شجن

14

#شجن14
Shahd Alsalman
تحجي وكوة لازمة نفسها متريد تبجي نبرة صوتها تغيرت وهي مدنجة راسها وخجلانة
- كملي حبيبي الله يخليج فهميني
- كعدت من النوم امي وامة و هو موجود بس اني ملابسة ولا شي يا دوب متسترة بالغطا
- ليش ؟؟
- بالاول ما افتهمت ليش بعدها من نظراتهم وحجيهم كالي اني هيج بنية متشرفني وامة ظلت تسب بامي وتغلط عليها شمر الحلقة بوجهي وكال لامي هاي بنتج الساقطة والخاينة
امي ضربتني وتغلط علية اني حلفتلها مية يمين انه هاي شقتة و هو اللي جابني لهنا وممصدكة بية
- يعني هو ؟؟؟
-  اي هو
هو نومني واغتصبني
و هو دز على امي عود يعني اني جنت مصادقة واحد وطلعت وياه بهاي الشقة
بس امة مجانت عصبية او ضايجة بكد ما شمتانة حتى هو
- زين امج شنو سوت وليش هو هيج اغتصبج
- امي ظلت نابذتني بيومها بقت تدعي علية وتضرب بية حتى ما تقبل تسمع مني ولا تصدكني
اني بقيت 7 شهور حالتي حالة وتعبت كلش بعدين كلت لازم انتقم لنفسي منهم واني ممسوية شي هم تهموني بشرفي واعتدى ابنهم علية جانت عندي صديقة عدها اخ يشتغل بالاسلحة خليتة يدربني علي مقابل فلوس
- من وينلج الفلوس
- اخذتهم من امي بكتهم جنت مضطرة
- وبعدها ؟
- تعلمت على حركات دفاع عن النفس من صار عمري 15 سنة كملت الثالث متوسط وبقيت اراقبهم
- بس انت صغيرة على هيج افكار وعلى هيج خطط
- اللي اخذو مني يكفي انه يكبرني ويخليني اسوي هيج واكثر 
- كملي
- بقيت اراقب بيهم لحد ما وصلت لبيتة صار عمري بوقتها 16 سنة دكيت الباب على اساس اني فقيرة واريد صدقة جان سكران من فتح الباب دفعتة وفتت طلعت المسدس وحطيتة على راسة
- كتلتي رأسا ؟
- لا بالاول شديتة وكعدتة وخليتة يحجي ليش هو هيج سوة
- جنتي لوحدج ،؟
- لا ويايا ماجد اخو صديقتي اللي دربني من حجيتلهم ساعدوني وصحيح انطيتة فلوس بس ساعدني
وكدرت احصل منة شي
- وشنو الخلاه يسوي هيج
- امي
-امج ؟
- جانت خطة من امة لان ابو متزوج امي بالسر ومجنت اعرف هو منو حتى امي متعرف منو هم رادت اي واحد حتى تتخلص مني وتشوف حياتها  ولان امة كشفتهم وعرفت بيهم وطلبت منة يطلكها ابو كاللهم ما اطلكها وهي مرتي ومطلك امة بمكان امي
- انت شنو علاقتج؟
- اني اللي وكعت بيها خطبوني وحتى يكسرون امي ويفضحوها بكل مكان و يحجون عليها وعلى تربيتها اخذو شرفي الحقراء
اكرهها  من كل كلبي واتمنى لو تموت ولو اكدر جنت اقتلها الها همين
- شلون قتلتي؟
- خليتة يحجي واني اعبي البيت بالنفط حتى احركة بس مكفاني من خلص ضربتة رصاصتين وحدة برجلة والثانية بجتفة
ماجد سحب المسدس مني خليت الشخاطة وحركت البيت
- وهذا الاثر اللي بركبتج منها
- اي من صدمتي باللي كالة وباللي دا اسوي بقيت واكفة منتبهت للنار على جتفي اجة ماجد طفاها مني  وسحبني وركضنا ومن يومها بالليل طلعني لهنا وخلاني بالكرفان و راح
- بس انت صاحبة حق ليش انهزمتي
- لان دليل كل كلامي يم ماجد وماجد سافر ومحد يعرفلة اثر خابرني كالي اشتكو عليج وعرفو بيج انت من الكاميرات و انت مطلوبة واني يمكن شاكين بية وراح اسافر
- وين الدليل اللي تكولين عنة ؟
- تسجيل وتصوير فيديو ماجد سواه حتى ملحكت اخذة منة وما اكدر اتصل باختة لان اخاف لا يلكوني
- شلون اكدر اوصل لاختة
- ما اعرف بس هي يم بيتنا القديم
- شنو عنوانكم
- لا تتدخل اكثر وائل خلص اخاف عليك منهم اني ما عندي شي اخسرة حتى لو انلزمت هسة
- داليا ما اخليج لوحدج وعدتج وكتلح ما اتركج كليلي العنوان

نطيتة العنوان ومن حجيت احس جبل وانزاح عن ظهري ارتاحيت كلش
بس خنكتني العبرة وبجيت من كل كلبي متحملت
اتذكرت شلون امي باعتني الهم بالاول وبعدها صرت منبوذة وتعايرني وممصدكتني ولا حتى وكفت وياية سلبو طفولتي وشرفي كل شي راح مني بسببهم

- داليا لا تبجين حبيبي اهدي صدكيني حساعدج ما اعوفج ابد
- علواه لو اموت هسة وارتاح ما بقى شي واحد يعيش علمودة لا اهل لا شرف لا مستقبل ولا شي مهم
- و اني ؟
- انت الوحيد اللي حبيتني وخفت علية بس مو ذنبك يضيع مستقبلك بسببي اني ومصايبي
- اششش لا تكولين هيج مستعد اضيع علمود عيونج يكفيني انت يمي ما اريد شي ثاني

اخذني لحضنة كاني ملكت الكون وماكو شي وراية ولا يخوفني احد نمت بحضنة حسيت الصبح توة الفجر ديطلع كمت من يمة رحت ليغاد شفت مكان مثل الحمام