قلوب من ورق .. للكاتبه دعاء الشمري

الجزء الواحد والثلاثون

مرحبا
.........
امير
فزيت الصبح راسي ثكيل كوه اتحركت رحت سبحت احس اشويه ارتاحيت
كعدت شويه ضليت صافن وادخن اجت رحمه ع بالي
خرررررب هم اجت ع بالي ربي فدوه شيله من راسي هيه واهله والله متت بقيت ع هاي الحاله طكت روحي ما اعرف شسوي اخذت تلفوني ورحت صعدت بالسياره افتر صار الضهر طلعت تلفوني ودكيت ع صاحبي الي اخذ منه حبوب ركنت السياره ع صفحه ودكيت دكيت ماكو خررررررب الله لايوفقك دمرتني
بقيت اكلب بالتلفون اشويه باوعت اشو مكلامات بيني وبين رحمه لزمت راسي لا يالله هاي شوكت واني ذاك خطي شايله من توفه عمر
تخبلت هااي شنو شوكت معقوله هاي اني داك عليه شوكت اشو ما اذكر
رحت اتأكدت يي رقمي القديم اني خاله بالجهاز بس لا يابه مو اني اشو ما اذكر
خرررب رح تخبل والله دخلت ع رسايله تخبلت بالزايد اني الي داك عليه واني الي حجيت وياهه هيه هم دازتلي بقيت اقره بالراسي جمدتني كلمه تكلي بيه رح ابقه ادعي عليك طول عمري لان ما تعرف انت حوبت اليتيمه شنو
خلتني اعيد حسابتي من الاول
صدك هيه شنو ذنبه هيج يصير وياهه صدك اني واعدته بهواي بس ما نفذت صدك اني مو رجال دمرت حياتي ودمرت حياة اهلي ياربي ساعدني
راسي شوش قفل ما متعلم ابقه هلكد بدون حبايه بقيت اقره بالرسايل شفت مكتوب هيه يم صفوان وتطلب مني اساعدهه ياربي صدوك الي دا اقراهه لو هاي مسويتلي كمين خاف جذابه وين جانت كل هاي المده ليش ما اتصل وحجتلي ليش هسه يلا يي اكيد جذابه لعد
بقت حجايه تاخذني وحجايه اجيبني تخبلت ما اعرف شسوي فريت السياره ورجعت للبيت
لكيت حبايه شربته وبعد ما دريت
.......
رحمه
من كسرت التلفون واني احس روحي الي نكسرت فقدتي كلشي بالحياة جان هو املي يوم من الايام يتصل امير ويساعدني تتصل نور وتجي تاخذني تعبت بمعنى الكلمه نفسيا وجسديا
طلعت بيه ما بيه اسحول بروحي اسحول وصلت للاستقبال بقيت كاعده مابيه حيل اتحرك لحد ما سمعت صوت الباب عرفت صفوان اجه بقه يكلي شبيج وما اعرف ايش امشي اخذج للدكتور ما رديت عليه وكتله عوفني لزم كصتي اني دفعته راسا خفت منه كلي شبيج بس اشوف حرارتج
عافني ورح جاب بطانيه غطاني بيه ورح للمطبخ يسوي حليب شويه واندك الباب
ضليت صافنه وهو هم اتعجب صارلي يمه اربع اشهور ما شفت واحد اجه عليه
جابلي الحليب وكلي هاج لزمي خلي اروح اشوف
فتحت الباب طلع امير
وكع الاكلاص ع رجلي وحار جان يفور وما حسيت بي
اول مره اشوفه بعد ثمن اشهور متغير حالته متغيره شكله يخوف عيونه حمر
ما حجه شي دخل وكعد كدامي
وصفوان اجه كعد بس راسه بالكاع بقه امير يباوع عليه ومصدوم
الكل ساكت ومحد يحجي شي
اني ما اعرف شون اوصف حالي اذا كلت متحطمه يجوز هاي الكلمه اهون صوت ماكو جسمي تعبان ما اكدر احركه حالتي النفسيه متحطمه
فز صفوان ورفع البطانيه عني بسرعه وكلي حركتي روحج شبيج رح يركض بلل الخاولي وخله ع رجلي واني اصلا ما حاسه بشي
رجع كعد صفوان راد يحجي بس سبقه امير
امير
رحمه اني اسف اني ضلمتج وما جنت حاس ع شي بس انتي قدري وضعي تره اني تعبان حيل وصار ثمن شهور لا ليلي ليل ولا نهار نهار تعبان الاخ ما يتعوض وخاصه اذا جان التؤام اني جاي هسه اعوضج عن كلشي صدكيني كومي امشي وياي امشي انروح لبيتنه
صفوان
باوع امير انت اخوي وصديقي بس اريد اعرف شي واحد انت وين جنت هاي المده كله من يوم الحادث لليوم رحمه فاقده صوته متحجي هيه متريدك بعد فروح احسن الك احسن ما يصير بيناتنه غير شي