شجن

7

#شجن7
Shahd Alsalman
وصلنا للكرفان لميت فلوسي كلها وحطيتهم بالجنطة واخذت هدومي البقية مو هواية و طلعنا بسرعة هو صافن علية شدا اسوي
حسيت اجتني نوبة اختناق طلعت البخاخ وحطيتة بحلكي بخيت وشميتة شوية ارتاحيت

- انت زينة ؟
-اي زينة
- بيج ربو ؟
- اي
- تريدين نروح مستشفى
- لا ميحتاج بس لان ركضت
- اوكي تريدين مي
-لا ؛ وائل وين رايحين احنا
- مثل مكتلج لبيتي
- ما اكدر وماكو داعي لمساعدتك اكدر ادبر نفسي
- شون حتدبريها مثلا تروحين تاجرين بيت لو هم تكعدين بكرفان
- ما اريدك تتورط بشي وياية
- الله كريم

وصلنا البيت جانت امي بايتة يم خالتي وخابرتها نطيتها خبر انه هي هنا يمي وكالت باقية يومين لان خالتي مريضة
فوتتها وهي متريد تدخل وتباوع بالمكان

- وحدك بالبيت ؟
- امي عايشة وياية بس بايتة بيت خالتي لان مريضة
- يعني هسة احنا لوحدنا
- اي وهاي غرفتج
- وائل
- نعم
- شكرا اني مراح اطول ولا اسببلك اي احراج او مشاكل
- داليا فهميني منو ذولة وليش ملاحكيج
- مو لازم تعرف كل شي لا تحاول تتدخل
- انت ليش لسانج طويل و تعامليني هيج
اني لازم اعرف انت هنا لوحدج جائز اني اكدر اساعدج
- متكدر تسويلي اي شي من رخصتك تعبانة ومحتاجة انام
- ماشي تصبحين على خير اذا ردتي شي اطلعي للمطبخ موجود اكل ومي وعصاير براحتج يعني اعتبري بيتج واكو بجاما هنا البسيها
- اوكي شكرا

بدلت هدومي وورتبت غراضي بالجنطة ورحت للفراش جنت حيل تعبانة نمت رأسا .