قلوب من ورق .. للكاتبه دعاء الشمري

الجزء الرابع

مرحبا
شلونكم انشاء الله بخير 🌸
دعاء الشمري
....................

رحمه
اجه توفيق ويا رجال كعدو اجتي وسن قدمتلهم جاي وكعدو يسولفون
واني وفاطمه واكفين يم الباب نسنط لان نفتهم كلشي صدك عمرنه صغير بس عقلنه جبير وبالاصل الي شفناهه مو شويه خله تفكيرنه يصير اكبر
شويه وصاح توفيق كال فاطمه صيحي رحمه خلي تجي نحجي وياهه
اني مثل السعفه الترجف وين جنت وين صرت قبل اسبوع اني عايشه بين امي وابويه وحياتنه خير من الله
بس شكول الله لا يوفق الي اخذهم مني ويطلع حوبتي بيهم بس لازم اصير قويه واتحمل
اجيت كعدت يم وسن اباوع ناس غربه اخاف منهم اصلا عمري كله ما ملتقيه باحد وحته لو نطلع اني وامي وابويه
اجيت كعدت يمهم
كال توفيق حبيتي رحمه انتي اسمج رحمه ونزلتي علينه رحمه من رب العالمين صحيح امج وابوج اتوفو بس احنه كلنه موجودين تردين تبقين اهنا ويه هاي الاطفال وسن اصير امج واني ابوج وذول كلهم اخوانج تردين انسلمج للميتم واحنه منعوفج نبقه نتواصل وياج دايما ونجيج لو تردين ترحين ويه عمو فلاح همه ما عدهم اطفال ورح يحبونج ويصير عندج ام واب جدد ورح تكملين مدرستج وتتعودين عليهم وانتي بكيفج
اني كمت ابجي وارجف طفله وخايفه وما اعرف شنو مضموملي
اجتي فاطمه كالتله بابا تسمحلي احجي ويه فاطمه كاله تعاي فوتي رحنه كعدنه ع صفه وحده كبال الثانيه همه كامو يضحكون علينه
كالت فاطمه باعي لا تروحين للميتم يشلعون كلبج ويعذبوجً وحته يخلوج تتشتغلين واذا بقيتي اهنا يمنه من اداومين بالمدرسه وتمشين ويانه يكومون الطلبات يكولون ذني لكوهمً بالشارع لان كلهم يعرفونه روحي ويه هذه الرجال ويسجلج باسمه وكليهمً هذه ابويه علمود ميكولون عليج الطالبات جايبيج من الشارع
كتله بس خايفه اروح وياهم
كالت لا تخافين همه حته ما عدهم اطفال اكيد رح يهتمون بيج اكثر من كلشي
هسه احنه حته من نطلع نلعب بالشارع محد يلعب ويانه ومزاعلينه لان ماعدنه ام وابو
انتي روحي وياهم وكليلهم ذول امي وابويه
كتله ماشي
كتله عمو توفيق اني اريد اروح ويه عمو فلاح اني قابله
كامو يضحكون وكالو عفيه بالسباعيه
كال فلاح تعاي بابه تعاي رح اخليج بعيوني وانتي بنتي من هاي اللحضه ورح تكليلي بابا
وسن كامت تضحك وتباوع ع فاطمه وكالتلهم يمه منج شكتيلهه
رحت ويه فاطمه صعدت فوك لبست ثوبي القديم الي اجيت بي وفاطمه انطتني تشيرت مالته وانطتني صبغ اضافر ومشط صغير كلش فرحت بيهن خليتهن بعلاكه ودعت فاطمه وعدتني اذا صار عدي بيت رح تجيني كل جمعه وبعطلت نصف السنه
طلعت وفرحانه طفل ولكه حضن يأويه يعني شتكون ردت فعله
رحنه اني وعمو توفيق وفلاح سوو واراق وما اعرف شنو بالمركز
نوب ودعنه توفيق وشاورني كلي ما رح اعوفج ورح اجيبج يم فاطمه ولا تخافين فلاح رح يصير ابوج بعد

اخذني فلاح للسوك وهو طاير من الفرحه واشوفه يضحك وفرحان اشترالي ملابس واشكال والوان وحلويات قرصات وجوراريب واحذيه وكله نوعين ياخذ