شجن

3

#شجن3
Shahd Alsalman
اجة الصبح وكعدت حجيت لامي كل شي واحنا نتريك استغربت هي مثل ما اني استغربت
وكالتلي انه ابتعد خاف وراها شي خافت علية بس بقيت مصر على فضولي

اجيت للدوام لكيت هوسة عمال وملتمين من دخلت وسالت شصاير كالو عامل واكع ومجروح ومغمى علي بس ينتظرون الاسعاف يجي عطت بيهم يا اسعاف وهو ينزف ودمة سايح ع الكاع اخذت وصلة قماش وربطت ايدة من فوك الجرح فتحت الردان جرحة كلش عميق وكتلهم ناخذة مو مال ننتظر لان خاف ياخذة النزف

دنشيلة وسمعنا صوت الاسعاف اخذو هم وانتبهت لداليا واكفة بعيد وتراقب بس متعلق وصافنة ولا عدها اي ردة فعل بس اكدر اقرة الخوف بعينها

رحت غسلت ولبست هدوم الشغل وهي هم تشتغل
ورجعو العمال من المستشفى وكالو انه عالجو وهسة وضعة تمام وخيطولة الجرح
اجة وكت الاستراحة كعدت اكل ودا اشرب جاي
شفتها صافنة ومماكلة ولا لكمة كلت استغلها فرصة واروح اكعد يمها اخذت اكلي ورحتلها

- مرحبا ممكن اكعد
باوعت علية وهزت براسها وانطتني مجال اكعد
- اسمي وائل وانت
محجت شي ولا جاوبتني كامت تلف اكلها كالعادة وعافتني وراحت

اكيد متريد احد يعرف شي عنها خليتها على راحتها وخلصت الاستراحة وكملنا بشغلنا
وهمين لحكتها ورة الدوام ونفس المكان دتكعد تقريبا هالموضوع طول اسبوع

اما خلال الشغل والاستراحة احاول احجي وياها بس متجاوب اخر شي كامت متكعد ع الاستراحة نوب حرمتها من الاكل حتى متاكل

فد يوم راجعين او بالاحرى هي راجعة واني لاحكها
دتريد تعبر والاشارة خضرة بس هي ممنتبهة من كدما تصفن اجتي سيارة سريعة كلش
مدري شلون لحكت عليها وجريتها من ايدها من ورة وكعت علية وخرت هي عني حتى مباوعتلي وركضت بكل سرعتها واختفت
ردت الحك وراها بس خاف اضايقها اكثر او تنتبه علية تالي رجعت للبيت

حجيت وياها ثاني يوم بس جانت كلش حادة بردها علية كلت اكيد عرفتني بس مو مشكلة المهم ردت
- صباح الخير
- صباح الخير
- شلونج
-زينة
- اسف خوفتج البارحة بس جنتي حتنضربين بالسيارة
- وشيهمك اذا انضربت او لا
- ما يهمني بس يعني لو جنتي مكاني هم حتسوين هيج
- مراح اسوي شي وما الك علاقة بية رجاءا
- اوكي اسف مرة ثانية
-من رخصتك
- بس دقيقة
- نعم
- ممكن اكل وياج بالاستراحة يعني عادي ما اضايقج بس كل ما اجي يمج انت تكومين
- خلصت الاماكن يعني ! مو ممكن

وخرت وراحت لشغلها اجة المسؤول شفتة يحجي عليها يمكن لان اخرتها رحت عليهم
- صباح الخير استاذ شلونك
- هلا وائل شلونك
- الحمدلله ترة داليا جانت يمي سالتها على هاي المكينة ومحتاجلها زيت
- ها خوش اذا هيج مو تدري اضوج من التاخير ومن الاهمال
- داليا انطيني الزيت
عافنا وراح يجيك ع العمال البقية
- لا تحاول تكون بطل
- صار مرتين وراح اعتبر نفسي بطل بالمرة الثالثة مو هسة ههههه
- اخذة و روح وبعد لا تحجي وياية
- صار شكرا
باوعتلي بنظرة عصبية ودارت وجهها
والله حلوة من تعصب هههههه