مرحبا حبايبي 😍❤️🌺
...........
رحمه
نزل عينه بقه يباوع ع شفتي وغمض عيونه ع النص شال ايده ولزم خدي ع كيف وباسني 🙈❤️ بقيت مندمجه ويا ومغمضه عيوني ابتعد اشويه وكلي مصطفى هم باسج
فتحت عيوني بسرعه ودفعته
بقيت مدنكه وراسي بالكاع وهو كل ساع يعيد نفس السؤال
اخر شي عطت عليه كااافي رجعني للبيت
هزني من ايدي حيل وكلي مو كتلج لا تعلين صوتج
اني طبعي هادئه بس ما ادري بساعته ليش انفجرت بوجهه
كال كافي لا تعيطين امشي ارجعج للبيت كتله لا خلي اسولفلك عمود لا تسألني مرت الخ
يي مصطفى مره تهجم عليه وراد يبوسني وبس اني بقيت ادفع بي ارتاحيت هسه يلا امشي رجعني كال ماشي امشي
صعدت بالسيارت بقيت ساكته ما حجيت شي بس دموعي ما سكتن بقيت ابجي ابسكوت
قبل ما نوصل لمنطقتنه شخط السياره حيل وكفهه وضرب ع الاستيرين وعاط كااافي تبجين
خليت اديه ع وجهه خفت عبالي يريد يضربني وبقيت ابجي بصوت عالي واشهك
كال كافي رح اكفر كافي تبجين اسف والله اسف وحضني حيل خله وجهي يم ركبته وبقه حاضني بقيت اشتم بي اجيت اغفى هههه 😍🙈
باسني براسي وكال هاج شربي مي وارتاحي علمود ميعرفون شي وهمه ميصدكون تخرب
كتله ماشي مسحت دموعي وشربت مي ارتاحيت شويه وبعدين كام يضحك عليه وصلنه للبيت ودعته ودخلت جوه قبله صعدت للغرفه اجت نور تركض ها ها سولفي شصار
كتله انطيني نفس
طلعت ام عمر وباجي ودعتهم وراحو
رحت بدلت وغسلت وجهي
كعدت اني ونور وسولفتله ع الصار كالت انتي غبيه شون اتكليله مصطفى هيج سوه كتله لعد شنو تردين اجذب كالت يي جذبي كتله مو بيدي ما اكدر
بعدين كالت بس يلا خلي يعرف كلشي معليج بكلامي زين سويتي لا تبدين حياتج بالجذب
نمنه ثاني يوم الصبح كعدنه متاخرين لان البارحه تعبانين
بعدنه نتريك ودك امير كال جهزي روحج العصر اجي اخذج
كتله خاف باجي متقبل كال معليج خليه عليه
كتله ماشي
كمنه اشتغلنه بعدين اجن نسوان جوارينه علمود يباركولي ومن عدهم المره ام محمد حبيب نور 🌝
نور من شافتهه كامت تكمز كل ساع مسويه شكل وجايه تقدملهم
اجت كعدت يمي كتله وج المره اتنخمت كل ساع جايبتله شي وموكلته
كالت نور ولا يهمج هسه اشيله وادك ع ضهرهه 😂🌚
اخ بطني متت ضحك عليه الخبله 😂
بعدين المره جديده متعرفنه كالت ام مصطفى اشو رحمه متشبهكم ؟
رادت تحجي باجي بس نور سبقته وكالتله يي منشابهه بالشكل بس بلاطباع نشابهه
كالت المره هاا فدوه الله يحفضجن
بقت باجي تخزر بيه تتمنى تكوم تاكله ههههه
صار العصر
رحت كلت لباجي امير يريد يجي ياخذني كالت مالي دخل بيج وين مترحين روحي حجته بعصبيه ☹️😢
بعدين كالت لنور امداج وامده حضج شوفي شون وكعته بيش احسن منج
شحجي .....
شكول ......
صعدت للغرفه وحاولت ما ابجي واخنكً العبره بصدري طلعت ملابسي احضر بيهن اجت نور صعدت
نور: رحمه امانه لا تضوجين 😢
رحمه : ما ضايجه خلص اتعودت 💔
نور: يي هيه تدرين بيه عقله صغير مالج دخل
رحمه
ما دمعت بقيت خانكه الحصره بكلبي اجت نور كالت تعاي اخليلج مكياج كعدت كباله
اجت ركضت عليه وشبكتني وبقيت ابجي بحررركه ليش هيج نور ليش
بقت ساكته ما حاجتني 💔
كمت غسلت وجهي
خليت ثلج ع عيوني علمود يروح الاحمر البيهن
بدلت شي بسيط قميص رصاصي بسيط وبنطرون وشال اسود
شويه واجه امير وكف بالباب وسلم ع نور وكال شكو شبيجن صاير شي كالتله نور لا يمعوده قابل شصاير
بس جننه ننتضرك من زمان واشرتلي بيده 💔
صعدت يمه لزم ايدي ابتسمت بوجه ودنكت
(اصعب شعور تتحمل ذنب انت ممسويه ومجبور تصنع الابتسامه رغم الدمعه الي بعينك )
امير : حبيبي شبيج ليش هيج ضايجه انت عروس لازم تفرحين
رحمه : لا ع شنو اضوج اصلا فرحانه والله
امير : لعد ليش تبجين
رحمه : هههه شوكت بجيت
مد ايده ع خدي ع كيف ومسح الدمعه النازله ع خدي 💔
كتله هاا لا ها عيوني بيهن حساسيه من الكحل خليت اديه ع وجهي
تحسر ومحجه شي بقه ساكت ويسوق
بقينه ساكتين
اجرئت قطعت السكوت
كتله شوكت نعقد محكمه 🙈
ابتسم بوجهي كال باجر الصبح جهزي نفسج ساعه ب 9
لان بعدهه اروح للديالى اروح اجهز بعد
ضحكت وكتله انشاء الله
كتله وين ماخذنه
كال انزور الامام الكاضم
كتله لعد جان كتلي اجيب عبايه يجوز ميقبلون
كال ليش لعد الا عبايه
كتله يي ليش انت متعرف ههههه
كال لا والله ليش اجذب عليج مزاير قبل
البارحه كلي صديقي روحو اول شي تسوهه تزورون الامام الكاضم وتطلبون مراد منه
طبكنه السياره بالكراج ولزم ايدي وبقينه نمشي
اشترالي عبايه ولبسنياهه وكام يضحك كلي تخبل عليج 😍
بقينه نمشي ع كيف
كال تعاي من هذه الطريق
أنت تقرأ
قلوب من ورق .. للكاتبه دعاء الشمري
Romansaقصه باللهجه العراقيه ' تحكي ان هناك صديقتان احبو نفس الشخص لكن لمن سيبقى وما هيه النهاية ...قصه رمانسيه جريئه لا تناسب البعض
