قلوب من ورق .. للكاتبه دعاء الشمري

الجزء السابع

مرحبا ❤️🌸

سمعتهم يتعاركون هو يكله هيه طفله شلون تخليهه تشوف قميص ابوهه كله دم وغراضه وهيه تكله اني شمدريني غير انت جبت الغراض وشمرتهم حته ما كتلي ضميهم وحجايه منا وحجايه منه علت اصواتهم واتعاركو كام كتله موتهه كتل طبعا اني اول مره اشوف هيج عمري كله ما شايفه هيج كامت تعيط عليه وتحجي تكله تضربني علمود طفله ذاك اليوم جبته هو يكله جبتهه علمود افرحج مو دايما تكليلي انت ما تخلف واريد طفل هاج هذه طفل كلتله يي اريد طفل بس خوما طفل من الشارع اريد طفل من دمي ولحمي كله هذه الموجود تتحملين وغصبن عليج كامت تغلط عليه وتعيط واني بس ساده اذني  وابجي كالتله شوف يفلاح اني اتحملتك هواي بس لهنا وكافي اني رايحه لهلي وبعد مشوف وجهي
طفرت من فراشي وجلبت بعبايته فدوه ماما ابقي والله بعد ما اسوي شي اني اسفه ... اعتذر ع شي ما مسويته لو اعتذر ع قدري لو لو لو .......

دفعتني حيل شمرتني بالكاع وكالت امشي ولي كل المشاكل صارت من وراج  اجه فلاح ضربهه وكله ليش ادفعيه هيه طفله شنو ذنبه على صوتهم حيل اجه الشيخ وزوجته يركضون هاا هااا خير شصاير
كلهم هاي تأذي الطفله وهيه ما مسويتله شي
وهيه تكله شيخ فدوه لعمرك وديني لهلي هذه بعد ما اريده لا هو ولا زبالته الجايبه الي
الشيخ كله استهدو بالرحمان كولي يالله كالت لا ابد لازم هسه اروح ... فلاح كلهم ختولي ودوهه ما اريدهه خابر الشيخ ولد اجه بسياره تكسي اخدهه لمت كل ملابسهه وغراضهه وطلعت بقيت اني ابجي وحاطه راسي بين رجليه اي اعترف اكثر وحده بومه وفكر بهاي الدنيا 💔
اجت زوجت الشيخ وكالت فلاح خلي رجمه تروح تنام يم نور خطيه كاله ميخالف خلي تروح
اخذت صدريتي وكتبي وجنطتي وصعدت يم نور
اول ما شافتني نور شبكتني وكمت ابجي اني وياهه طبعا هيه متعرف على شنو ابجي بس اشوفه تحس بوجعي مع العلم نور عقله جان عقل طفله مو مثلي جنت شايله هموم الدنيا ع راسي نمنه سوه اني وياهه كعدنه الصبح زوجت الشيخ سوتلنه حليب كوه عليه شربت الحليب راحت نور الامه كالت الامه مشطيني مشطتهه وكملت بقيت اني حايره واكفه لا اكدر اكله مشطيني ولا اكدر روح هيج بعدين هيه انتبهت عليه وكالت تعاي حبيبتي تعاي امشطجج مشطتني وكالت هذه شعرج سوي قصير مثل نور لان من تسبحين وترحين للمدرسه تتمرضين بس هيه لان تتتعب متكدر اتمشطه هيج كالت اني افتهمت عليه وكتله لا باجي اني اسرحه وانتي بس ضفري طلعت اني ونور شافنه فلاح جان يشتغل بالحديقه عاف شغله واجاني كله رحومه حبيبتي باباتي ليش هيج ذبلانه كتله لان كله بسبي كال انتي مالج دخل بكلشي وهاي السولف من تكبرين رح تعرفيه وخلي شي بالج انتي بنتي ورح اسوي المستحيل حته اشوفج سعيده ومرتاحه كتله شكرا عمو كام يضحك وكال اشو اليوم عمو
ما جاوبته بس جنت خجلانه من ابويه لان اكول لغير شخص بابا وهو هم ما ضغط عليه
داومنه ومشت الايام وامتحنه ونجحنه للسادس طبعا صار السقوط وصقط صدام وسمعنه دخلو الامريكان وجنه خايفين