قلوب من ورق .. للكاتبه دعاء الشمري

الجزء الحادي عشر

السلام عليكم 🌺
رحمه : نور روحي فتحي الباب
نور : والله مالي دخل انتي فتحي
رحمه : روحي كولي لمصطفى خلي يجي يفتحه
نور : وج شيفتحه غير بالحمام 😂 يلا رح اتقدم وانتي تعاي وراي
رحمه : يلا تمام واحد ثنين تلاثه 👌😂
فتحت الباب نور طلع ولد ضخم طويل شعرهه عالي احنه وحده لازكه بالثانيه كال هذه بيت الشيخ بيت ابو نور يحجي ويه نور وعينه عليه الصراحه اني هم اباوع عليه بقيت
اشر الاهله بالسياره كلهم يي همه نزلو بس هو عاقج حواجبه وميعجبه العجب حيل مغرور ومتكبر نزل رجال جبير ولد لخ واثنين نسوان اجت المريه باوستنه وكالت ماعرفتوني جاوبته نور كالتله لا والله خاله ولا زغرا بيج تفضلو اشو دخلو جوه دخل هذه الولد وباوعلي بخزره عبالك كاتله ابوهه وراهه دخل الخ بس هذه الثاني يضحك فرفشه ولازمه ايده البنيه
واني بس صوره لا اتحرك ولا احجي
اجه ابوهم بوسنه ودخل جوه ونور كامت دردم ثول ترستي تفال 😂
بعدين راحت دكت باب المحل ع باجي واجت جرتني امشي ولج خلي انفوت لا يطلع مصطفى اجت باجي سلمت عليهم ودخلت يمهم
رحنه انسوي جاي الهم
رحمه : وج نور.....
نور : وجع شكو حضري الستكانات يلا
رحمه : وج هذه امير!!!
نور: يا امير ؟؟
رحمه : وج بيت صديق الشيخ الي ولدهم امير وعمر والله وهو والله عرفته وهذه اخوه عمر وهاي امهم بس كبرانين
نور: عززززه يعني هذه امير الي جنت احبه
رحمه : يي هو والله
نور : اني اعلمه الخاين النذل صار ست سنوات هاجرني وهسه بس يباوع عليج حته ما باوع عليه ولا عبرني هاي بمكان ميحضني ويعتذر مني 😂👌🙌
رحمه : اهدي اهدي اذا انتي كشرتي بوجهه وهو بدون كلشي ما طايقج 😂
نور: انجبي رحمه لا تخليني اروح اكلب القوري ع راسه👌
رحمه : لا عزيزتي طولي بالج ماتسوه والله 😂
نور : يي خلي يولي همزين نسيته وهسه اغاته الي يحبني 🌚👌
رحمه : رحمه عزه منو الي يحبج هذه وبعدين ليش ما كايلتي 😂
نور : ياا شبيج ابن جيرانه هذه الجديد مو اليوم شوفتج يا
رحمه : ياا وشوكت كلج احبج ولج ليش اجذبين 😂
نور : نور هو ما كلي بس اكيد رح يحبني اني احلى وحده بالمنطقه 👌🌚
رحمه : امداج 🙌😂😂
دخل علينه مصطفى وكام يصيح هيي صوجن شعلوه مو ناس جوه غربه
نور : غربه لو هول
مصطفى : وج انتي كلش صايره مستهره💦👌
نور: شبيك مصطفى ذول اصدقاء ابويه من جنه بذاك البيت
مصطفى : يي ادري هسه كالو
نور : يي لعد خلي نطلع نكعد وياكم بعدين مو اكو بنيه بعمرنه
مصطفى : دجيبي الجاي جيبي والتطلع اكسر رجله
نور : عابتلك ✋️
رحمه
نور كامت تحجي لان خربت الطلعه وتحجي وياي وتسولف واني  بالي مو يمه
افكر بامير شكد متغير وصاير حلو بقيت واكفه باب المطبخ وهو بالاستقبال يبين  من الباب بس ميشوفني واصلا مو منتبه نفس طبعه قبل عاقج حواجبه  بس مترفع حيل وحته ميسولف وياهم بس عمر بقه يسولف ويشاقه
نور: ها رحومه وين صافنه
رحمه : شدشوفين وين صافنه يعني دا اباوع عليهم
نور : تباوعين عليهم ولو تباوعين ع امير
رحمه : ههههه والله الصراحه حلو يجذب
نور : عوووع امداج وامده ذوقج مشوفين شكد متكبر
رحمه : يي صحيح متكبر بس بي شي حلو يجذب
بقينه كاعدين بالمطبخ انسولف بعدين سمعت باجي تكول بنات ويجن تعالن ام عمر تريد تشوفجن
كمنه اني ونور و وحده تدفع بالخ وحده تكل للثانيه انتي دخلي كدامي المهم كامت باجي وجرتنه وكامت تضحك هههه يخجلن خطيه
كالتله نور ع شنو نخجل قابل مشسوين احنه
باجي وجهه صار اصفر كالت لا هههههه تقصد احنه اهل ربينه سوه
تعالو سلمو ع خالتكم ام عمر اذكرتوههه
رجعنه سلمنه عليه مرت الخ كالتله نور والله اني الصراحه ما عرفتكم متغيرين ملعوب بيكم طوبه بس خطيه رحومه اذكرتكم وكالت ذول امير وعمر وهاي امهم وابوههم
كرصتهه امه وكالتله بسكوت وج ادبسزز احجي عدل
كال ابو عمر يي والله يابنتي تعبنه مو مثل قبل بس انشاء الله البركه بيكم انتو الشباب
ام عمر كالت رحمومه فدوه صايره عروس تخبل يا صف هسه انتو كتله اشكرج خاله صف رابع هسه احنه
كالت ها لعد هاي ديانه خطيبت عمر سادس اكبر منكم ههههه
باوعنه عليه كالبه خلقتهم ومتكبره ما ادري ع شنو وعمر يتبسم بوجهنه مثل قبل ما متغير بي شي وامير يباوع عليه من اشيل عيني عليه راسا يدير وجه ومصطفى كاعد يخزر بيه بس يريد ياكلني
كالت ام عمر لعد فلاح شخبارهه وشعجب رحمه يمكم
من كالت هيج انكرص كلبي ورجعتني لليوم الي اجينه بي البغداد 💔
جاوبته باجي كالتله خطيه غير هم ضاع ذكره اخذوهه الامريكان ويه الشيخ بقت رحمه وحده قابل نذبهه بالشارع وهيه بنيه خطيه يتيمه النه اجر بيه
بقيت مندكه راسي ودموعي نزلن بحضني وحده وره الثانيه بقيت احرك بايدي وامسح ع كيف حته ميبين شي
كالته نور وشنو الداعي لهل الكلام هذه  ماما  هومنويكول الاجر الج لا والله الاجر اله هيه الصابره ومتحمله هل الحجي منج واذا ع اليتم تره كل احنه يتامه واني حالي من حاله والحمد الله ما انكلبت الدنيا ولا قامت القيامه وكلنه واول وتالي لهل الحفره تره بس الله الجبير
كام امير وكال احنه نترخص
وطلع بدون ميسلم بقتت باجي تمتت متعرف شتحجي سلمت ام عمر وطلعت راح مصطفى وصلهم للباب اني شلت الصينه ورحت للمطبخ بعدني ما مخليته سمعت نور عاطت ركضت لكيته امه مجلبه بشعره وتضرب بيه تكله ادبسزز فشلتيني كدام العالم جان استحيتي اني امج اجيت كتله باجي فدوه عوفي الله يوفقج اجتني دفعه ع صدري وجان وراي ميز مال تلفزيون راس العكس مال الميز صار بضهري حسيت النفس انكطع اريد شويه هوى ماكو ونور بعدهي تعيط وامه ملخته تملخ اجه مصطفى يركض شكو شكو شاف نور نايمه بالكاع وامه تملخ بشعرهه ولا عبالك بنته انكلبت وحش عليه صاح بعلو صوته يمكن الاستقبال اجت توكع يوم شدسوين لخاطر ربج
هيه وخرت من نور راسا بس بقت تغلط عليه وع اهلي وع نور وتعيط اجه يركض عليه شبيج رحمه شبيج كتله ماكدر اتنفس اشرتله راح شالني وكعدني ع التخم ذب ع وجهي مي اجت نور خطيه شعرهه متكطع وخشمهه يجري دم اجت تفرك بيدي هاي باوعت علينه وكالت انشاء الله اثنينجن نفس اليوم اشوفجن بالمكبره ولبست عبايته وطلعت نور تبجي وحايره شسويلي ومصطفى يدور ع السويج مال سياره وماكو ويغلط ويكفر اجت نور كالت رحومه حبيبتي كليلي شيوجع تحملي هسه ناخذج للمستشفى والله اذا صار عليج شي اموت روحي وتبجي وخشمهه كله دم حته تشيرته الابيض صار احمر اريد احجي واحرك جسمي ماكو اريد كله خشمج يصب دم بس ما اكدر انطقهه من الوجع بس حركت ايدي وخليته ع وجهه مسحت الدم من وجه بعدين غوشت عيوني فزيت ع العياط لكيت روحي بالمستشفى ومصطفى واحد يتعاركون هو واحد من الحرس ما ادري شرطه ما اعرف ايش عبالهم هو الي مسوي بينه هيج
وهو يحلف ويتعارك يكلهم حادث طلعتلهم نور وكالتلهم لا مو حادث هاي امنه هيج سوت هيه دفعته ع الميز وهيج صار مصطفى كرص نور وكله روحي جوه مالج دخل انتي اجت نور تبجي وتحجي ع امه وع حضنه اجت الستسر وكالت هاي مو ام هاي مجرمه حته الحيوان ميسوي هيج بزره
دخل مصطفى ما حجه شي بس جاب ابر من بره لان ما موجودات بالمستشفى اطاهن للدكتوره وحته ما باوع بوجهي طلع بقت نور يمي بعدين راحت غسلت وجهه وعدلت ملابسه اجت المضمده حطتله لاسقات وكعدت يمي
بقينه وحده تباوع بوجه الثانيه
وبعدين انفجرنه من الضحك 😂
كتله عود انريد اروح للزوراء همزين ما رحنه 😂👌
كالت يي غير من وره ذول الفكر الي اجو 😢 هاي كله بصفحه وهمزين ما شافني حبيبي بهذه المنضر والله يشرد بليله سوده 😂 نوب كالت عليج الله شفتي شون رزلتهم وهاي خطيبت عمر شفتيهه وجه جنهه چاكوچ 😂
كتله يي انتي ماقصرتي الله يساعد الياخذج امه داعيه عليه كالت يي مثل امي تعدي علينه تكول انشاء الله اشوفجن نفس لليوم بكبر واحد ع اساس الله هسه يكله صدك جذب تدللين هسه اخذهن 😂
دخل مصطفى عليه بقه هيج مسوي 😲😲
كال ولجن انتن متوبن من وراجن باوع وين وصلنه
كالتله نور اهوو تعال تعال اسولفلك 😂
كاله هاج جبتلجن عشه
كالتله تعال اكعد كعدو نور ومصطفى ع الكراسي يمي ونور سوتوتلنه لفاات وكعدنه ناكل وساعه نضحك وساعه نبجي  ع حضنه المصخم ....
طلعنه ثاني يوم الصبح من المسشفى اكو وجع بضهري بس خفيف وصلنه لمنطقتنه قبل منوصل للبيت نور كالت باوع مصطفى والله هاي المره اذا كلت روحي اعتذري منه والله اشمر روحي من السطح واخلص
كله لا لاتعتذرين ولا ابد سكتي راسي يوجعني مالي خلك دخلنه للبيت ما شفناهه كاعده بالمحل جانت راحت نور سبحت نوب كومتني رحت غسلت وساعدتني غيرت ملابس وكالت نامي رح اسوي ريوك واجي اكعدج صدك غفيت وحسيت بين النايمه وبين الكاعده واحد يلعب بشعري اول مره عبالي اتحلم بعدين حسيت عليه هو يمي كوه سيطرت ع اعصابي وبقيت مسويه روحي نايمه بقه يمي شويه وطلع بس طلع فزيت واني ما اعرف شنو الي صار كلبي يدك ع السريع وايدي ترجف وخايفه اجت نور اتفاجئت كالت شبيج كتله مابيه شي اتحلمت
كامت تضحك كعدنه نتريك بعدين كامت نور تنضف كمت وياهه بيه مابيه عزلت البيت ع الخفيف نور ما قبلت بس اني اصريت عليه كنست ومسحت وطبخت ع السريع هيه سريعه كلش بشغله حته اني سريعه بالشغل بس هيه شاطره وبسرعه تكمل حته خبز نخبز اثنيه طبخت وعجنت وكفت تخبز وكفت وياهه اشيلله القببق بس عود هذه كله شقه وضحك ونصنف وناخذ غيبه بالعالم حته ما انحس بالوقت كملنه كعدنه نتغدا اجه مصطفى سلم وكعد ويانه كامت نور صبتله ماعون بقه يسولف ويكول اني اطبخ هيج واني اسوي هيج اني بس ساكته واحاول ابتعد عليه بس هو يتقرب اكثر اجت باجي سلم عليه مصطفى بس احنه بقينه ساكتين هيه ولا همه شي راحت غسلت وصلت صبتله بماعون وكعدت تاكل بعدين راحت نامت
بقت نور تغسل بالاماعين ردت اساعدهه بس هيه ما قبلت كالت روحي طلعي كتبنه هسه جايه اني وراج عفته وصعدت اريد ادخل للغرفه صار مصطفى بوجهي عفته ورحت من غير اتجاه رجع صار كبالي دفعته حيل ورحت للغرفه وقفلته .....

انتضرونا بالبارت القادم 🌺❤️

<<<صديقاتي كنز حياتي لا يقدر بثمن ..>>>
•͙┄✩̣̣̣̣̣ͯ صــــبــــاح ✩̣̣̣̣̣ͯ┄•͙ 🦋
♫･*:.｡. .｡.:*･نوال･*:.｡. .｡.:*･♫ 🌿
♥•♥ ☜حوراء☞ ♥•♥ 🍒
•♥•♥•♥•♥ ☜رحمة☞ ♥•♥•♥•♥•♥• ✨🌟
♩.♬.¸¸¤جــــوجــــة¤¸¸.♬.♩🔶🔹
☆❃──❋Ꭸ ᏝᎧᏉᏋ ᎽᎧᏬ❃──❋☆ ❤️😘