السلام عليكم ❤️🎊
رحمه
سمعت الخبر من باجي ...
شي وانضربت بي ع راسي حته ما اعرف شبيه مع العلم هو مجرد اعجااب هو حتى منطاني امل لو شي واصلا ما حجه وياي ليش هيج اني ضجت واتفاجئت 💔
نور عافت ايدي وبقت صافنه عليه وتريد تحجي شي بلسانه حجي بس متكدر بس وحده تباوع ع الخ
راحت باجي يم المريه كعدت والبنات طشن كلمن راحت تشتغل شغله وحده تخبز وحده اتنضف ناس راحت لبيتهم يعني خفت الهوسه شويه
بعدين اجن بنات وكلن لنور تعاي ويانه
اجت نور كالت تعاي وياي كومي
كتله ما اكدر ايدي توجعني كالت شبيج رحمه ليش ضايجه مني مستحيل الي بالج يصير والشي الج يبقى الج يا يوم اخذت شي منج شي تحبي اني
كتله وج انتي شتخربطين ياحب يابطيخ ما احب اي واحد بس ضايجه وايدي توجعني كالت كومي وياي لعد
كمت وياهه رحنه اجت البنيه صديقت نور انطتنه دشداشات بدلنه ورحنه نخبز وياهن ويشاقن ويضحكن لان الخبزه كل ساع توكع واني صافنه بالي مو يمهن واما ادري شيحجن كالت نور وج فضحتينه شبيج
كتله يمعوده شبيه انطيني المخبازه
كالت وج يا مخبازه كملنه والبنات راحن وانتي صافنه
كتله هاا يلا لعد امشي بس اريد احاول اسيطر ع اعصابي ماكو ليش هيج دا افكر هسه اني شعليه
صار المغرب وكله صلت وبعدين صبو العشه وهل المره العدد قليل الكل كعد سوه وجانت عائله بيت ابو عمر وبيت خطيبتهم واحنه وشكم ابنيه من بنات خالهم بقو يمنه ..
كملو عشه راحن البنات غسلن الماعين واني بقيت كاعده يم باجي ما كمت وياهن اجه مصطفى كال شبيج رحمه ليش ضايجه اكو احد مضوجج كتله لا ما بيه شي كال ايدج ليش شادته لعد كتله تعورتً
كالتله باجي اهوو هسه شعليك بيه انت هيه تستحي مو مثل ذيج المفضوحه اختك هسه من اجينه لهسه شفتهه كعدت بالكاع
كله يمه شتردين منه كله بنات ليش هيج خانكتهن
اجت ام عمر جابت الجاي وكعدت يم باجي ودك سوالف باجي كالت ماما رحومه فركيلي رجليه
ههههه ماما نوب رحومه شعجب
كتله يي باجي ادللي بقيت افرك برجليه وبالي مو يمهن ويم حجيهن
واحاجي روحي ليش ما اختاروني الي اني احلى منه وافهم ليش اختاروهه اله بس طبعا منو ياخذله وحده ما يعرف اهلهه واصله وفصله منين
بعدين استحقرت روحي لان هيج دا احجي وج رحمه هاي نور الي تحجين عليه نور الي دايما ادافعلج وتوكف وياج هاي اختج الما جابته امج شكد انانيه انتي
وبقيت ع هاي الحسبه عقلي يكول شي وكلبي شي ثاني الكل انتبهه عليه
بعدين ابو عمر عنده علمً انو وحده من عدنه مرته طلبته الامير عباله اني شاف امير طب اشر للمصطفى كله تعال
ابوهه كاله تعال وليدي تعال اكعد احنه عائله وحده انشاء الله
اجه امير واني كارهته مدري كارهه روحي اجه كعد يم ابوهه وميباوع عليه كتله بكلبي هسه اني ميته عليك
امير
صاحني ابويه وكلي تعاي اكعد يمي احنه عائله وحده ما اعرفت شيقصد بهل الكلام اجيت كعدت شفت رحمه دايره وجهه كلت يجوز لان مصطفى كاعد يجوز تحترم متكدر تباوع عليه خلي اني هم لا احرجه درت وجهي منه بس احس هاي البنيه شي يجذبني اله بس كالعاده اجذب احساسي علمود ميصير بيه مثل قبل بس احسه هيه هم معجبه بيه مبينه من خجلهه ونضارته
شويه وشفت نفسي اباوع عليه بدون ما انتبهه ع نفسي ونسيت الكاعدين يمي شاورني ابويه كلي ها اموري عجبتك انكول مبروك
كتله هههههههه حجي ع شنو مبروك
كال وليدي امك طلبته من ام مصطفى واهلهه ما كالو شي كبعو واخذو
يابه صدوك تحجون شون تقررون عني منو كلكم اني اريد ازوج
كلي انجب ذاك اليوم امك كلتلك وكالته بكيفج يمه انتي دوريلي شبيهه هاي البنيه تخبل وحبابه
ما حجيت شي وسكتت بس بداخلي فرحت وما مصدك اصلا بس ما بينت شي الهم بقيت اختلس النضر الهه من جوه لي جوه ههههههه
اشوفه مامجاهلتني وكارهتني ونضراته كله حقد
كلت يجوز عدهه باله واحد خلي اسئله واشوفهه احسن ما اتورط بيه وبعدين انصدم
رحمه
بقه امير يباوع عليه والضحكه مرسومه ع وجهه بعدين مصطفى كام وكله تعال بقه يباوع عليه وغمزلي اشرلي فوك
كلش استحقرته بوكته شكد حقير رح يخطب اختي وعينه عليه ويغمزلي والله لو يموت ما احجي ويا
صارات الساعه ب 12 بليل وعبالك عدهم نهار يسولفون ويحجون وحته باجي هاي الدجاجه الي تنام من وكت بقت تسولف وتضحك وياهم
اجت نور كعدت يمي طبعا اني اسولف واضحك ويه البنات علمود ميبين اني ضايجه
نور: رحومه ليش هيج تحركين كلبي والله الي بالج مراح يصير
رحمه : نونه عزه شبيج هسه وكته هذه الحجي خلي نرجع للبيت ونحجي عود كافي البنات لا يسمعنه واني حته ما ضايجه ولا شي اشوفني دا اسولف واضحك
نور: لا جذبين اني اعرفج من عيونج مبينه ضايجه هسه ليش هيج يا ربي احنه طلعنه نتونس اشويه نغير جو لازم تجي هاي البومه وتخرب كلش بس هو الفكر فكر
رحمه : عزه عزه ولج هاي امج لا تحجين هيج ليسمعونه 😂
نور : ضحكي فدوه لهل الضحكه لو ادري جان من زمان رحت سحلتهنً هيه وهاي ام عمر وجه جنه فلفوله 😂😂
رحمه : صخام بوجهج يي والله 😂😂
نور : وج انتي كل عقلج اني اخذ امير وج حبيبي الما اعرف اسمه يسواهه ويسوه عشيرته 😂
رحمه
ضحكتني نور صدك بكلامه وحسيت كلشي رجع نفس اول قبل لحضات جان التفكير مدمرني بس اني الي محيرني امير شيريد مني معقوله اني عجبته بس لا يمعوده هو خريج وحلو والف وحده تتمناهه اجه عليه اني
بس يجوز شافني اباوع عليه كال هاي خفيفه اهوو كله من وره نور 😢
طفت الكهرباء وكالت ام عمر بنات صعدن رشن السطح مي لان تتأخر يلا تجي الكهرباء علمود يبرد اشويه
صعدنه احنه مجموعه والبنات شغلن راديو صغير واغنيه تامرحسني وحده منهن كالت تعالن ع القاط الثاني علمود محد يشوفنه وومحد يحس بالصوت 😂
صعدنه ع القاط الثاني وجان اكو مخزن
كامن يركصن البنات ويشاقن 😂
ونور الله يسلمه ما قصرت صدك متت ضحك بوكته واتونسنه 👌😂
بعدين شفت ضوه طالع من المخزن خفيف
كتله يابنات تره اكوه ضوه بالمخزن كالن اهوو انتي خوافه
كتله والله من صدوك شفت ضوه
كالت نور يي يجوز جني
كالت وحده من البنات يي شكو بيه اذا جني صالح يجي هسه يكيتنه يشمر شكم فلس والله احنه خوش نركص 😂
نور كالتهن وج شبيجن هاي خوافه هيه الدنيا الضهر ومتقبل تصعد بالسطح تخاف الا اني وياهه 😂
بعدين ام عمر صاحت كالت ولجن شنو هل الدبج صار هو سطح رشنه ونزلن
...........
للحكايه بقيه ❤️
أنت تقرأ
قلوب من ورق .. للكاتبه دعاء الشمري
Romanceقصه باللهجه العراقيه ' تحكي ان هناك صديقتان احبو نفس الشخص لكن لمن سيبقى وما هيه النهاية ...قصه رمانسيه جريئه لا تناسب البعض
