قلوب من ورق .. للكاتبه دعاء الشمري

الجزء التاسع

يسعد اوقاتكم بكل خير غوالي ❤️

رحمه
بقيت ساكته والولد صافن عليه منتضر الرد مني 😂
بعدين اتشجعت  وكتله عادي ومصار شي
مر اسبوع
واني ابد ما التقي بمصطفى يوم من الايام كلنه الاباجي انو اريد روح نشتري مواد احنه جذب كل جمعه لازم انديح بحجه اروح نشتري مواد 😂
بالكوه قبلت كالت عندي خياط وما اعرف ايش بس بعدين نور قنعته كالت ماشي رحنه نركض ع الدرج انبدل ونتناكر وكأي اخوات عادي ساعات نتعراك وساعات حبايب
نور: رحمه والله لو تموتين متلبسين هذه انتي كلتي ذاك اليوم انطيني قلم الحمره وشوكت ما تردين لبسي من ملابسي
رحمه : انجبي نور اخذي كلشي الا ملابسي عوفيهن انتي الشي التلبسي بعد اقري عليه السلام 😢
نور : والله ماااا معليه الاتفاق يبقى اتفاق
رحمه : لا فدوه عوفي الله يخليج الله يخليج ...
ام نور : والله خمس دقايق اذا ما نزلتن بعد ابطل ما اروح
رحمه :هاج لبسي بس فضيني 😂🌚
نور: من الاول صيري ادميه جيبي 😂🌝
رحمه
نزلنه نركض ع الدرج عبالك صارت هزه ارضيه
طلعنه باجي تمشي كدامنه ونور اسوي حركات وراهه جان تلفت عليه وخزرته متتت ضحك عليه جان تكوم تبوس بيه المهم طلعنه نمشي شفنه سياره حديثه واكفه بالباب بقينه متعجبين عبالنه اجونه خطار
باعوت لكيت مصطفى واكف ويا اثنين ولد اشرلنه وخزرنه يعني طبو جوه بقينه جوه تقريبا عشر دقايق دخل مصطفى وكال هاا خير وين رايحات كالتله باجي ريد انروح للسوك كال تعالو اوصلكم
كالتله نور جذذذذب هاي السياره الك كاله ييي وهو يضحك وكل ساع يباوع عليه واني كالعاده من اشوف شخص غريب احس الكلام يعلك ويطير مني اريد احجي كلمه ماكو ولا اكدر افتح موضوع لو احجي عكس نور دايما تحب تحجي وتسولف اجتماعيه
كالتله باجي ولك منيلك فلوس كاله صدوك جذب يوم يعني منين جبتهن بكتهن غير ملاتي الكل سكت وهو ضل يباوع عليه يريد احجي شي كوه نطقته وكتله بالعافيه وهو ابتسم وكلي الله يعافيج وبعدين كال يلا تعالو اوصلكم
صعدنه اني ونور ليورا وباجي بالصدر شغل المسجل وصوت عالي ونور تركص ع اغنيه حسام وهو يضحك عليه وهو ع اساس ميندل الطريق مع العلم السوك يبعد علينه خمس دقايق ويدخلنه بشارع ويطلع من شارع الخ وباجي تعيط عليه 😂
المهم وصلنه طبك يم محل ديرممون بي نور نزلت من ذيج الصفحه واني نزلت من الباب الثاني اول اول ما خليت رجلي بالكاع احس رجلي حشرت والوت باوع لكيت قوطيه مال صبغ يم باب السياره المهم الحذاء انصبغ والتنوره ادمرت بقيت ابجي ونور مصطفى يضحكون باجي سكت بيه كالت شكو تبجين روحي بدلي ملابسج وخلي مصطفى يجيبج عود خلي يخابرني واني احذج
اباوع ع مصطفى كيف وحلكه وصل الاذنه
بقيت حايره لا اكدر ارجع ويا للبيت اخاف ولا اكدر امشي بهذه المنضر
نور كالت اهووو اتأخرنه وهاي بعدهي تنوح امشي ماما امشي عود مصطفى يجيبه عافني وراحن 😢
تقربت ع كيف وفتحت باب السياره الوره وصاح عليه هااا هاا هااا
اني خفت كتله لا تخاف مراح ادمر السياره
كال لا تعاي كعدي اهنا هسه الناس شتكول
كتله نعمممم
كال اهوو مراح اكلج تعاي صعدي انطاني جريده كال خليه جوه رجلج صعدت يمه بالصدر قفل السياره وسد الجامه واني كمت ارجف بس قررت اقل حركه يسويه اشمر روحي من السياره 😂 هو مشغل المسجل صوت عالي وكل ساع يضحك بوجهي واني كلبي حسيته رح يطلع من بلاعيمي من الخوف وكل ساع فايت بحفره ويحرك روحه ويطخ ايدي  الطريق سواهه اربع ساعات اشاهدت يلا وصلت للبيت كبل عفته بالباب دخلت قبله وقفلت الغرفه ع روحي وبقيت صافنه بالمريا حجيت ويه روحي كالعاده والوم بروحي ليش هيج شخصيتي ضعيفه واخاف من كلشي مع العلم ابد ما عاشرت رجل سيئ بحياتي بابا الله يرحمه جان حباب وبعدين فلاح والشيخ هم جان خوش رجال بس اني بيه خوفه اخاف من كلشي اضل ارجف وابجي بسرعه
المهم بدلت لبست بجامه وتشيرت وكعدت احضر الجدول واعدل بكتبي قريت شويه بعدين كلت خلي انزل اشرب مي نزلت فتت للمطبخ لكيت مصفطى ديخابر وينتضروي
عاااا 😢 اصلا نسيته اني
سد التلفون كال ها يلا ترحين
كتله لا ما اروح بعد متسوه اتأخرت كال لا عادي اني اوصلج ع السريع
كتله لا ملازم
كال كيفج
بس بقه كاعد بالمطبخ شي عادي يلعب بتلفونه واصلا مو يمي بس اني ارجف مدري شبيه خليت الجاي ع النار وطلعت كليچه خليته بماعون وبدون ما احجي شي خليته كدامه وهو رفع راسه وابتسملي كلي شكرا
عاا اني اجه الجاي ينكلب عليه خررب مدري شبيه مدري خوف مدري خجل ما اعرف ايش
المهم خليت اليه بماعون هم وردت اصعد كال هاي وين تعاي كعدي خلي اسولفلج كتله هااا
كال شبيج تعاي انتي دايما هيج لو بس وياي
كتله شنو يعني هيج
كال ما ادري احسج فاصله
كتله شنو فاصله
كام يضحك وغص وطلع الچاي من خشمه كال شبيج انتي تعاي كعدي خلي اسولفج
اجيت خليت ماعوني ع الميز وكعدت كباله
بقه يسولف ع الحياة باوربا وشون يطلع وشون يتونس وسولفي ع صديقاته وع اصدقائهه
اني بس ابتسم واكله يي يي
بعدين خلص ماعون وبقه ياخذ من ماعوني ويشاقه ويصنف ويضحك خررب صدك فتحت حلكي عليه وعبالك يعرفني من سنين ولا عبالك صار اسبوع من اجه
بعدين اجتي نور الخبله وكالت هلا والله احنه ننتضر بيج ست رحمه انتي كاعده اتسولفين ويه هذه
كاله ولج اني ذاك اليوم شكتلج مو كتلج لا تتجاوزين شنو هذه
ام نور عاطت عليهم يبوو الله واكبر عليكم شنو انتو اطفال وبعد كالت لنور ليش اجذبين احنه ما انتضرنه
كمنه نضحك كلنه ع نور 😂
عزلنه المسواك وبقينه نشتغل اني ونور ونجهز حلويات لان اجتنه هيج طلبيه اجه مصطفى كام ياكل من عدهن
مصطفى : هاي ليش مسوين هلكد شنو عدكم عزيمه
نور : يي عزيمه بس مو عدنه 😂
مصطفى : شون يعني ما افتهمت
نور: شنو ما افتهمت شبيك هاي للعالم احنه انسوي طلبيات وانبيع والي نحصله النه اني ورحمه للمدرسين ومصرف النه

مصطفى تخبل وضل يعيط ويكفر وكسر الكلاصات واني نور وحده خالته وره الثانيه ونبجي ما ندري شنو الصار
كام يصحح يمممممه يممممه وينج تعاي
اجتي ام نور تركض شكو شكو
كاله اني كله شهر مو ادز مصرف لو لا
كالتله يي ادز
كاله ليش لعد تخلين البنات يشتغلن الفلوس الي ادزهن وين يرحن
كالتله اصرف منهن للبيت والباقي اضمه
كام يكفر له المن تضميهن فهميني مو كتلج حته هذه المحل عوفي وكتيلي اني اتونس بيه ويجن صديقاتي يمي

اني ونور وحده تباوع وبوجه الثانيه
كاله سمعي هذه اخر كلام عدي اذا شفتهن يشتغلن لو انتي تشتغلين احرك البيت ع راسكم
بقت باجي تبجي وكاعده بالكاع نور صعدت للغرفه وركعت الباب حيل
ركضت وراهه بقينه نتناكر كتله شون هيج تصرفين
نور : نور سكتي رحمه رجاااااء ليش هيج دسوي المن دضم المصرف واحنه اصابعنه رايحه من تفليس التمر ولف الكبه وحته الفلس الي نصرفه نحسبله ميت احساب

جان تعيط باجي من جوه ولج ادبسزز تحجين هيج هاي فوك تعبي وفوك ضيمي ابوج عافكم واني ابتليت بيجن ليش انتن طلباجن تخلص
نور بقت تعيط وتكله ع كيفج اليسمعج يكول مدلتنه همزين كل وحده ملابسه ضيك عليه يلا تشترين
بقت باجي تعيط بعلو صوته ونور تراددهه
نزلت جوه
كتله باجي ولا يهمج ختولي هاي زعطوطه هسه اخليه تنزل وتعتذر منج وتبوس راسج
كالت انتي احجي ولج قصرت بشي عليكم اني انتي مو اخذتج وما خليتج تفترين بالشوارع
كتله يي صح فضلج ع راسي ومراح انسى طول حياتي
بس اني سجاجين دخلت بكلبي من هذه كلامه صعب شخص تعتبره مثل اهلك وتالي بلحضه يطلع الي بكلبه ويتبره منك ..

للحكايه بقيه 😘