شجن

11

#شجن11
Shahd Alsalman
شفت وائل كام وطب للبيت جنا بالحديقة رحت لحكتة راح لغرفة هاي البنية وديحجي وياها علمود تطلع ويانة بس سمعتها تكلة ما معناه متريد احد يسالها وتظل تجذب يعني متريد تنحرج معناها شكي بمحلة وهي مو بنت عمة ولا تقربلهم شي قررت اعرف عنها كل شي وبنفس الوقت اكسب وائل لصفي

اني كلش احبة ورفضت هواية علمودة هو ميحس بية ولا يحبني بس كلت اتقربلة وادزلة امي على امة بلكت عي تحجي وياه ونتزوج رابين سوة ومشفت شاب مثلة يملي العين ولا دك كلبي لاحد غيرة كلش اغار علي ومن شفت ويا هاي داليا متت غيرة و قهر وضجت اكثر من عرفت انه هي مو بت عمة وديجذبون حاولت اجرجر وائل وياية حتى نسهر بس مقبل وتحجج بالتعب والشغل مضغطت علي اكثر ورحت لخالتي دا اسالها عنها
- خالة شكد عمرها
- منية يمة
- هاي داليا
- ها اي عمرها 19 يمكن مدري 18
- زين اهلها شون خلوها تجي لهنا
- مو انفصلو وهي متدري ويامن تعيش اجت لهنا صعبة امريكا ترة
- اممم زين هي شمخلصة
- والله يمة ما ادري
- شنو دتشتغل ويا وائل رأسا لكت شغل
- اي مو وائل كال صار عدنا مكان عامل مبطل فاخذها احسن من الكعدة
- هي شوكت اجتي شو مكتيلنا عليها
- مصارت فرصة ولج شو استلمتيني تحقيق
- عههههه لا خالة مو قصدي بس يعني بعدها صغيرة خطية ولوحدها
- مو وحدها احنا يمها
يلة كومو دنام اتاخر الوكت

استلمتني دك تحقيق واعرف بيها غيرانة منها بس جاوبتها خوش جواب حتة تسكت الله يعديها على خير يا رب

كعدنا ثاني يوم الصبح اتريكنا وطلعنا من بيت خالتي مشفت لا وائل ولا داليا بس قررت اراقب وضعية داليا واسال عنها لان ممقتنعة بجواب خالة ومبين ضامين شي
وفعلا قنعت امي انه لازم اسال عليها وما اخلي وائل يطير مني وتلهفة الها

رحت لمكان شغل وائل وسالت عن داليا كالو صارلها سنة وشوية تشتغل هنا سالت عن بيتهم محد يندلة انتظرت يطلعون من الشغل وشفت واحد تعرفت علي وسالتة عنها واكدلي نفس الحجي كتلة اني صديقتها وجنت مارة منا وشفتها صدفة لان شالو من منطقتنا فكتلة اكدر اخذ رقمها اسويلها مفاجأة كالي انه هي متختلط بأحد ومنعرف شي عنها تشكرت منة و راح ورجعت لبيتنا

بحثت على الفيس عن سامي عم وائل لكيتة لان شايفة صورة قديمة الة وهو حاط الصورة المميزة ابو وائل الله يرحمة فعرفتة منها شفت صورة الة ولعائلتة دخلت علي و حجيت وياه واللي فهمتة هو ممنفصل عن مرتة وما عندة بنات اصلا يعني هالشي هم جذب مثل متوقعت

عندي صديقة ببغداد تعرفت عليها مرة جان عدهم سفرة لسليمانية جانو متيهين ووصلناهم للفندق قريب فمن يومها صرنا نتواصل كتلها الموضوع وكالت جيبي اسمها واكدر اسالج عليها كتلها ما اعرف شي عنها واسمها داليا كالت خوش صورة الها اقلها تسهل علية ما طولت بنفس اليوم رحت لبيت خالتي وسويت نفسي دا العب بالتلفون واخذتلها كم صورة ودزيتها لتالا صديقتي

طبعا كلش وائل مهتم بيها و يزيد احساسي بالغيرة من هي تحجي ويباوعلها كلش عيونة فاضحتة
واني دا اضوج من هالوضع صارلي سنين كدامة واتحارش بي ويعرف بية احبة ومع هذا ما يحجي وياية مثل ما يحجي وياها

مراح اخلي يروح لغيري هيج بسهولة اني اعتبرتة معركتي ولازم اربح بيها مو بهاي السهولة اخسر وعلمود وحدة من الشارع ومحد يعرف شي عنها يعوفني ..