شجن

5

#شجن5
Shahd Alsalman

استمر الوضع بيناتنا على هيج اراقبها من بعيد وهي تجاوبني بحدية مرات تلبسني صحيح اضوج واندق من معاملتها بس مو مشكلة

اسمع هواية يكولون رب ضارة نافعة بس ما صارت ولا مرة وياية
جنت دا اشتغل بالمكينة وممنتبه انجرحت ايدي بس جرح كلش قوي من الالم صحت صيحة بعلو صوتي هي جانت قريبة علية يم مكان المكينة وهم دتشتغل عافت اللي بيدها وركضت علية
رادت شي تشد بي كتلها شدي بشالج ودا اتوجع كلش بس ترددت بالاول بعدها شالتة وشدت فوك الجرح نظفتة وهي هادئة وساكتة كملتة وراحت تغسل ايدها شدتة بطريقة كلش مضبوطة ووكف الدم الحمدلله
من رجعت للشغل جانت منزلة شعرها على ركبتها
شنو تريد تضم بيها ما اعرف منتبهت عليها من كدما متاذي لمن وخرت الشال

المدير انطاني زمنية رحت للعيادة وخيطو شدو زين وانطوني مسكن واخذت اجازة داومت بعد يومين شفت نفسي زين وبصراحة اريد اشوفها كلت اشتغل عود اللي اكدرلة

كطعت اجازتي وبلشت شغل بس هي مموجودة دا اروح اسال عليها فجأة طلعت بوجهي صارت تلاكينا بالممر جانت هي بالحمام واني دا اطلع اشوف الحارس اسألة
- اسف
- لا عادي اني جاية مستعجلة
- عبالي ممداومة
- لا مداومة جنت اغسل ايدي
- شلونج
- زينة انت شلون صرت
- احسن الحمدلله خيطتة وكم يوم واشيلة
- عندك العافية من رخصتك
- داليا
- نعم
- شكرا لان ساعدتيني
- حتى تصير وحدة بوحدة وما بيناتنا دين
- امممم مظل بالج علية يعني
- لا طبعا من رخصتك
- اخذي راحتج

يا الله شكد شرسة عيونها وشكد تصد يعني حتى من تحجي تحس خلص راح تنقتل على ايدها
رجعت لشغلي وصارت الاستراحة لكيتها برة ودتحجي بتلفون صغير نسمي الصرصر يعني مو جهاز حديث
وسمعتها تكول اليوم بالليل نتفق على هالشي واجيبلك نص المبلغ والنص الثاني من تكمل الشغلة بس مال انطيك كل الفلوس اعذرني
واتفقت وياه ع الوكت وع الساعة 9 بس معرفت وين سمعتها بس تكول اي اندليتة
ووخرت لان سدتة مردتها تشوفني كلت الحكها اليوم

خلص الدوام بس اشوفها قلقة ومتوترة كل الوقت لحد ما طلعت راحت للكرفان طبت ورة شوية وطلعت مستعجلة واني وراها اخذت تكسي وصلت لمكان شبه مهجور واظلم اجتي سيارة ونزلو منها رياجيل اثنين وتحجي وياهم بس مبينة متجبجبة منهم او خايفة انتبهت واحد منهم وجه سلاح عليهة ويحجي وياها بنبرة تهديد

اتقربت منهم اكثر شفتها رفعت ايدها وتقربلها واحد دياخذ شي من جنطتها ما اعرف شلون بحركة سريعة ضربتة ودفعتة على صاحبة شون ذولة ابطال الكراتيه واخذت جنطتها وانهزمت تركض وهم وراها ويضربون طلقات يحاولون يصيبوها ركضتلها من الجهة الثانية حتى اسحبها واخذ تكسي وافلتها منهم
وسحبتها عاطت هي سدت حلكها ختلنا بمكان كلش ضيق تباوع بعيونها لعيوني بخوف ورهبة وتلهث من الركض اشرتلها تسكت شفتهم ركضو باتجاه غلط واخذتها جريتها من ايدها وكدرنا نطلع وناخذ تكسي ...