قلوب من ورق .. للكاتبه دعاء الشمري

الجزء العشرين

مرحبا 🌺❤️
..........

رحمة
نمت بعد ما شربت العلاج وكالعاده مخدتي مبلله من الدموع
فزيت من النوم ابجي من الوجع مال ايدي كعدت نور خطيه بسرعه
نور : رحومه شبيج ليش تبجين بعدهي ايدج توجع
رحمه : يي بعدهي توجعني نامي انتي نامي معليج بيه
نور : لا شون انام يمعوده وانتي هيج كومي رح اسويلج حليب ورجعي شربي من هذه العلاج بلكي تنامين
رحمه : يي يلا روحي عفيه 😞💔
راحت نور واني كل ساع يجي ع بالي الصار ليش هيج سوه وياي بيش اذيته اني

اجت نور وجابت الحليب وشربته وشربت العلاج من وجعي شجيبلي اشربه اكول بلكي يخف الالم

صارالصبح
وكالعاده تفتح عينك على رزايل وغلط وانت كلشي ممسوي
اجت باجي كالت شبيه ايدج ليش شادته كتله زلگت وكعت عليه
يي طبعا توكعن من الخفه مالجن
سكتت ما حاجيته شي واصلا بالي مو يمه ولا مهتمتله
كالت كومن سون ريوك
كالتله نور ماعدنه روحي جيبيلنه بيض من المحل
كالت يي طبعا يخلص وماعدنه اذا اني عندي ابقار بالبيت نص الليل تكعدن تاكلن
نور كلتله الله واكبر منريد زقنبوت احنه تردين روحي جيبي خلي اسوي الج ولمصطفى متردين خلي اكوم اولي اشتغل
لبست عبايته ورادت تطلع باجي وغلط وعياط ورزايل كالعاده
كعد مصطفى ع الصوت وكال بس كللي شوكت نرتاح بهذه البيت كال لباجي يعني انتي جانت غلطت عمرج من خلفتينه وانتي ع نور ما تحترمين لا اكبر منج ولا اصغر وتالي شلون فهمني اهج من هل البيت هذه
كالتله نور يعني شسوي اجت كالت سوي ريوك كتله ماعدنه تكول علينه ابقار وبس تاكلن
كال مصطفى الامه يمه صدك تحجين احنه وين عايشين شنو هل البخل هذه هسه مو دا انطيج مصرف للبيت وكل اسبوع ارجع انطيج مرت الخ فواكه كليلي شتردين كليلي واني انطيج بس لا اسوين هيج لخاطر الله
كالتله يي يي هاي تربايتي بيك تعايرني بالشكم فلس التنطينياهن اني المن اريده غير الكم الم واجمع
اندار عليه مصطفى كلي وانتي شبيج ليش وجهج اصفر وشاده ايدج
كتله لا ما بيه شي
كالت نور شكو تكولين ما بيج شي
باوع مصطفى البارحه هاي زلكت وكعت ع ايدهه والليل كله تبجي من عدهه من تطلع جيبيه حبوب وياك مسكنات من الصيدليه
كال وشكو للصيدليه  امشي كومي بدلي خلي انروح للمستشفى خاف مكسوره شي يسولج اشعه
كمت اني ع السريع لان الوجع ما ينحمل 😣

كالت باجي يي يالمسعده شمسويلته عمود هيج مسطور بيج
صاح مصطفى .. لا اله الا الله وتالي شون

سكتت ما حجت شي
رحت اني ع السريع لبست صايه فوك ملابسي ولفيت الشال هيج شون مجان وكفت انتضر بيه هو هم ع السريع لبس اتراكسوده وطلع كدامي شغل السياره
اجت نور عدلت حجابي
وكالت لا تهتمين لكلامه عوفيه
ابتسمت وعيوني مغوركه بالدموع بس ما ردت ابجي خاف يشوفني مصطفى ونور كذالك عيونه كل دموع بس ما بجت ع اساس قويه وما تهتم بس احنه اضعف خلق الله والحمل ع راسنه يهد جبال ...