sino nga ba noon si Richard Johannson Miller?

LOCATION : CATASTROPHE
Not A Hero, Just A Soldier.
(Richard Milller's Untold Story)
Written By : Raven Quincy
JANUARY 2018
All rights reserved.

Recommended Songs :

* Heroes *
By Zayde Wolf

* Home *
By Machine Gun Kelly X Ambassadors &
Bebe Rexha

* Warriors *
By Imagine Dragons

* Swing Life Away *
By Machine Gun Kelly Ft. Kellin Quinn

* Church *
By Fall Out Boy

* Bishop Knife Tricks *
By Fall Out Boy

* River *
By Eminem

* Pray For Me *
By The Weeknd x Kendrick Lamar