قلوب من ورق .. للكاتبه دعاء الشمري

الجزء الثامن عشر

صباح العافيه عليكم 😘🌺
...........
رحمه
سمعت الحجي واني ساكته ما اعرف شحجي صاحت باجي ولج نزلي اليوم اسوي ما اسوي بيج
نزلت واني ارجف بعدني ع الدرج وهجمت عليه ختلت وره نور واني ارجف ومصطفى كام يعيط ع امه بس هيه بعدهي مستمره تغلط وتحجي
وج فوك ما لفيتج وربيتج تردين تاخذين ابني مني شمسويه للولد عمود هيج مسحور بيج
كتله باجي الله يخليج بس سمعيني والله مالي دخل بمصطفى وحته ما احبه واجه كلي وكتله اني وياك منصير لبعض وهذه هو وسألي كدامج
مصطفى : يي صحيح كالتلي وكالت باجي مراح تقبل بيه بس اني اريده وكلمتي وحده مصير اثنين رحمه الي يعني الي وبالنسبه لنور خابريهه الام عمر وكليليه وماكو قسمه ورحمه اذا تعرضتيله تره اشوفين مني شي ميعجبج يا يمه خوش
رحمه
اخذ السويج مال سيارته مصطفى وطلع اني كبل ركضت للغرفه وقفلت الباب بقت باجي تغلط وتعيط وتسب عليه وع اهلي
كعدت بالغرفه واباوع ع الشباك العصافير تطير وتوه طالعه الشمس من حركت كلبي احاجي العصافير واكلهن هنيالجن اخذني وياجن وخلصني من هل العذاب هذه والله تعبت يعني عمري 18 وهلكد متعوبه ومذلوله لعد من اصير ب40 شصير بحالي كعدت نور كبالي هيه تبجي واني ابجي وهل المره صدك ماكو باليد حيله يعني بالحالتين اني طايح حضي مراح اكدر اخذ امير ولا اقوى من هاي مصطفى ياخذني غصبن عليه وحته دراسه يجوز ما اكمل
شويه وسمعنه صوت باجي طلعت للمحل راحت نور سوت ريوك وصعدته وكامت تتوسل بيه حته اكعد اكل
رحمه : نونه والله ما اشتهي مو بيدي اتريكي انتي
نور: انجبي لج كومي اكلي ومنا لباجر الف حلال يحله شبيج يمعوده هسه انتي شكو ضايجه يجوز هسه رح تنشق الكاع وتبلعنه ع هل الضلم هذه 😂
رحمه : نور انجبي روحي طافره مالي خلك تحشيشاتج
نور : دنجبي لج ع شنو احشش والله منطقه كله سكط منو البيهم زين تعاي كليلي اول شي جبار ابو العرك خطيه نهار كله يكتل بمرته وبناته لو هذه الخ ابو المحل نسونجي وعينه ع الرايحه وع الجايه لو مديحه العانس لو ام توفيق السحاره لو امي ضالمه ومشدده وميعجبه العجب اشو هيه منطقه كله سكط
رحمه : حجيتي عن ذول كلهم ونسيتي بيت حبيبج 😂
نور : دنجبي يولي اجيبين حبيبي ع ذوله صدك اشو اليوم ماكو خلي اصعد اطلع اشوفه صار يومين مشايفته ضايجه
رحمه : وج عزه العزاج كعدي تردين تفضحينه مو كافي الله غاضب علينه وكل شويه مصيبه
نور: دنجبي تردين اصير مثلج اكعد ادك واللطم
رحمه
طلعت نور ومدري احسدهه ع هاي الجرئه مدري فطاريه مدري خبال ليش هلكد متهتم ليش حته ما اصير اني مثله ليش احرك بروحي بس لا رحمه انتي شتحجين مهما ما يكون تبقه امهه من لحمه ودمهه طبعا متهتم ومتيشيل حزن 💔

امير
رجعت للبيت والطريق كله ربك ستر همزين مسويت حادث اخ يابه اني مره تكول عليه مو رجال لا وجماله تكوله بوجهي اني الج اني اعلمج
وصلت للبيت واني شايط راسا دخلت لغرفتي وركعت الباب اجت امي تركض وراي هايمه شكو شبيك متعارك
لا مابيه شي عوفيني تعبان اريد انام
يي يمه نام بس كلي وصلت خالتك ام مصطفى شفت البنيه عجبتك
يي يي وصلتهم وساعتً السوده وشفت البنيه وكرهته واريدج تخطبيه
ياا يمه شون اذا كرهته تريدني اخطبهه فهمني تره حيرتني انت والله
يمه شبيج اني شكتلج ذيج المره من كتيلي اريد اخطبلك كتلج عادي ازوج بس مالي شغله بيه ولا تتوقعين يوم احبه لو احترمه
يا يمه لعد شون بنات الناس لعبه عندك
والله يمه هذه الموجود اني ما ردت ازوج بس انتي زرفتي كلبي وكله هذه علمودج الا اني تدرين مالي نفس بالنسوان وماشاء جنتج المستقبليه كملتهه وكالت انت مو رجال

ياا يمه عزه هيج هيه كالت شوف اسويتله وهيج كالت بعدين صدك نوره السانه طويل بس حبابه وخدومه وكلبه طيب واني متأكده رح اتسعدك

شنو شنو شنو اكفي بالله اوكفي نوره شجابه بالموضوع هسه هههههههه

يا يمه شون شجابه غير خطبتلك ياهه البارحه من ام مصطفى وخطيه كيفت وكالت اني وين الكه احسن منكم تعالو كبعو واخذو

يمه شبيج تره خبلتوني ابويه يكلي شوف رحمه وانتي اتكولين خطبتلك نور شنو هيه سحبه خوما سحبه

يا يمه غدي رحمه شنو هاي واخطبلك ياهه من  الشارع حته اهل ماعدهه وعرفت خواله كتلو امهه جانت مو زينه استغفر الله وشمرو البنيه بالشارع غير خلفه ع فلاح والشيخ اخذوهه

ليش يمه ورحمه شله دخل باهلهه هيه حته ما ربت عدهم

لا يمه اووي اسكت فدوه اروحلك غير اساس وكلمن يطلع ع اهله واصله

امير بقيت ساكت وما اعرف شحجي وعقلي يجيب ويودي نمت وتحلمت نمشي اني ورحمه بس هيه بعيده عليه واني امشي وراهه بصحراء بعدين فاتت برمل هذه اليبلع البشر وبقت تستنجد بيه واجيت اخذ ايدهه وانجريت وياهه ...
فزيت عركان وخايف ياربي سترك شنو هل الحلم هذه خاف البنيه يصير عليه
كمت غسلت ورحت للمعارض بقينه كاعدين اني وعمر وجماعتنهً اجوي يمنه وبقينه نسولف ومندمجين فجاء صفنت والحلم اجه ع بالي شلون تغرك صاح عليه عمر امير امير شبيك صار ساعه نحجي وياك وين صافن
كتلهم هاا لا ماكو شي اخذت السويج وكلت العمر صديقي خابرني ابوهه متوفي ورايح اوكف ويايه محد عنده كال اوكف خلي اجي وياك كتله لا الشغل منو اله واهلي يبقون وحدهم كال ابقه الصبح روح كتله لا هسه اروح واوصل بليل
جان العصر طلعت وسقت كل سرعتي والسيطرات موتوني بالكوه وصلت لبغداد ساعه بالتسعه بليل رحت لمنطقت بيت مصطفى وطبكت سيارتي وره البيت مالهم جان اكو باب خلفيه واكو قطع وراهم بعدهي ما كامل بنائهه 
شلت التلفون ودكيت ع ام امصطفى
فتحت خط وضلت هلو خاله شلونك وصلت ما اعرف ايش من هاي السوالف بالنه يمك
كتله اشكرج خاله تسلمين بس اريد نور احجي وياهه توقعته رح ترفض ومتقبل بس اشو هاي طارت من الفرحه  وكبل صاحت نور تعاي امير يردج ع التلفون
اجت نور كالتله لا بربج منو امير عمود احجي ويا كتله وج فضحتينه هاج احجي بعد معاناة وعرك واني اسمعهن وحاط ايدي ع خدي منتضر ست نور شوكت نتشرف ونحجي وياهه
اخذت التلفون وكالعاده ماعدهه اسلوب وما تستحي كالت خير شتريد والله لو يصوغك ذهب ما اخذك تحلم
كتله كملتي  كالت يي كتله انطيني رحمه احجي وياهه
نور: شنو رحمه
امير : يي شبيج انطيني رحمه احجي وياهه كلمتين واروح
نور : لعد ليش كلت نور بلا اني مو بعينك وصار ساعه ضيعت وقتي
امير : شوف هاي ام وقت هسه اجي اسحله والله كلت انطيني نور لان امج من اكله انطيني رحمه اكيد متقبل ورصيدي هسه رح يخلص واني كلشي ما افتهمت بسرعه انطي التلفون لرحمه
نور : اعذرني والله  ست رحمه حاليا فتره كأئبه ومتحجي ويه اي واحد
امير : خرب رح تكفريني بلا شقى انطينايه الرصيد رح يخلص واني ما اكدر اشد هسه

..........🌺🌺
يتبع ...