شجن

16

#شجن16
Shahd Alsalman
غفيت شوية ورة مخلصت مكالمتي ويا وائل ونبهتة ميجي لهنا بعد خفت لا ملاحكي الشرطة ويندلوني
كعدت مفزوعة الشرطة فوك راسي وسلمي نفسج ما ادري منين اجوني حاولت انهزم منهم مكدرت محسيت الا على ضربة براسي ووكعت
فتحت عيني باوعت ايدي متكبلة واني بسيارة الشرطة وخلص بعد اخذوني وياهم

كمت اشك حتة بوائل هو اللي بلغ عني وعن مكاني بس شلون هو ميسويها
فتت حتى يحققون وياية طلعو مراقبين خط وائل ومن اخر مكالمة عرفو مكاني
استجوبني الضابط وحجيت كل شي اعترفت بكل الصار وياية وشلون قتلت والاسباب وكل شي وبعد التحقيق مستمر
وتفكيري بوائل شلون حيعرف اني هنا يمكن هيج احسن الة خلي ينساني ويبتعد كالو حينقلوني لبغداد حتى يكملون تحقيقات هناك وبعد يومين رحنا لبغداد تفكيري كلة بوائل احتاجيت يكون يمي بس شسوي هيج نصيبنا نتفارك بهاي الطريقة ...

رحت للبيت ما لكيت بي احد ومبين من الهوسة والخربطة صاير شي طلعت برة شفت جاهل سالتة كال مو اجوي شرطة لهما وصارت مداهمة ولزمو ارهابية يعني انلزمت واكيد سالي ورة هالشي اخذت جنطة داليا ورجعت رحت لبيت خالتي وكمت اصيح واتخبلت طلعت سالي ترجف وتحلف هي مالها علاقة بشي ولا تدري عن شي كتلها انت السبب بكل شي صار انهارت اعصابي ومدا اعرف وين هسة هي
دورت عليها بكل مكان بس ما لكيتها اي مركز ادور عنة ما الكى شي ولا الكى مقبوض عليهم باسمها لا داليا ولا شجن
رجعت للبيت وكل يوم ادور مرو 7 ايام وماكو اي شي لحد ما وصلت اخر مركز وكالو جانت يمنا القينا القبض عليها ورحلناها على سجن ببغداد كلش فرحت وكيفت اقلها لكيتلها اثر ومكان
رجعت للبيت تعبان ومهدود حيلي لكيت خالتي وسالي موجودات يمنا والظاهر امي حاجيتلها كل شي
- انت شجابج مو كتلج ما اشوف وجهج
- وائل جاية اساعدك واكفر عن غلطي بحقك وبحقها
- اي غلط انت دمرتيني ودمرتيها
- صدكني اكدر اساعدك واكدر اوصل لماجد مو انت تريد دليل وكايل لخالة عن هالشي
- يعني انت هسة تعرفين هي ليش هيج سوت
- اي عرفت وندمانة هي مسوت هيج الا لان الشرف غالي واني حيل اسفة والله بس جنت اظن هيج راح احافظ عليك واخليك تحبني
- سالي ساعديني اني ما اكدر اتخيل هي بسجن وهناك واني هنا واعرف هي مظلومة حتى لو قتلت بس انتقمت لشرفها ومالها اي علاقة بشي
- راح اساعدك بس بالاول اقبل اعتذاري
- ماشي واني هم اعتذر لان هيج اتصرفت وياج
- اني استاهل وهسة لازم نروح بغداد وراح اخلي تالا تساعدنا وتلكالنا ماجد اهلها ناس واصلين وهي اللي جابتلي اخبار داليا كلها
- يلة كومي هسة نروح
اخذت السيارة و رحت ويا سالي لبغداد طول الطريق نفكر اني وهي شون نوصللهم وتدور ع الفيس عن اسم ماجد بس اني المشكلة ما اعرف شنو الاسم الكامل وصلنا وحجزنا بفندق و رحنا بوجهنا لصديقتها حجينالها كل الموضوع وماكو كلها ساعتين وجابتلنا عنوان اهل ماجد الجديد وعرفنا وين هم تشكرنا منها وطلعنا ..