شجن

4

#شجن4
Shahd Alsalman

حسيت من دا امشي اكو احد ورايا بس اني مثل كل يوم ما انتبه لا على وجوه ولا على سيارات صافنة وامشي
ما شفت نفسي الا مسحوبة من ورة وواكعة على احد بس مشفتة منو وكبل كمت وركضت ختلت بمكان اظلم من باوعت اريد اشوف منو لكيتة وائل اللي يشتغل ويانة بالمعمل

ما اعرف شيريد مني بالاستراحة ملاحكني نظراتة بالشغل كل ما تتلاكى عيونا اشوفة يباوع وهسة لاحكني
فقررت من اداوم اشوفة الوجه اليابس المشكلة هو يحجي بكل ادب بس هم كلهم هيج بالنتيجة يريدون شي واحد واكيد هو ما يفرق عن غيرة لان هو رجال
الكل يحبة والبنات الويانة كاتلات نفسهم

هو عكسي اجتماعي ومبتسم دائما ووجهة يضحك شكلة جذاب وطويل عمرة حسب ما اسمع من العاملات يطلع ب 26 سنة وما متزوج وعرفت اسمة من اجة وكعد يمي وكالي اسمي وائل

من شافو يمي كم مرة كامو يسمعوني حجي البنات
واني اعرف هم يحجون علية  من الاساس ويكولون معقدة وكئيبة ووو اشكال الوان اسمع حجي بس ما اهتم
اني اروح لشغلي ارجع الكرفان وهكذا كل يوم هيج واذا اكو شغل اشتغل اوفر تايم ما عندي شي وما اهتم انطوني فلوس او لا

اكلي اضم منة للبزازين عبالك يترقبوني من اجي وانطيهم هاللي موجود

لبسي دائما جينز وتيشرت اغطي راسي هيج بكلاو
انتظر اي فرصة .حتى اطلع منا باقرب وكت
اسمي غيرتة من شجن لداليا بس لان مطلوب بالشركة الهوية علمود الفايل مالتي يكتبون بي بياناتي

مكملت دراستي بسبب اللي صار واتمنى لو ارجع واكمل وانجح بس كل شي مكتوب علينا  والحمدلله
جنت ببغداد بس طلعت لسليمانية لابعد مكان ونقطة حتى محد يلكاني

نطيت عنوان شفتة هيج مرة واني فايتة بالشارع ولكيت الشغل عن طريق اعلان جريدة
دوامنا طويل وعدنا استراحة الاكل عليهم وراتب نوعا ما زين مجنت اصرف شي ومرات ارجع مشي اريد اضمها الفلوس علمود اسافر بيها
تحملت كل تعب الشغل وحجي الموظفين والمسؤول بس في سبيل الم هالفلوس ميهمني اي حجي
لازم اروح منا وبأي طريقة

اما بالنسبة لوائل حظل اجاوبة بنشافة لان اعرف مراح يعوفني اني مو ناقصة مصايب كوة اريد اخلص من البلوة العندي
بس ادعي الله يسهل علية واكدر اطلع تهريب وابدي حياتي من جديد ...