شجن

19

#شجن19
Shahd Alsalman
كل يوم اشوف وائل يذبل ويتعب بسبب التفكير بوضع داليا اتخلصنا كوة من القضية و كوة سكتناهم ورضو بفلوس وانسدت الدعوة
حطينا داليا بمصح نفسي حالتها دتسوء يوم عن يوم برغم كلنا يمها وممخليها تحتاج شي بس هي حقها
لا اب يسال عنها لا ام بحالها اصلا امها احتاجيناها بالقضية ما قبلت تجي ولا تشهد وخافت على زوجها اكثر من بنتها وبثاني يوم فص ملح وذاب سافرت او راحت لغير مكان منعرف
وفوك كل هذا خسرت كل شي وخلص تسجلت انه هي قاتلة حتى وان انسدت القضية
من وائل يتضايق كلش انقهر علي اعرف بي يحبها وادري يتمنى لو ترجع طبيعية ويعيش وياها

اما اني مكمت احس بالحب تجاهة كانو برد هالشعور بداخلي يمكن مجنت احبة بالاساس بس معجبة بي وبوجودة بحياتي وبزواجي من انسان مثلة
قررت اكون وياه واوكف يمة هو دائما جان وياية وويا خواتي مقصر ويانة
رحت لداليا بدون ما اكولة ولا انطي خبر لكيتها بالحديقة وكالعادة صافنة ومتحجي ويا احد
و كمت احجي وياها ..
داليا حبيبي شلونج
اعرف بعدج زعلانة علية بس دا احاول كد ما اكدر اصلح غلطي وياج
خليني اشوفج شي اخذتة من وائل بلا ميدري
هاي المفكرة مالتة كاتب عنج هواية شغلات حلوة
وراسملج بيت هنا شوفي شكد حلو حتى كاتبلج شعر
"بلشت هي تباوع للمفكرة بدون متحجي"
حتى كاتب الهدايا الي يريد يجيبها الج دينتظرج ترجعيلة وتكونين وياه حتى تكملون سوة
خليها يمج واقريهم وشوفي شنو بالمفكرة حتى تكومين بسرعة من حالتج
صيري قوية وواجهي كل شي هسة انت دتنهزمين وتضعفين وانت حواليج ناس يحبوج ووائل همين
لخاطرة اذا تحبي او بداخلج مشاعر الة ارجعيلة وصيري سبعة وتعالجي وتقبلي اللي صار وانسي كل شي
شفتها نزلت دمعتها واني دا احجي
بستها وكتلها راح ارجعلج بغير وقت بس لازم اخذ المفكرة
مقبلت اسحبها منها وبقت لازمتها و خليتها يمها وطلعت رحت لدكتورتها وحجيتلها كالت ان شاء الله تستجيب للعلاج هاي بوادر استجابة ..

اني هسة ما اعرف وين وبيا عالم وويا منو عايشة كل شي مخربط بحياتي وما ادري اني صح لو غلط انتقمت لنفسي بس اللي سويتة يمكن حرام جان لازم اسلمهم بيد الله هو ينتقملي من امي وابويا وخطيبي وامة وكل واحد اذاني واني رحت واخذت بثاري وما تبت ردت اقتل نفس سويت كل شي حتى اكون قوية بس جذب اني اضعف وحدة بالدنيا خسرت كل شي مستقبلي حياتي شرفي كرامتي كل شي خسرت ما بقى عندي اي شي
كل يوم احاول اصحى من اللي اني بي بس مدا اكدر مثل الدوامة حياتي افتر وارجع لنفس المكان
سالي اجتي وشوفتني مفكرة وائل بعد ما حجت وياية احتاجيت يكون وائل يمي كانو جنت نايمة وكعدت
مقبلت انطيها المفكرة وبقيت مجلبة بيها من راحت ورة شوية رحت لغرفتي وطلعتها قريت كل شي بيها الاشعار والكلام وحتى الرسمات البسيطة
لازم اقاوم علمودة لان هو يحبني واني هم احبة اريد اعيش مثل كل الناس واشوف الدنيا واحس بعمري

بعد 3 ايام هم اجتي سالي وخلال هالفترة ما بطلت من قراية المفكرة حتى كمت اغفى واكوم بس علمود اقرة شي منها
مثل كل مرة اجت وباستني وكعدت يمي تسالني عن صحتي وعن حالي وما اجاوبها مطولت شوية وكامت
- سالي
تفاجئت من صاحتلي وانداريتلها رجعت عليها
- نعم حبي كولي
- وائل
- شبي تريدي اخابرة
- ساعديني اريد اصير زينة
- اني يمج كلنا يمج والله لا تبجين
- سالي تعبت اريد ارتاح واعيش مثلكم اريد اكون انسانة طبيعية
- انت طبيعية ما بيج شي ساعدي نفسج واني يمج ما اعوفج
- تعبت ما اريد اكره اريد احب
- لا تبجين والله حترجعين طبيعية بس اصبري و همي نفسج واتوكلي على الله
- ما اريد وائل يجي لهنا بعد
- ليش داليا هو يحبج
- ما اريدة يشوفني هيج بعد
- تريدين تطيبين يالا ترجعين الة ويشوفج قصدج
- اي
- يا عمري الحمدلله والشكر
حضنتني وحضنتها وبجينا اثنينا صدك احس اريد اطيب اريد كل حقد داخلي يروح اريد انسى

عافتني وحسيت نفسي مرتاحة وفرحانة لاني اريد اتعالج واريد اتحسن قررت الا اكون طبيعية يالا ارجعلة ما اريدة يشوفني هيج بعد ابد