شجن

12

#شجن12
Shahd Alsalman
فكرت انه بعد لازم الكى مكان واطلع منا ما اريد اتعلق بيهم اكثر ولا اريد اسببلهم مشاكل وكلت لازم احجي ويا وائل بهالموضوع

جنت افكر اعترفلها بمشاعري بعد ما اصبر اكثر اني احبها واخاف عليها وكل شي بية متلهف الها ولازم احجي وياها واعترفلها دا اريد احجي وياها و هي حجت

- وائل
- عيني
- شوكت راح اطلع منا
- ماكو طلعة منا
- ليش شنو حبستني مثلا
- لا مو حبستج بس هنا امان الج وبصراحة اريد اكلج شي
- شنو
- داليا لا تضوجين ولا تردين بأي شي بس بصراحة
اني احبج وهالشي مو بيدي
- وائل
- اسمعيني اني حبيتج وهالمشاعر صادقة كلش يمكن حتكليلي انت متعرف شي بس ميهمني المهم انت هسة هنا وكدامي و اول مرة ما اكدر اضبط نفسي و ممضطرة تحبيني او تبادليني مشاعر بس لازم تعرفين ويكون عندج علم انه وين متكونين وشتسوين اني بظهرج وما اتركج
- رايحة انام
- داليا لا تزعلين مني الله يخليج
- خلص تصبح على خير

رحت لغرفتي خربطلي افكاري وخلاني كوة احرك احساسي بي واني هم احبة وهو اكثر واحد ساعدني بكل شي بس ما اكدر صعب هو يستاهل الاحسن مني و بنية بنت اوادم
كل شي بحياتي يخجل وما اكدر حتة اكولة

من راحت لغرفتها ندمت حجيتلها بس هي لازم تعرف وتتطمن وتوثق بية اكثر كل الفترة الفاتت اني احاول اعرف منها كل شي بس مكدرت ولا عرفت

اجتنا ثاني يوم سالي جان نظام دوامنا متغير سوو شيفتات واختارينا الصباحي يعني العصر احنا بالبيت كعدنا ع الغدا وهي لازمة جريدة بيدها وتحجي ويا امي واني وداليا طافين من التعب

- اكلج خالة يا ستار شون حوادث هاي تخوف
- خير خالة شكو
- ناس تكتل بلا وجع كلب وبلا مخافة الله
شوفي صفحة الحوادث والمشكلة كلهم شباب وبنات صغار
- الله اليستر يا رب دنيا تخوف

دتحجي واحس حجيها بي هواية معاني ومبين تريد توصل لشغلة معينة ايدي على كلبي لا تكون عرفت بشي دتحجي ويا خالة وتباوع علية

- هاي وحدة همين قبل فترة سمعنا بيها علساس كاتلة واحد ومهزومة هي صغيرة بس شون مجرمة ضاربتة بمسدس وحاركة البيت علي
- اووي اسم الله الرحمن شنو هاي
- اي وديدورون عليها بس محد لكالها اثر
- زين شنو السبب
- والله محد يعرف خالة يجوز مريضة نفسيا الله اعلم حتى هي منتحلة شخصية وغير اسم
- شكد عمرها هاي يمة
- يعني تقريبا بعمر داليا

طبعا افتهمت هي مبحوشة وراية وعارفة شي بس توترت و خفت وضجت من طريقة كلامها
- مو كل واحد يقتل يعني مريض نفسي اكيد عدها سبب قوي خلاها تقتل بهاي الطريقة
- واذا سبب قوي معقولة ما عدها رحمة
- لعد هم همين عدهم رحمة اكيد يستاهل الصارلة
- ما اعرف بس انت ليش عصبية
- اني مو عصبية بس كل واحد عندة سبب وظرف معين
- خلص فضونا سيرة يمة وين صار الاكل
- من رخصتكم اريد اروح انام بعدين اكل
- مدام حار اتغدي وروحي
- لا خالة تعبانة ما بية حيل بعد
- على راحتج يمة
- اني رايحة اغسل ايدي خالة
- اي يمة وبدربج طفي الماطور
- صار خالة
رحت وراها للغرفة لكيتها متوترة وتفتر وتكرض اظافيرها
- شلونج شجن
- انت من وين عرفتي كل هذا
- مالج علاقة من وين المهم شنو اللي يخليني اسكت مو صحيح
- شتريدن
- ما اريد شي شغلة كلش سهلة
عوفي وائل بحالة واتركي هالبيت والا ابلغ عنج
انت هسة على شفا حفرة من النار فلهذا تلاحكي لروحج
نامي اليوم هنا بس ما الكالج اثر باجر ترة تروحين ورة الشمس الشغلة مو هينة والرجال مميت ومبلغ عنج ومطلوبة انت يلة باااي شوشو ..