شجن

15

#شجن15
Shahd Alsalman
الشرسة واللي نظرة عيونها تخوف اكبر واحد بجت وحسيت بكسرتها والم اللي عاشتة بسبب انانية اهلها وعيشتهم الغلط والحرام
اخذتها لحضني متريد تعرضني للخطر وخايفة علية اعرف هي تحبني بس متكدر تحجيها واني مستحيل اتركها غفت بحضني واني هم نمت من التعب
فتحت عيني لكيتها ماكو تخبلت
كمت ادور عليها واحجي على نفسي اني غبي لان نمت وعفتها تروح هيج يا الله وين راح الكاها انداريت لكيتها واكفة ركضت عليها حضنتها
- شبيك وائل
- وين جنتي خفت عبالي عفتيني
- معفتك بس رحت للحمام هنا
- داليا تتزوجيني ؟
- شنوو شبيك حلمان انت
- تتزوجيني
- وائل لا تضيع مستقبلك اني ما ارهملك
- ترهميلي واحبج ما اكدر بدونج
- بس
- اششش بدون بس
- موافقة
- والله يعني متتراجعين
- اي بس شلون نتزوج
- هسة نروح نعقد يم شيخ لان اخاف نعقد محكمة ويكشفوج
اخذتها ورحت عقدت شيخ وسألني عن اهلي كالة يتيمة واريد استر عليها والحمدلله اقتنع

صرت زوجتة بس ما صار بيناتنا اي شي مجرد ورق بينا كلت اي لان اني صدك اريدة وصدك محتاجة الة
خلاني بمكان زين ورجع هو لبيتة حتى يكول لامة وحتى يلم كم غرض و يرجعلي
كعدت افكر بيني وبين نفسي ليش لحكونا الشرطة وشلون اندلونا هو يكول محد يعرف بهذا البيت بس
- الو وائل
-نعم حبيبتي
- لا ترجعلي انت متراقب
- منو مراقبني
- وائل سالي تعرف بكل شي يخصني متعرف شنو السبب بس تعرف اني مطلوبة وقاتلة ومن جيت كتلك نطلع من البيت لان بيومها كعدت تحجي عن القتل والحوادث تتذكر
- اي
- هددتني اذا معفت البيت وعفتك راح تبلغ عني
وهالشي انتبهت علي اكيد من اختفاءنا واكيد هي سائلة عني بالشغل لان تعرف اني مجازة وانت هم دتاخذ اجايز لهذا راقبتك وانت بلسانك كلت محد يندل هالشقة بس من جيت هجمو علينا وكبسونا
- بسيطة سالي اني الج
- لاتجي بعد خلي الوضع يهدى وبعدين يصير خير ولا تحسس سالي بشي خلينا هيج
- ماشي وشلون انت حتدبرين امورج
- عندك شك ما اكدر ادبر نفسي
- لا طبعا حبيبي بس اخاف عليج
- لا تخاف الامان بالله
- الله يحميج ويخليج الي
- مع السلامة
- مع السلامة

طبيت لغرفتي لكيت سالي بيها وامي يم خالتي الثانية مجانت موجودة بس الظاهر هي بايتة هنا اقصد سالي من شافتني كمزت علية وركضت تصرفت تصرفات غريبة باستني وحضنتني
- سالي شدسوين
- وائل اني احبك حيل ما اكدر اضم اكثر
- تدرين اني هم احبج بس هسة شوية ضايج
- ليش
- داليا لزموها الشرطة
- ليش
- لان طلعت مو بت عمي ومنتحلة شخصية انصدمت بيها
- خلي تولي هاي متستاهل اصلا واحد يضوج عليها
- صحيح بس انت تستاهلين الحب اني اعمى وما شفتج من الاول
- وهسة انت يمي
- تدرين هي عليها قضية دعارة
- لا هي عليها قضية قتل
- لا دعارة مو قتل
- دا اكلك قتل
وحجتلي شلون جمعت معلومات عنها وشلون وصلت لاهلهة و كل شي
- ليش مكتيلي كل هذا لو خايفة علية جان انطيتيني خبر
- مو اني لان خفت عليك راقبتك وبلغت عنها بس ما اعرف بعد شنو الصار انلزمت او لا
- تحبيني
- كلش احبك
اتقربت مني دتبوسني و ضربتها راشدي
- مجنت اعرف انت حقيرة لهاي الدرجة علمود غيرتج ردتي تذبيها بسجن تقضين على حياتها
- وائل
- بلا وائل بلا بطيخ حسج ما اسمعة وكومي اطلعي برة صدكيني اذا عرفت بيج مسوية شي اموتج والله موتج على ايدي يصير
- وائل الله يخليك لا احبك اني كلش
- انت انانية لو تخافين علية تكليلي بس خفتي على نفسج اطلعي برة
- وائل لا ما اريد

طلعتها برة وسديت الباب خابرت لامي حتى تجي
اجتي وحجيتلها الصار ما طولت واخذت الاحتاجة و رحت جبتلها بخاخ من الصيدلية اني ما اكدر اعوفها لوحدها