قلوب من ورق .. للكاتبه دعاء الشمري

الجزء الثاني عشر

مرحبا 🌺
رحمه
دخلت للغرفه وقفلت الباب ع السريع وكعدت ارجف وخايفه وما اعرف شسوي وما ادري مصطفى شيريد مني ما معقوله يحبني هو جان بامريكا واشكال والوان كدامه وبعدين هو اكبر مني بهواي واني صغيره ما معقوله يحب وحده هيج وحته لو يحبني وعنده مشاعر حلوه الي منو رح يقبل نزوج باجي بدون كلشي مطيقني صارت ابتعد عنه احسن ما صير سالفه واني منو يوكفلي لا عندي عم ولا عندي خال
بقيت الوم بحضي وقسمتي ساعه اكول لو ما جاين لبغداد جان اني هسه بين امي وابويه مدلله وساعه اكول وكالتيني خوالي ويه ابويه ولا هل الذله هاي بعدين ارجع واستغفر ربي واكول لا اعتراض ع حكم رب العالمين لو ما الله لطف بيه جان هسه اني افتر بالشارع همزين الله عوضني باخت تغنيني عن الدنيا كله ❤️
شويه سمعت الباب  مال الغرفه يدك حيل
كلت منو
نور كالت اني وج فتحي الباب ليش قافلته
فتحت الباب كالت شبيج شكو صاير شي كتله هاا لا مصاير
كالت اكو عندج حجي سولفي شصاير
كتله ما ادري
كالت احجي كتله مصطفى 😣
كالت لا تكملين عرفت اصلا من البدايه عرفته
كتله لا تحجين عليج الله الاي واحد بس خايفه منه حيل ما ادري شيريد مني
كالت لا تبقين وحدج وهو ما معقوله يسولج شي بس يجوز معجب بيج لو يحبج
كتله ما ادري واني هم ما اريد احبه واتعلق بي وادري ميصير الي ولا اني اصير اله لان باجي ما طايقتني
كالت يمعوده عوفج منه وخلي نكعد نقره ولا تخافين مراح يأذيج بس يجوز يحبج
كتله ما ادري الله كريم بعد
كعدنه نقره صارت الضهريه نمنه شويه بعدين صار العصر وكالعاده الروتين مال كل مره مصطفى طلع ويه اصدقاء اجت باجي من المحل ودخلت تحجي ودردم لان ما اجينه اعتذرنه منه وبعدين صلت وكملت لبست عبايته وطلعت اجيت كلت
رحمه : اكلج نور باجي وين راحت
نور: اهوو شمدريني اني بيه وين متروح خلي تروح هفففف
رحمه : نور شبيج لا تحجين هيج والله حرام مهما مايكون تبقى هاي امج
نور: هيه هاي ام بربج هسه صار ساعه تغلط وتحجي ع شنو شمسوين احنه وبعدين لو اعرف ليش هيج فجاة تغيرت ما جانت هيج هيهً
رحمه : ميخالف حبي الله كريم الله كريم
نور: رح اگلي طماطه تاكلين
رحمه : يي اكل
خلصنه عشه  دخلت باجي وكامت تعيط عباله ممسويله عشه لان نور جانت ضامتهن بالفرن سوت اله وللمصطفى
كامت تحجي الله ياخذجن من بنات بس مال اكل ونوم واعلف عليجن وووووووو وبقت تحجي
عفناهه وصعدنه ما حجينه شي بعدين سكتت فجاة كالت نور ههههههههههه لكت العشه وهيج سكتت

كعدنه بالغرفه شويه وطفت الكهرباء  طلعنه بالسطح وجان قبل السطح السياج  مالته ناصي ويصير مقابلينه ذول الناس النزلو جدد بقينه انسولف وناكل حب ونحجي باجي طلعت يم جيرانه بالباب كعدن واحنه بقينه انسولف ما انحس الاضوه ساعه يصير عليه وساعه ع نور باوعنه شفنه الضوه جاي من السطح المقابيلنه  كتله كومي خلي ندخل جوه كالت ما انجبي وكعدي وج هذه نفسه الولد كتله ولج خاف موهو وكالت والله هو وج اني ما صدكت اشوفه تعاي كعدي وانجبي سوي روحج ما منتبهه
بقه يشعل ويطفي بالضوه مالته ما ادري احنه ونور وحده تباوع ع الثانيه ونضحك بعدين راح
كالت نور هاا الفكر من وراج ومن وره الح ماتج انهزم راح 😂
بقه خمس دقايق هيج رجعت نور شعلت الايت مالتنه وضوت ع سطح مالتهم رجع هو ضوه علينه بسرعه بقه يشعل ويطفي كتله وج نوركافي تعاي كعدي
كالت دنجبي لو ما عيب جان رحت عبرت عليهم هسه بعدنه نحجي سمعنه صوت مصطفى جوه يسولف ويه امه كبل رحنه نركض دخلنه بالغرفه وقفلناهه
شويه وسمعنه صوت مصطفى يصيح نور رحمه وينجن تعالن
نزلنه كال تعالو جبت داطلي تعالن اكلن كعدنه ناكل اجت الكهرباء بقينه نباوع ع التلفزيون بعدين صعدنه نمنه
بس اكو وجع بضهري ما حجيت اصلا منو يهتم بس نور خطيه تنقهر مابيدهه شي كعدنه ثاني يوم دوام ونفس الروتين

مرت الايام وصار موعد االامتحانات قربت
ومصطفى كالعاده عينه ميشيله عني ويبقى يتقرب مني ويسوي حركات بس اني دايما مبتعده عليه
صار ثاني يوم وصادف عيد الام رحنه للمكتبه واشترينه هديه نور اشترتلهً كتاب مال ادعيه واني رحت للسوك اشتريتله قطعه اقماش وفوطه وغلفناهن مصطفى اشتراله محبس جانت هيه تخلص اليوم كله بالمحل راح جابنه مواد مال كيك وعصاير ونفاخات كعدنه اني ونور سوينه كيك وحلويات واجه مصطفى زين الغرفه مالته من اجت انطيناهه الهدايه فرحت وحته كامت تبجي وصالحناهه
مرت الايام وبدت امتحاناتنه وجانت هاي اصعب فتره شغل وتنضيف ودراسه جان مصطفى يكعد يساعدنه ونكعد نقره ومرات يشرحلنه المهم عدت وبقه اخر يوم امتحنه ورجعنه الضهريه حاره تموت
لكينه تكرمون احذيه بره باب الاستقبال ويصير كباله المطبخ ويم المطبخ مغسله وحمام دخلنه جوه كتله وج نور يمكن عدنه خطار كالت لا ولج يا مطي يطلع بهل الحره منو الي رح يجيج انتي والله بطرانه دخلنه لكينه عمر وامير اديهم كلهه دهن مال سياره ويغسولون ع المغسله
عمر طك من الضحك وكام يضحك بصوت عالي وحته امير باوع ع عمر وضحك قليل نور كبل انهزمت الاقرب غرفه وهيه جانت هيه غرفه مصطفى وسدت الباب ع السريع
اني بقيت واكفه بمكاني ما اعرف شسوي بس كلت السلام عليكم بس عمر جاوب كال وعليكم السلام هلا رحومه شلونج جاوبته كتله الحمد الله امير باوع عليه ودنك بقه يغسل عمر كال بس جيبيلي تايت لان هذه الدهن ميوكع بالصابون رحت جبت تايت اخذ عمر وبقت العلبه بايدي لا اكدر ارجعه ولا اكدر انطي الامير ههههههه غسل عمر وراح
تقربت مديت العلبه الاله مد ايده واخذ وبقه يباوع بوجهي ومبتسم ابتسامه خفيفيه اني بساعته اجيت اوكع من طولي 👌🙈
دنكت ورجعت ليوره بقه هو يباوع عليه تقرب من يمي كمت ارجف اني كلت هذه شراح يسولي مد ايده واخذ الخاولي من وراي كلي بصوت ناصي بعد لا اطلعين بالحر روحي غسلي وجهج

دخل مصطفى كله هاا ابو الشباب اليوم تعبتك والدنيا حاره بس تدري اني ما اعرف بالسيارات هلكد
كله امير لا صدك جذب تدلل
باوع عليه مصطفى تفاجاة بوجودي مشه امير وراح وراهه مصطفى واشرلي بمعنى اني اعلمج
رحت اركض دكيت الباب ع نور وفتت كتله ع الي صار ما صدك كالت وج امير حجه وياج كتله يي والله هو هيج كلي كالت والله لو ما اعرفج مجذبين جان مصدكت هذه المغرور يتحاجه 😂
كتله بس مصطفى كالت شبي مصطفى كتله عصب واشرلي كلي اني اعلمج كالت لا يمعوده عود شيرد يسويلج خلي يولي 😂

صبينه غده وتغدو بقوو شويه وره الغده نوب طلعو
بقيت اباوع من الشباك مال غرفت مصطفى اشوف امير يباوع ع المطبخ ويتلفت هيج وهيج
هههه لا رحمه مو هل لدرجه جذبتي جذبه وصدكتيه شنو معقوله انعجب بيه
اجت نور وكالت هااا البارحه اضحكين عليه وتكليلي بس اشرلج صرتي خبله لعد هسه انتي بس حجه وياج حجايه هم صرتي خبله وتحجين ويه روحج ههههه 😂
طلعو همه ومصطفى هم طلع نمنه الضهريه شويه وارتاحينه خلصنه امتحانات هههههه
كعدنه العصر باجي راحت للمحل ونور دخلت تسبح نزلت جوه اعزل بالبيت واشيل بالفراش اريد امسح
دنكت اريد اشيل الفراش شلت راسي لكيت مصطفى بوجهي 😳
...........
للحكايه بقيه 🌺
شنو رائيكم ؟!!!