شجن

21 والاخير

#شجن21
#النهاية
Shahd Alsalman
تعافت داليا تماما وهسة صار وكت تطلع من المصح وترجع لوائل طلبت مني تكص شعرها وترتب نفسها و ردات تشتري هدوم حلوة يعني حتة يشوفها وائل بشكلها الجديد خابرتة وكتلة راح اجيك
وكفتلة بالباب بينما يجي لان اني اقرب منة على البيت وجانت داليا يمي

ديمشي باوعلنا خفف المشي بعدين وكف داليا ركضتلة وهو همين حضنها وممصدك وهي هم نفس الشي بجيت وياهم لان الموقف كلش يخلي الواحد يحس بمشاعر حب واشتياق وهم اثنينهم تعذبو
مشو باتجاهي وصار كدامي كتلة مو كتلك اكلة تحبها ضحك هو وداليا

فتنا للبيت حضرنا الغدا واتغدينا فتحنا كامرة ويا خالة ومصدكت داليا يمنا بقت تبجي وتكلها لا تعوفي يحبج هو ودعتلهم والي و سدينا الخط

مصدكت شفت داليا كدامي وصايرة حلوة وكاصة شعرها كل شي بيها متغير
ركضت احضنها بجينا ومردت اترك حضنها لحظة بس شاورتني ترة سالي هنا عيب كافي
ضحكت وفتنا وصدك هاي اكثر اكلة احبها مثل مكالت سالي ههههه

كعدو حجولي ع العلاج وليش هي مقبلت تشوفني وانطتني التقرير الطبي كل مؤشراتها سليمة والحمدلله صارت زينة وخلصنا من ذيج الايام
راحت سالي وبقت داليا يمي كعدنا وخليتها بحضني - وائل
- روح وائل
- ليش تحبني هلكد
- اممم ما اعرف ماكو سبب معين احبج لكل شي بيج
- تحبني لغموضي و هدوئي ونظرات عيوني حتى شراستي تعشقها
هذا الكلام اني كاتبة عنها بمفكرتي وخرت منها وباوعت عليها
- داليا من وين هالحجي عرفتي
- تحب من اعاندك وتحب سكوتي واحلى يوم برغم جنت متوجع جان من انجرحت واخذت شالي
- وهمين اكثر يوم حسيت بخوفي عليج
- من جنت يم المهربين وانت انقذتني منهم وصرنا قريبين واحد ع اللاخ
- داليا
- اششش احبك بكد ما حبيتني واكثر
وبكد ما شفت كل عيوبي واغلاطي والماضي وما تخليت عني
- اعرف تحبيني رسمتج الي باقية بالغرفة وكل يوم اشوفها واتاكد انت تحبيني
- خلينا نبقى سوة طول العمر وما نخلي شي ياثر بينا
- ماكو شي يفرقنا بس الموت وحدة
- يومي قبل يومك
- داليا
- نعم
- اريدج تكملين دراستج
- يصير ؟
- يصير وامتحني خارجي وكملي وخلينا نمشي هالطريق سوة
- ان شاء الله
- احبج
- واني احبك

بعد 12 يوم رجعت خالة من العمرة وقررنا نسويلهم عرس لوائل وداليا وصار احلى عرس وداليا طلعت كلش حلوة ووائل همين وفرحانين بيهم كلنا

و اني انخطبت لواحد وياية بالكلية جان قبل رايدني والحمدلله هو خوش شاب والله عوضني بي خير

داليا بعد فترة خلاها وائل تخلص دراستها ودخلها فنون جميلة وكلش متفاهمين وواحد يحب الثاني
وصار عدهم حمودي و سالي سموها على اسمي ..