قلوب من ورق .. للكاتبه دعاء الشمري

الجزء الثاني

مساء العافيه عليكم ❤️😽

للكاتبه ( عاء الشمري )

رحمه
صحصت امي شويه وكامت تبجي وتلطم ع وجهه وابويه يسكت بيه ..
سرور: الله يوفقك خلي اروحلهم ندخل اشوفهم

ابو رحمه : لا مستحيل سوي مثل وعدتيني يلا حبيبيتي خلي نرجع لبيتنه وللحياة احسن لخاطر هاي الطفله

سرور: حباب الله يخليك خليني اشوف امي رح اتروح مني واني ما شايفته والله اموت تبقى حسره بكلبي طول عمري عادي روح انته ورحمه وخليني اني اروح اشوفهه وحدي حته لو ينتقمون مني بس اني بس هسه اكيد نسو صار عشر سنوات اكيد رح يسامحوني

تقدم ابويه وباس امي من راسه وكله هاي هيه التردي يصير كالتله عوفني وروح كاله لا مستحيل نموت سوه ونعيش سوه

رحنه لبيت جبير عبالك قصر يصير بكد منطقتنه الي بخانقين مرتين هههه وصلنه شفنه اثنين واكفين بالباب لابسين اسود ضخمين احنه رحنه وكفنه ع صفحه تقدم بابا حجه وياهم دخل واحد منهم شويه جوه وبعدين طلع كال دخلو
دخلنه وامي وابويه يمشون ع كيف واحد يباوع بوجه الخ واني فرحانه ولازمه الكارتون الي بيه دجاجاتي ودخلنه امي تعرف الطريق فتنه بمرر جبير بعدين دخلنه بغرفه جبيره حيل وبيه سرير جبير حلو ذهبي ونايم عليه رجال شايب راحت امي تركض عليه وتبوس بيه وبايده وتبجي وهو هم يبجي وره اشويه دخلت مره جبيره بس تعبانه لابسه اسود ولازمه عكازه بيده وتمشي ع كفيف شافته امي من بعيد وراحت تبجي ع رجليه وهيه المره كعدت بالكاع ويحجون حجي ما افتهمه بس اني من اشوف امي تبجي وحدي اكوم ابجي وياهه
اجه ابويه باس راس المره الجبيره وكعدو والكل يبجي اجتي ماما جرتني وكلتلي تعاي سلمي ع بيبي المره جرتني وباستني وتبجي وتكله تبشهج يمه تخبل ليش يمه ليش حارمتنه منه هاي السنين كله نوب بابا كلي تعاي سلمي ع جدو رحت سلمت وبقيت كاعده يم ماما والكل يسولف

اشويه ودخلت علينه عاصفه الله لا يوفقهم 💔

دخلو اربع رياجيل لازمين اسلحه سحلو ابويه كدامنه ولزموهه موتوهه كتل وامي كذالك بقو يدفرون بيه وبيبي تجي منا وتروح منا توخر بيهم بس متكدرلهم
وبعدين واحد جر اسلاح وصار يضرب ابويه طلق تقريبا عشر طلقات واني ارجف من الصوت وخالتله وره الميز امي شالت روحه وشمرته ع ابويه وتعيط اني بس ارجف واحس كلبي يوجعني كام كد ما يدك حيل ورجليه ايرجفن اباوع ع السجاده الي جانو فارشيهه لو بيجي صارات لون احمر من الدم امي وجهه كله دم وتعيط وبيبي هم يعيطن وابويه اباوع عليه راسه ازرف ازرف معانيه ضاعن
😔💔
شكد صعب هذه المنضر ع طفل عمره تسع سنوات دم صوت طلق على اعز شخص عندك واصلا ما تعرف بالدنيا غيرهم همه الاثنين.

اجوي اثنين رياجيل سحلو ابويه من رجليه وشالو وشمروهه بره
اجه واحد لخ سحل امي من شعرهه اجيت اني اضرب بي دفرني ع بطني وشمرني امي اجت تعيط وكومتني سحلو امي سحل واني مجلبه بثوبهه دخلونه بمخزن شمرونه وقفلو علينه بقينه يومين لا اكل ولا شرب واصلا اثنيه مو بحال الاكل نبجي اني وامي على ابويه وامي ساعه سكتني وساعه تبجي وياي
مر ثالث يوم اضهر اني نايمه بحضن امي سمعنه صوت الباب ينفتح اني خفت كمت ختلت وره امي
دخلت علينه الخدامه الي اول مره ضيفتنه
كالت يلا بسرعه بسرعه كامو اطلعكم منا طلعنه من الباب الخلفي للخدم نركض ويانه الخدامه مشينه مسافه بعيد على البيت وبعدنه نركض بعدين وكفنه يم محل صغير راحت الخدامه اشترلنه عصير وشربت بس امي ما قبلت تشرب