قلوب من ورق .. للكاتبه دعاء الشمري

الجزء التاسع عشر

...............
🌺🌺🌺🌺
امير : شوف هاي ام وقت هسه اجي اسحله والله كلت انطيني نور لان امج من اكله انطيني رحمه اكيد متقبل ورصيدي هسه رح يخلص واني كلشي ما افتهمت بسرعه انطي التلفون لرحمه
نور : اعذرني والله  ست رحمه حاليا فتره كأئبه ومتحجي ويه اي واحد
امير : خرب رح تكفريني بلا شقى انطينايه الرصيد رح يخلص واني ما اكدر اشد هسه
نور: والله مدا اشاقه رحمه متحجي ويه اي واحد هيه هيج اسوي من اتضوج لا تحجي ولا تاكل
امير : عود صدك تحجين الصبح كلشي ما بيه ليش عود شكو
نور : لا ماكو شي بس اشويه مشاكل بالبيت
رحمه رحمه هاج التلفون
دخذي شبيج امير ع الخط يريدج مستعجل
رحمه : شبيج انتي شتحجين
نور : والله صدوك مدا اشاقه صار ساعه يحجي وياي ويريدج
رحمه : كوليه مريضه متكدر تحجي
نور : هياته هو يسمعج هاج انتي احجي ويا
رحمه : الو ....
امير : واخير باعي نزلي بسرعه وطلعي من الباب الخلفلي مال بيتكم وتعالي احجي وياج
رحمه : انت صدوك تحجي من كل عقلك شون اطلعلك وبعدين هذه الباب الخلفي شعرفك بي واحنه صار سنين باجي متقبل انفتحه روح الله يوفقك البيه مكفيني روح منين ما اجيت
امير : باعي اذا ما اجيتي رح ااجي اني واحجي وياج كدامهم هسه ساعه عشره ونص من تصير ونص وخمسه الكاج يمي
طووووووط طووووط انكطع الخط ☹️
رحمه
وج نور لحكيني هذه يكول هيج اذا ما نزلت يجي هو يدخل ويحجي وياي كدام باجي والله خايفه
نور
يي روحي شبيج شوفي شيريد اكيد عنده شي مهم لان ماكو واحد يقطع هاي المسافه كله بس علمود يحجي وياج دروحي يمعوده روحي بلكي طلع يحبج ويجي يخطبج وتخلصين من هل العذاب
رحمه
صدك نور يعني صدوك يجي يخطبني
نور
يي والله شكو بيه والله هو يحبج لو ما يحبج ما يقطع هاي المسافه كله ويجي يشوفج وهو الصبح جان اهنا اكيد يحبج ويريد يخطبج يلا روحي روحي بلكي نخلص من هل الذله هاي
رحمه
نور خايفه والله خايفه يا مره مسويته اني اطلع وبليل نوب احجي ويه ولد
نور
خرب حضي اللطم ع راسي هسه وج هذه رح يصير زوجج بعد مو ولد وبعدين هذه رب الاجه مناك الاهنا ميسوهه ويجي ويحجي كدام امي وهيه منا شون حنونه والله تموتنه حلال روحي وفضيهه وشوفي شيريد واني رح ابقه وره الباب انتضرج
رحمه
نزلت واني احساس يخبل فرح ع خوف ما اكدر اوصفه واخيرا رح اللكه واحد يسعدني
نزلت بي جنت خايفه احد يشوفني جنت لابسه اتراكسود مال نوم وخليت شال خفيف ع راسي امشي وحاطه اديه بجيوبي مشيت لحد ما وصلت للبيوت الفارغه شويه عن بيتنه وكل ساع امشي والتفت ع نور وخايفه خاف احد يشوفني لو يطلعلي جلب لو حيه مشيت مشيت تقربت كلشي ماكو معقوله هذه ناصب عليه لو ديستلى بيه اصلا اني هم خبله صدكت وين اكو واحد يجي من ديالى لبغداد بهل لليل
التفتت صار ضوه مال سياره عليه يشتعل ويطفه يشتعل ويطفه وكفت بمكاني جمدت ما اعرف شسوي نزل هو تقرب مني واني خايفه لا بيه ارجع ولا بيه اكمل بقه واكف يمي ويباوع عليه اني دنكت جان لابس تشيرت ماروني وبنطرون اسود يبو يخبل وعطره يجنن اني اجيته بتراكسود مال نوم وعيوني مورمه من البجي ههههههه
كال امشي تعاي نكعد بالسياره
رحمه : لا اخاف
امير : تخافين مني
رحمه : لا اخاف احد يشوفنه والمنطقه كله تعرفني اني بنت الشيخ ابو مصطفى
امير : من كالت بنت الشيخ ستحقرت روحي لان اني تفكيري هيه وحده من الشارع ما عدهه اهل
كتله امشي تعاي نكعد اهناك وره هذه البيت
رحمه : لا عفيه والله هم اخاف
امير : خرب منين تخافين هاي المره
رحمه : عاط بيه خوفني كتله اخاف يطلع جلب حيه
امير : امشي بابا امشي اني وياج
رحمه
مشينه كعدنه بس جان اكو حايط بانينيه ع النص عبر هو كدامي وكلي انطيني ايدج وطفري حاولت اعبر وحدي ما اكدر بعدين مديت ايدي وبتردد
امير
مدت ايده بس جانت كلش خايفه مني لزمت ايدهه وعبالك اول مره الزم ايد ابنيه جانت ناعمه ودافيه بقيت لزم ايدهه وهيه اصلا ما وخرته مني بقيت مستغرب معقوله تحبني لو هيه هيج ويه الكل
رحمه لزم ايدي وجنت حاسه هو منقذي مخلصي من جحيمي الي اني عايشه بي رح يخلصني من المصيبه الي رح توكع ع راسي
بقيت امدنكه راسي وهو يباوع عليه اثنيه حجينه بنفس الوقت هو كال اني اسف واني كتله اني اسفه
امير : ههههه انتي ع شنو اسفه
رحمه : لان كلت عليك مو رجال
امير : وهسه شبين الج
رحمه : ما بين شي عصر ايدي حيل وكال لزمي السانج كتله اذيتني اخخ رخه لزمته شويه كتله يعني اني ما اعرفك قبل ولا شي وانت التصرف الي اتصرفته الصبح مو حلو ما يسمى رجوله
امير :يي صحيح لذلك اني كتلج اسف
رحمه : بقيت ساكته ما حجيت شي
بعدين كتله ليش هيج جنت تتقرب مني وتسألني عندج علاقه او لا
كال لان جانو اهلي يلحون عليه ازوج وازوج وكتلهم تمام انتو شوفولي عروس وامي محاجيه ام مصطفى ع نور وابويه كلي ع رحمه انو هيه الي حجينه علموده وما جنت اعرف حاجين ع نور
جان يحجي ويباوع ع شفتي ويتقرب شويه اشويه لحد ما حسيت اطرافي كله ترجف وهو نصه صوته كام يحجي ع كيف
كتله زين وانت منو تختار
تقرب مني وجهي حيل بحيث غمضت عيوني حته ما اكدر اركز واحجي بعد حسيت شي دافي ع شفتي ووحسيت بلحيته
باسني بقيت ايدي ترجف ابتعدت عنه وسحبت ايدي

عدل كعدته هو وفرك وجهه وشعرهه

كتله شتريد صحتني هسه اهنا وجان كلبي يدك ع السريع احسه رح يطلع من ضلوعي ومحتاره اذا كلي احبج شراح اكله وشون راح يوافق مصطفى يجي يخطبني وشون رح اجاوبه
كال سمعي
كتله يي اسمعك
كال اني من رجعت وكالت امي خطبتلك نور اني ما اقبلت لان احس نور نفس اختي
كتله وانت شون تخلي امك تختار شريكت حياتك الي رح تنامون انت وياهه ع نفس المخده
كال لان اني جربت اختار وحدي وشفت صار بيه
اخليه وره امي وهيه تصفى

يي زين والمطلوب مني اني شنو لازم شسوي هسه

امير
انت متكدرين اسوين شي لان امي ما موافقه عليج ومتقبل اتخطبج ورايده نور وبعدين اني ملجوم كلبي من النسوان واخذت عهد ع نفسي حته لو ازوجت مستحيل بيوم رح احب زوجتي واتعلق بيهه لان ما اريد الجم مرت الثالثه و ...

رحمه
بعده ماكمل كلامه عفته وركضت عبرت من الحايط الدخلنه منه وكعت ع ايدي وحسيت بالم فضيع بس شديت كل قوتي وركضت واني ابجي واشهك وايدي تصب دم متزلغه وجع قوي  بس مو اكبر من وجع كلبي بقه يصيح وراي اوكفي اوكفي
عفته وجان احساسي بوكته نفس من سمعت الرجال يكول امه ماتت ورح تبقى يمنه اسبوع حسيت رجعت ضعت من جديد تلكتني نور  شافت ايدي كله دم صعدتني كوه الدرج وصلتني للغرفه وهيه دك وتلط احجي ولج احجي شبيج كليلي اعتده عليج كله من وراي اني خليتج ترحين
كتله لا نور ما سوالي شي ولا اعتده عليه بس شديلي ايدي رح اموت من الوجع

شدت ايدي وشربت دوه وحاطه المخده بحلكي من الوجع مال ايدي متت جابتلي نور حبايه منوم كالت شربي هسه ترتاحين
بلكي صير زينه منا للصبح

"‏من قال أن الضَربۃ 'التي لا تقتلك تقويك دائمًا ؟ بعض الضربات تتركك متشظيًا '•؎
حتى تتمنى لو أنها قتلتك،۔!' 💔

شربت مسكنات ولفيت ايدي وبقيت اردد حسبي الله ونعم الوكيل ع خوالي حسبي الله ونعم الوكيل حسبي الله ونعم الوكيل لحد ما غفيتتت ...........

للحكايه بقيه ...🌺🌺

شنو توقعاتكم شراح يصير برحمه ونور ؟!!