شجن

6

#شجن6
Shahd Alsalman
شفتة مجروح ويصيح من الالم  عفت البيدي وركضت علي حتى اضمدلة الجرح ما اعرف بشنو اشدة طلب مني شالي واني ما اريد اشيلة حتى لا يبين اثر الحرك بس شلتة ونظفت الجرح وشديتة زين وراها غسلت ايدي وكلت انزل شعري على ركبتي احسن شي
غاب هو يومين باجازة مرضية

صحيح اني ما اريد يتقربلي بس حسيت بفراغ بغيابة برغم محاجين هواية ولا حتى بيناتنا شي
يمكن لان هو الوحيد اللي يسال عني
من شفتة حجيت وياه وسالت عنة بس كالي فكرتي بية حسيت شي بداخلي يتحرك واتهربت منة ببرودي ونشافتي

دكولي جماعة التهريب وكالو نريد فلوس واني حتى لا اخسر كل شي لان واقع حال ما عندي ثقة بيهم وهمين راح احتاج كل فلس ضامتة
اتفقت وياهم ع الموعد رجعت للكرفان واخذت الفلوس نصها واخذت سجينة احتياط وياية حتى اذا يصير شي اكدر ادافع عن نفسي وبالاساس اني اعرف حركات دفاع عن النفس يعني متدربة عليهم
رحت بس خايفة ومترددة بقيت انتظرهم المكان اظلم وشبه متروك ومهجور

اجوي بسيارة ونزلو اثنين رياجيل منها شوية ضخام واحد كصير واحد متوسط طولة كالولي ع الفلوس كتلهم عندي نص ومثل ما اتفقنا شو هم كامو يهددون وواحد منهم طلعلي مسدس يريد ياخذ الجنطة مني وكالي اريدهم كلهم كتلة اهدى رفعت ايدي واتقرب دياخذ اللي بالجنطة واني اعرف هم حيكتلوني بعد مياخذون مني الفلوس بحركة سريعة ضربتة ودفعتة وكعتهم اثنينهم وسحبت الجنطة وركضت وهم وراية بمسافة بعيدة شوية واسمع صوت الطلقات وراية اركض بكل سرعتي وقوتي
ما حسيت الا انجريت دا اصيح وواحد حط ايدة على حلكي يكتم صوتي وانحصرنا بمكان ضيق واظلم صار مقابل وجهي وكلش قريب مني الهث واباوع لعيونة هذا وائل شجابة هنا وشلون عرف مكاني
شفنا ذولة راحو باتجاه غلط سحبني وركضنا من مخرج واخذنا تكسي وفلتنا

ممصدكة هو اجة ورايا  كوة جريت انفاسي وهو هم وبقيت اتلفت خاف احد ورانا لاحكنا
- اريد انزل هنا
- ماكو نزلة انت مخبلة
- وائل خلص لا تبلي نفسك بية اريد انزل وشكرا لان ساعدتني
- انت شجنتي دتسوين هنا ومنو ذولة
- مالك علاقة مو لان انت ساعدتني حتكوم تريد تعرف كل شي خلص نزلني هنا
- لا امشي معليك منها
- وين موديني
- حتجين وياية لبيتي
- شنووو يا بيت اريد ارجع لبيتي
- قصدج للكرفان حتى ذولاك يندلون مكانج
- وائل الله يخليك لازم ارجع لهناك
- انت شدتحجين شنو عندج هناك
- خلينا نرجع وبعدها وين متريد نروح
- اوكي
- بلا زحمة اخويا روح ع الاستدارة ولوف باول فرع يجيك

يعني جان حافظ الطريق كلة وجاي وراية واكيد مراقبني
السكوت سيطر علينا وشلون اتخلص منة ما اعرف اني بيا حال وهو وراية يا ربي شلون ورطة