مرحبا 🌸
رحمه
مر الاسبوع وجان بوكتهه عدنه متحانات وباجي تاخذنه واجيبنه ع اساس هيه رح تحمينه 😂
وكالعاده نجي نرتاح وبعدين نسوي معجنات ونلف كبه وبعدين ندرس وباجي منشوفهه نهار كله بالمحل وجان المحل الا باب خارجيه ع الشارع صير
مر يوم وثاني يوم وكالعاده دوام وشغل
مره كعدت الصبح للصلاه طبعا وجان عدي متحان مئجلته لذالك اكعد وحدي ونور تبقه نايمه كعدت غسلت وجهي وصليت كلت خلي انزل جوه احضر ريوك لباجي واتريك وياهه اجيت شفته تقره قران صبحت عليه وبست راسهه رحت للمطبخ خليت القوري ع النار ودا احضر بالكلاصات اخليهم بالصينيه وخليت بيهه ماعين
سمعت باب الحمام انفتح وطلع صوت واحد يمشي كلت لااا مو معقوله دا اتخايل اشو نور ونايمه وباجي تقره قران
ما حسيت واحد لزمني من صفاحي هيه كرصه وهيه عيطه كلي مفاجئةةةةةةةة 😟😟
عطتت عيطه يمكن هزت المنطقه هز وكعت الصينيه من ايدي والماعين والكلاصات تفلشن
اجت باجي وتصيح شكو شكو ولج اني ارجف ودموعي يصبن
مصطفى
مرحبا اعرفكم عن نفسي اسمي مصطفى عمري 28 جنت بأمريكا ادرس واخذت الماجستير واستقريت اهناك ورجعت علمود امي واختي لان وحدهن
اجيت من المطار ساعه اربعه ونص وصلت لبيتنه دكيت الباب ردت اسويهه الهم مفاجئه وبالفعل فتحتلي الباب امي وكامت تبجي وتعيط حضنته وسلمت عليه وبقينه انسولف اشويه وبعدين كتله يوم تعبان اريد انام كالت يي يوم اسبح ونام رحت سبحت وجان الحمام داخل البيت من طلعت شفتت طقطقه بالمطبخ كلت هاي اكيد نور مشيت ع كيف لحد ما صرت وراهه ودغدغته من صفاحه 😂 كتله مفاجئه توقعت رح اتعيط بس مو هيج كامت تعيط وتبجي والماعين وكعن من ايدهه واتكسرن من اندارت عليه طلعت مو نور اني من الفشله مدري اضحك مدري ابجي 😂
مصطفى : اسف والله عبالي نور ما قصدي هيج اخوفج
ام نور : واذا نور يعني هيج اجفل البنيه انت خبل شبيك ليش متبطل اسولفلك
مصطفى : ع كيفيج عيني هسه احنه اسوينه هيه حساسه زايده
رحمه التفت شفت واحد ضخم اطول مني واكف ويضحك اني بس ابجي وارجف وكلبي حسيته رح يطلع من حلكي منا الخوفه ومنا الفشله اصلا اني صايره بيه كمزه من زمان من انكتل ابويه كدامي من كلشي اخاف وارجف
دنكت بقيت الم بالكزاز كالتلي باجي عوفي اني المه من الفشله حته ما سلمت عليه كبل ركضت صعدت فوك كعدت نور ادفر بيه
نور: ياستار من صباحيات الله شبيج شبيج شكو
رحمه : كومي فدوه كومي خلي انام بمكانج
نور : هاي شنو شبيج دتبجين من الصبح شكو صاير
رحمه : اخوج 😞
نور: طفرت واني كفشتي من الفراش شبيج اخويه احجي ولج شصاير
رحمه : مصار شي جوه
نور : طفرت كمت ع حيلي وين جوه ولج انطيني جمله كامله خبلتيني
رحمه : شبيج اخوج جوه اجه
نور
بعدهي ممكمله جملته رحمه كبل نزلت اركض وابجي مشتاقتله صار شكم سنه ما شايفته لكيته يمشط ع المرايه اجيت حضنته وابجي وهو هم يبجي
مصطفى : نواره حبيبيتي كبرانه مشتاقلج ولله
نور : مو بكدي والله ليش هيج عايفنه وحدنه وبابا هم عافنه
مصطفى : لا تكولين هيج انشاء الله يرجع واني رح ابقه استقر اهنا ما ارجع
نور : دنجب لا هم عوزهه ترجع
مصطفى : هاي عليمن ولج اني اكبر منج ليش متحترمين
نور: اسفه والله اسفه متعوده ع رحمه اكله هيج دايما 😂
مصطفى : رحمه منو ولج ؟؟
نور: رحمه اختي شبيك ليش مشفته جانت كاعده كبلي
مصطفى : اوووف بس لا هاي البنيه الكمزته 😂
نور : لا برك واني اكول شبيهه تبجي اثاري انت مخوفه لا يمعود ع بختك هاي خطيه بيهه خوفه ومن كلشي تكوم ترجف وتخاف
مصطفى : ما ادري والله عبالي انتي 😂
نور: شبيك لعد ما ميزت بيني وبينه
مصطفى : دنجبي لعد اني وين شايفج
نور: حته لو مشايفني لازم اتميزني من ريحتنه
مصطفى : انجبي لج اني جلب شنو 👌😂
نور : يلا كوم اتريك 😂😂
رحمه
رحت نمت بفراشي وبعدهي الخوفه بيه حته ما قريت واريد اذكر شلون شكله ماكو طار من بالي سمعت صوت ع الدرج كلت اكيد هو غطيت راسي ونمت اجتي نور كومي اتريكي كتله ما اريد ما اشتهي اريد انام كالت مو امي ضل تحجي كلمن يترك وحده كتله ما اريد روحي كالت لا تخافين مصطفى صعد نام تعاي نتريك ونروح للمدرسه تره بالسبعه بعد ما انلحك صدك اني طفرت من الفراش بدلت ورحت
طلعنه وصلنه للمدرسه وكالعاده كعدت اقره قبل الامتحان ونور عافتني وراحت ويه صديقته صافنه اقره واذكرت ضحكته انتبهت ع روحي استغفرت ربي وكعدت اقره شويه وهم اجه ع بالي وهم حسيت واحد لزمني من صفاحي كمزني بس صدوك خفت وحسيت كلبي رح يوكف التفت شفته نور وصديقته بقيت اعيط عليهن
خلص الدوام رجعنه للبيت وكالعاده شغل وتنضيف
كالت نور هاي اخر شي تعاي نكمله علمود اليوم انروح للسوك كتله ماشي
كعدنه ع الميز اني ضهري ع الباب ونور كبالي ووكلعاده شقه وضحك صوتنه عالي متعلمين لان وحدنه
شويه وسمعت صوت خشن هاي شكو شكو بعصبيه حجاهه ليش هيج صوجن عالي هاي يوميه هيج موو
كلتله نور لا يابه شنو يوميه بس هسه هيج ضحكنه وبعدين انت شنو تحاسبنه انت شكو كله مو اجي هاي شعراتج اشلعهن اني بس ساكته ومدنكه كالتله بعدين ميصير تدخل هيج لازم تستئذن بالبدايه كله ماكو فرق كلجن بناتي
رحمه ... اني سمعت اسمي احس رجليه يرجفن ما متعوده ولد يحاجيني
كلي اني ادري الصبح خوفتج بس عبالي نور
اني بقيت سااكته ما حجيت شي
نور كالتله عااادي ولا يهمك مصار شي
كله انجبي انتي ما حاجي وياج اني
كالتله مو هاي خرسه متحجي 🙄
وللحكايه بقيه ❤️
أنت تقرأ
قلوب من ورق .. للكاتبه دعاء الشمري
Storie d'amoreقصه باللهجه العراقيه ' تحكي ان هناك صديقتان احبو نفس الشخص لكن لمن سيبقى وما هيه النهاية ...قصه رمانسيه جريئه لا تناسب البعض
