قلوب من ورق .. للكاتبه دعاء الشمري

الجزء الرابع عشر

يسعد اوقاتكم بكول خير 🌺❤️

.............
امير
لازم هسه اني اعرف عن نفسي هههههه
مرحبا اسمي امير عمري 27 خريج كليه اداره واقتصاد طبعا جنه عايشن بغداد وعدنه املاك خير من الله بعدين قبل ميصير دخول الامريكان.  2003 سافرنه لاردن لان كالو بغداد رح تسقط بعدين وره سنتين رجعنه اشترينه بيت بديالى واشترينه معارض اني وعمر وطبعا عمر اخويه التؤام داوم بغداد اقسام داخليه وحب ابنيه من بغداد وخطبهه اما اني جنت اضحك ع شي اسمه حب وخرابيط بعدين من سافرنه للأردن تعرفنه ع عائله جيرانه عراقيه وجانت عدهم بنيه تعرفت عليه وحبيته وكلت لاهلي وخطبولياهه ع اساس اني وياهه نسافر الامريكا منبقى بس ربك ما قسم ثاني يوم  بيتهم احترك والعائله كله احتركت بسبب تماس بالكهرباء ولا واحد بقه منهم طبعا تعبت اني بوكته لان جنت كلش احبه ما بقينه بالاردن رجعنه للعراق وره شهر من الحادث بقيت غالق ع نفسي وما اطلع وحته ما عندي اصدقاء بعدين كلت خلص لحد وين ابقه هيج رجعت داومت وعشت حياتي طبيعه صرت مرحله رابعه تعرفت ع بنيه مرحله اولى اول مره صداقه وبعدين صار حب وحبيته كلش اكثر حته من خطيبتي الله يرحمه و كتله بس اتخرج اجي اخطبج مرت ايام والجامعهً كله اتسولف بحبنه يوم من الايام شفته تمشي ويه واحد من بعيد كلت يجوز اخوهه خلي ما اتقرب منه خاف خطيه يأذيهه بعدين شفته يبوس بيه ويلعب بشعرهه ما اتحملت رحت ضربته بوكس بنص وجه فلشته كتله هذه منو كالت هذه خطيبي كتله وج شنو خطيبج كالت يي قبل ما اعرفك هو خاطبني بس ما اجرئت وكتلك ضربته راشدي كل قوتي بحيث وكعت بالكاع ومشيت واني قرفان من البنات ومن نفسي ومن كلشي جنت اتمنى تعوضني عن خطيبتي وحبيته من كل كلبي بس هيه جانت تعلب اهنا واهنا ومنهه وبعد لعبت نفسي من كل البنات ومتسحيل اصدك بوحده واخذت عهد ع نفسي حته لو ازوجت مراح احبه لو اتعلق بيه  وبعدين يلچم كلبي منه وامي ما عايفتني مكرعه راسي شوكت تزوج شوكت افرح بيك
الي اجه اليوم وابويه كال لازم انروح لبيت صديقي الشيخ نسأل عن عائلته بقت وحدهم رحنه لبغداد يم كرايبنه وكمنه نسأل عليهم بالكوه لكينهم خطيه كاعدين بمنطقه شويه تعبانه وبيتهم صحيح صغير بس مرتب طبعا من اول ما فتحتلنه الباب عرفت منو رحمه ومنو نور طبعا رحمه صايره تخبل وكبرانه متغيره حيل عكس نور هيه هيه حته السانه متغير هههههه بقينه نروح ونجي ما اكلكم ما انعجبت برحمه لابالعكس هيه كلش حلوه بس اني مكروص كلبي من البنات بس يعني شسوي اذا بنيه حلوه كدامك غصبا عليك تباوع عليه وتغازله ههههههه

رحمه
وكفت السياره وفزيت كعدت عدلت ملابس باوعت
ياا عزه كله كاعده بس اني جنت نايمه شكد عيب باوعت لكيت امير داير وجه ويحجي ويهً عمر كال عمر هذه بيت خطيبيتي امي هم عازمتهم رح انزل اصيحهمً واجي كالتهم باجي براحتك
كالت نور اهوو رحت تجي هاي العكره سمعه امير ضحك ع كيفك باجي خنزرت عليه
شويه وطلعت مريه هيه وعمر تجي عمره 40 هيج اجت سلمت ع باجي وكالت ميصير لازم تنزلون عدلي بدلي كالت ماكو لازم تنزلون
نزلت باجي وبعده نور بقيت اني نزلت وراهن امير كال ابقه بالسياره انتضركم مصطفى كال اني هم
دخلنه بيت جبير عبالك قصر هههه شاورتني نور كالت مشوفيهه خشمهه شعلوه اثاري اهنا الحجي كتله اهوو نور رح يسمعونه كافي
وباجي صارت ملاك كدامهن اجت خطيبت عمر سلمت بس ع باجي حته ما سلمت علينه  المهم احنه ما اهتميناله بقينه انسولف وانقلد عليه هههههه
بعدين صعدنه صرنه بالاخير كلش اني ونور وكدامنه عمر وخطيبته وباجي ومصطفى سوه وام خطيبت عمر هيه وبناتهه واخوهه هم ولد شاب كعد وياهم صارت ناس فوك ناس وامير يسوق وابو خطيبت عمر كاعد يمهه بس موتنه بس يسولف وامير كلشي ميحجي بس يي يي نور تقلد عليهم
مشت السياره وبالطريق باجي طلعت لفات وتعلم بيهن شلون انسوي شاورما بالبيت وتكلهم  والله اخاف عليهن ما اخليهن يشغلن الطباخ هههههه نور كالت الله يصبرني والله هسه افضحهه كدام العالم واني اكرص بيه سكتي وسكتي بعدين بقن يسولفن جان عدنه ام بي 3 صغير نسمع بي اني ونور واباوع من الجامه امير مطلع ايدهه الجامه صافنه واسمع اغنيه ناسي (معجبه مغرمه)😂😂 وطايره ويه الهوى بعدين انتيهت ع المرايه البره لكيته يباوع عليه ويضحك يبووو والله فشله كبل طببت راسي
نور كالت امداج اتمنى حبيبي هسه يسوق واحنه بسياره والله اكعد يمه بالصدر لو مو مصطفى 👌😂😂😂
كمنه نضحك وهاي كدامنه العوبه  وكل ساع سوي حركات لعمر وما اعرف ايش نور كالت والله رح اكفشه من شعرهه😂
بعدين ناكل حب كالت نور شوفي شراح اسوي
اني عبالي مدري شسوي لزمت الجيس الي بي كشور وثبتت ايده ع الجامه صارت كدامنه سياره حمره بيه اثنين شباب بس ساعه يرحون منا وساعه يجون منا المهم صارو قريبين علينه نور عافت الجيس اجه بالجامه مال سيارتهم كامو يدكون هورن ويغلطون وامير ومطفى وكل واحد مطلع راسه من جامه وامير يكلهم اذا انتو زلم اطبكو ومدري شنو واني بساعته حته كمت ابجي من الخوفه وهاي مغطيه راسه وميته من الضحك ام المشاكل المهم بعدين الرجال ابو خطيبت عمر كلهم عيب وما اعرف ايش وياكم نسوان خطيه امير شافني ابجي سكت محجه شي ومصطفى اندار عليه وكلي شبيج كافي الخوافه ويضحك
المهم وصلنه لبيتهم بالوحده الضهر همه استقبلونه وجانت عشيره يمهم خطار وخوالهم وخالتهم وعمر وامير دخلو بوسو امهم لان همه جانو بايتين بغداد وناس اسلم ع ناس واني مجلبه بيد نور شون الطفل اليخاف يضيع ههههه كعدت باجي اسوالف ولا يمهم زلم ونسوان انو كاعدين سوه ومصطفى اكاعد وياهم
بعدين كال مصطفى كومو رحو انتو يم البنات
كمنه واحنه نمشي ع كيف وخربانين ضحك كتله وج نور هسه وين انولي اخوج منوعاتب عليه وكله صير خير وكومنه هسه وين انروح كالت اووي شبيج عقدتيه امشي اندور حلوين 😂
نمشي ونباوع ع التصميم وع البناء وع الاثاث وصار كدامنه امير طالع من الحمام لابس فالينه تعلاكه وبجامه وحاط خاولي ع راسه اني مادري بعدني اسولف وكرصتني نور وبعدني احجي مستمره باوعت شفته كدامي صاير
يبووو 😣👌
كال هاا ....
وهو يضحك كالتله  نور والله ما ندري وين انروح مصطفى وكومنه 😂
كام يضحك كال تعالن وراي مشنه كدامنه وينشف بشعرهه دخلنه ع المطبخ وجان جبير حيل وطبخات بالكاع هذه ابو عين وحده  وجانت مره جبيره كاعده وملتمات عليه بنات شابات فوك العشرين بنيه وكلهن بعمرنه بس كلش حبابات وبنات عرب يعرفن الاصوال كلهن كامن تلكنه وباوسنه ويشاقن عبالك يعرفنه من اسنين سلمنه ع المره العجوز وبوسناهه وجانت كلش حبابه وحجايته شكد حلوه بعدين لزمت العكازه مالته وتريد تضرب امير وتنعل بيه ولك مشعول الصفه ليش ما تلبسلك شي مصلخ 
حجت وحده من ذني البنات كالتله بيبي عود يكول شوفني جسمي حلو 😂
كله انجبي لج لا بيبي والله توني طلعت من الحمام والبنات صارن كبالي وما يندلن المطبخ واني جبتهن 🤤
كالتله تعال ولك وانت منين تعرفهن
كاله اهووو شيخالصه رايح عمي رايح
طلع من المطبخ والبنات التمن علينه وهاي التشاقه وهاي التضحك وهاي اتسولف ويسألنه ع بغداد  ونور ما صدكت لكت ناس نفس طينته يشاقن ويضحكن صبو الغده النسوان وحد والزلم وحد
بقو نص نامت ونص كاعده البنات نضفن المطبخ كمنه ساعداهن شكد حبابات وهاي المره بيبيتهم عبالك بعمرنه تشاقه ويانه وتضحك بس نص حجيهه ما اعرفه ههههه كلش حبابه مسحن المطبخ وكعدنه ع الكاشي بارد بعدين كامن يتوسلن بنت خالتهن جان عدهه جهاز مال وشم مال تاتو عمود ادكلهن راحت جابته واجت وكامت ترسملهن ويطلع دم  بعدين وصل الدور النه اني كتلهم ما اريد جان نور كالتلهم يي عفيه سويلنه فراشه بس نص ع ايدي ونص ع ايد رحمه واني اكتب اسمه
كتله وج انتي شتحجين كالت سكتي سكتي رسمت بنت خالتهم جانت اسمهه نديمه نص فراشه وكتبت اسمي ع ايد نور رحمه وزغرفته وبقت ادك ونور عاضه ثوبه من الوجع والدم منا ومنا كملت ايد نور كالت يلا رحمه جيبي ايدج كتله شنو ما ادك اخاف والله اخاف
نور كالت اكفر بيج غير اني دكيت اسمج وانتي مدكين اسمي اشرتلهن لزمنهه
هنه لزمني التمن عليه واني اعيط واثنين لزمت ايدي خنكني يمه هيه شغلت الجهاز وابر وتدخل بجسمك واعيط اعيط اجت نور سدت حلكي كمت ابجي من الوجع
بعدين زاد الوجع حيل كمت اصيح باجي اللحكيلي مصطفى بعلو صوتي .....
اجه امير يركض وعمر وامه وباجي شكو شكو
كتله باجي فدوه خلصيني منهن
باجي كامت تعيط ع نور عزه العزاج وج شمسويه بالبنيه كالتله والله الا اتكمل اني كتبت اسمه وهيه متكتب اسمي

اجه امير جر ايدي منهن كاله نديمه شبيج عوفيه انت د اسوين ع ا الوريد وبدون تخدير عوفيه
كالته اهووو شبيك اصلا كملنه مو هاي كلهن دكن وياهه بس هيه خوافه
بقيت ابجي بكل قوتي وجع ما ينحمل وايدي كله دم عاط امير كله جيبين وصله شدنهه بسرعه
اجت نور جابت اقماش وكالت والله مال هسه اكفخج ع راسج. شبيج فضحتينه امداج يي والله

اجت باجي وحجت بسكوت ويه نور كلتله وج انتي الفضحتيني وسودتي وجهي والمره توهه خطبتج مني الامير صخمتي وجهي الله يصخم وجهج انشاءالله

شنوووووو 😳😳😳😳

...........

للحكايه بقيه 🌺😳

انطوني رائيكم شتتوقعون 🤓