شجن

9

#شجن9
Shahd Alsalman

- يمة صدك اذا اجوي بنات خالتي شحتكلليهم على داليا
- معليك انت لا تشيل هم حكوللهم بنت عمك اللي عايشة بامريكا هم ميعرفون كل اهل ابوك
-اي خوش فكرة هاي
- وائل ماما احجيلي عنها شوية
- صدكيني مو كل شي اعرف عنها بس اعرف راح احجيلج  هي متاذية هواية لهذا تتعامل ويا الناس بهاي الطريقة
- الله كريم لا تخاف عليها ان شاء الله تكون بامان يمنا وهم نكسب بيها اجر
- فدوة لوجهج اروح يمة
بست ايدها وطلعت اتسوك للبيت من دا امشي شفت شال كلت اجيبة الها مكان الشال الشدتلي بي جرح ايدي واخذتلها تراك تلبسة بدل بجامتي السابحة بيها

كعدت من النوم سمعت صوت طكطكة وحركة شفت مرية جبيرة بالمطبخ يمكن هاي ام وائل

- صباح الخير خالة
- صباح النور هلا يمة اني ام وائل
- اني داليا طبعا اسفة والله ضايقتكم
- ياا مو عيب هالحجي انت مثل بنتي ان شاء الله يلة روحي غسلي وبدلي وتعالي نتريك سوة
- شكرا خالة هسة اجي
- اصبلج حليب مثل وائل لو جاي
- ما احب الحليب واصلا ما اتريك لا تعبين نفسج خالة
- شون حجي هذا يلة اكلي ترة ازعل منج
- ان شاء الله
اكلت شوية وياها وهي تحجيلي على ولدها وبيتهم كلش حبابة وتفوت للكلب اول مرة احس بدفا وحنية وناس صافية
مرتاحة حيل واحسها خايفة علية محد بحياتة فكر بية او حبني كل اللي عرفتهم اذوني و اولهم اهلي
دنحجي واجة وائل شايل مسواك كمت حتى اشيل عنة طخت ايدي بيدة وباوعنا واحد للاخ خجلت منة ووخرت خليت الغراض ع الميز وانطاني علاكة
كال هاي الج اخذتها شفت شال وتراك حاولت ما اقبلها منة بس امة مقبلت وحجو علية اثنينهم خجلت منهم فاخذتة

ورة الغدة امة نامت بقينا اني وهو
- شنو رايج بأمي
- حبابة وردة مال الله ربي يخليها الك
- داليا
- نعم
- ممكن نكمل حجي البارحة بصراحة مكدرت انام
- وائل خليها لوكتها
- بس لازم اعرف
- اوكي.. 
قتلتة وملاحكيني الشرطة بعد ما بلغو علية وصارلي سنة ونص مهزومة منهم تركت بغداد واجيت لهنا كدرت اعبر وما ردت اكعد بالمركز كعدت ع الاطراف بالكرفان الشفتني بي حتى ما يكشفني احد الشغل لكيتة عن طريق الجريدة وهاي هي كل القصة
- شنو الخلاج تقتلين انسان
- ما اريد احجي بهذا الموضوع شي شخصي يعني
- ع الاقل انطيني سبب مقنع
- صار هالشي وانتهى
- ماشي زين انت من وين متعلمة حركات الضرب من انهزمتي من المهربين ضربتي وبحركة خفيفة
- الي واهس بالالعاب القتالية وتعلمت حركات دفاع عن النفس
- بشنو قتلتي اقصد الالة
- مسدس
- يعني تعرفين للمسدس
- اي اعرف
- داليا انت صغيرة شلون تعلمتي كل هذا
- تعلمتة لان محتاجتلة مو لان اريد اقتل جان لازم اسوي هيج

ما اعرف شسالها اجوبتها مختصرة وما اريد اضغط عليها واني اساسا متشوش واريدها توثق بية
كمنا نروح ونجي ع الشغل احس تغيرت نفسيتها وتضحك وتتشاقة ويا امي
هي شكد ما تبين نفسها شرسة وقوية بس بعدها صغيرة وترجع تتصرف بطبيعتها العفوية
انشديت الها كلش وحسيت يومي ميكمل بدونها يجوز اعجاب يجوز انجذاب ويجوز حب ما ادري ما جربت قبل احب ولا جربت هالاحساس بس وياها ومع هذا ما خليت نفسي انجرف وراها اريد ترتاح الي واريد بداية صحيحة وتنسى كل المرت بي ولو بعدني ما اعرفة بس اكيد صاير شي وياها

جنا راجعين من الدوام دكتلي امي كالت بيت خالتك يمنا كتلة ماشي سديتة وفهمت داليا تكول كدامهم انه هي بنت عمي وانطيتها اسم عمي ويا مكان كاعدين حتى واذا سالوها ليش هي راجعة نكللهم اهلها انفصلو ومكدرت تكمل بالعيشة هناك وما اعترضت ولا حجت شي

فتنا للبيت سلمت على خالتي وبناتها 3 ويباوعون على داليا
- هاي بنت عمي سامي اعرفكم اسمها داليا
- اهلا وسهلا
- خالتي سهيلة وبناتها سالي و دعاء و طيبة
- تشرفنا
- النا الشرف
- يلة يمة روحو بدلو وتعالو نتعشى سوة ..