قلوب من ورق .. للكاتبه دعاء الشمري

الجزء السابع عشر

مرحباا ❤️✨

‏إذا أتاك ما تخشاه فقل : حسبي اللّه ..
‏و إذا فاجأك هم فقل : و أفوض أمري إلى الله ..
‏وإ ذا خنقك الحزن فقل : إنما أشكو بثي وحُزني إلى اللّه

رحمة
بقيت مثل المخبله حالتي لا تسر عدو ولا صديق افتر اهنا واهنا اريد افتهم شكو ماكو وكل ساع اطلع ويسحلوني يدخلوني جوه
ولاقوهً من هاي فقدت صوت احاول احجي ماكو من الحركه ادك برجلي بالكاع اريد يطلع صوتي ويجن يلزمني ويهدني طبت باجي تركض وتصيح ع الجنسيه مال مصطفى سألنه النسوان هاا شصار
باوعت عليه وكالت الله لا يوفقج لو ماخذج الله ويه اهلج ومخلصني ولو عايفتج من امده الساعه الي استخطيتج بيه وجبتج
كالنله النسوان ام مصطفى شجاج ع البنيه فهمينه شصار
كالت شفهمجن مصطفى رماهم وكعت طلقتين بعمر والولد يمكن هسه مات ومصطفى اخذو المكافحه مدري الشرطه الغبي ابن الغبي بسرعه سلم روحه ما انهزم
رحمه
سمعت هذه الحجي احس الدنيا طلعت من عيني ضاك صدري اريد ابجي ما اكدر اختنكت
حته بالولد المصوب ما فكرت
بالي كله يم امير شنو حاله هسه
........
البيت خبصه وناس اطب وناس تطلع صارت الساعه ب 3 بليل ومحد منطمر ليله سوده مرت علينه اخوان الشيخ اجو من غير محافضات والجيران وباجي كاعده بالباب تبجي وتنوح وكله تدعي الولد ما يموت علمود مصطفى ما ينحكم
صارت ب الخمسه الصبح اذن دك تلفون الشيخ الجبير كله ركضت كله تسنط شكو
كال لا حوله ولا قوه لا بالله
كله كالت هااا ها شكو كال عمر توفه
النسوان كامن يعيطن والهوسه وناس كل واحد يحجي شكل
وخبصه
راحو اهل امير للديالى اهناك دفنو الجنازه وراحو كرايب الشيخ عمام مصطفى وخواله وشكم واحد رايحين للفاتحه بس طارديهم
اجو ولد شباب رايحن وياهم ما اعرفهم منًوبالضبط
كاعده ع الدرج وجسمي بايد حته ما بيه حيل ابجي احس خلصت طاقتي
اسمع الولد يسولف الامه يكله اخو التؤام متخبل نايم وياهه بالكبر يكولون كوه ساحلينه وراد يشمر روحه من السياره وهيه تمشي وهسسه حابسينه بغرفهً يخافون عليه
اني سمعت هيج اتخبلت كمت اللطم ع وجهي اويلي عليك امير شنو حالكً هسه اذكر قبل يكلي رحمه توقعي اذا عمر راسه يوجعه وهو بغير مكان اني هم راسي يوجعني
شون رح يتحمل الله يساعده
ضليت الوم بروحي كله من وراي كله اني ادري بمصطفى مراح يعدهه الي ليش وافقت بقيت ابجي واللطم والبنات صعدني فوك ويهدن بيه ونوب صوتي يكللي ليش متحجين اشررلهم بايدي واكلهم ماكو صوتي اختفهً محد تفتهم عليه عبالهم اني ما اريد لان تعبانه
صارت الساعه ب 5 العصر الغروب ائذن اشو فقدنه نور ماكو بقينه اندور بالبيت ونسأل طلعت باجي واخواته يدورن بالمنطقه سائلين طفل اصغير كايللهم البارحه شفت محمد شايله وركض لبيتهم وهيه بدون حجاب وملابسهه كله دم باجي كامت تلطم ع وجهه  راحو دكو الباب طلعتلهم اخت محمد الزغيره سأليهم نور وين البنيه كايلتلهم توكم يلا اذكرتوهه نور البارحه مركوع راسهه بالصبه واخذهه محمد وامي للمستشفى
خابرو محمد كلهم يي احنه بفلان مستشفى ودزيت عليكم ولد كتله روح كللهم بس ما مندلكم
واني ما اكدر اعوفه واجيكم 
اخذو العنوان منه وراحو خوال نور اثنين وباجي وبنت خالتهه يركضون للمستشفى
طابين لاكينه منطيهه مهدأت ونايمه
سألين الدكتور كايلهم مسويله فحوصات كل شي مابيه بس من تصحى تبقى تعيط وتملخ بنفسه وتركض لحد ما ينطوهه مهدأت وتنام من البارحه هاي حالته ومرتين تريد تطلع من الغرفه ويرجعوهه لحد ما سولهه تحاليل وطلعت تحاليله ما بيه شي وانصحكم تعرضوهه ع طبيب نفسي حالته الصحيه ما بيه شي
طلعو نور من المستشفى بس وضعهه متغير تحجي حجي ما مفهوم وتكسر وتسوي واحنه ملتهين بهاي السالفه وناس اطب وتطلع علينه خلصت الفاتحه مال عمر وراحو الكرايب الي جانو عدنه واتفقو الرياجيل وره السبعه مال عمر يرحون يفصلون
مرت شكم يوم والخطار خفو كامو محد يجي بقينه بس اني ونور
بس شنو وحده خرسه وحده مدري شبيه فاصله عساه  زواج الاسود عليه لو ادري جان رافضه من البدايه وقابله بمصطفى ولا هاي الكارثه الصارت طلعت باجي من الصبح ادور ع محامي لمصطفى كالوله كرايب الشيخ لا تسوين شي من وحدج احنه نتصرف بس هيه ما سمعت طلعت من الصبح ادور محامي وتسئل نزلت اني بيه ما بيه اباوع البيت هوسه مكلوب كلاب اباوع ع الترك كله المواعين مال كيك وباكيتات مال عصاير مشمره انهد حيلي باوعت ع السما كتله ليش ربي ليش هسه مو عروس لازم اني والسبعه مالتي هسه
بعدين استغفرت ربي وسمعت صوت بالمطبخ من المشيه عرفته مشيت نور فرحت بيه كلت يي يالله تحسنت
مشيت اتمنى اروح احضنهه اصيحهه بسمهه بس صوتي ماكو ما اكدر انطق
طلعت بوجهي لازمه سجينه بقت اني ارجع ليوره وهيه تتقدم عليه وتحجي حجي ما مفهوم بس شكم كلمه افتهمته منه تكلي ليش ولج ليش الا اكتلج واموتج بهاي ايدي ليش ما خليتني اعرس ليش ما خليتني افرح بعرسي اموتج اليوم
احاجيهه بكلبي بس صوتي مايطلع بقت تعييط لييييش ليييييش
وركضت عليه افتريت اني كبل ودفرت سطل المسح عثرت بي هيه وكعت رادت تكوم زلكت بالمي
ركضت اني بالشارع بتراكسودي حته حجاب ماكو ع راسي شفت محمد يغسل بسيارته عاف الصونده واجه عليه يركض هاا خويه شبيج شصاير اشرتله بيدي ما افتهم عليه كلي خويه احجي شبيج لطمت ع وجهي واشرتله ع ركبتي يعني تذبحني   
هم ما افتهم دفع الباب مالنه ودخل جوه واني وراهه كل ساع يلتفت عليه ويرجع يمشي ع كيف فتنه من باب المطبخ شفنه نور كاعده وصافنه ع الكاع شافتنه جان لزمت السجين وركضت علينه عااااااا اليوم اكتلكم والله اليوم ما اخلي بشر بهذه البيت
اني ركضت طلعت بره وبقيت اباوع ومحمد يحجي وياهه ويروح منا ويجي منا اخر شي شمر الخاولي ع وجهه ونام فوكه ولزم ايدهه بقت هيه تدفع وتعيط قويه حيل
كام يصيح عليه امشي جيبيلي شي اشد ايده جبيلي حبل بسررررعه كام يعيط بقيت اني افر باذني ولك هاي اختي شون تربطهه وليش هيج لازمه اذيته احجي بكلبي
عاااط بيه هو وكلي شبيج صافنه رح اتأذي روحه بسرعه اتحركي هذه الحجي نور تدفر بي وكل ساع ضاربته ضربه تهد الحيل كلش قويه هيه بقه هو يتماطل وياهه ركضت اني لكيت شال ع الدرج ركضت انطيته اله كلي تعاي شديه بصوت عالي اجيت اني اركض وارجف هذه شيحجي ولك هاي اختي شلون تريد اربطهه
خليت الشال ع ايدهه صاح عليه شدي قوي شديته حيل واحس روحي تتكطع وهيه تكلي ولج عوفيني والله اموت بهاي ايدي يا نذله يااا حقيره
رباطناهه وخليناهه ع التخم بقت هيه شيل روحه وتركعهه
اجه حجه وياي اشرتله بيدي ما افتهم عليه كلي خويه لا اضلين هيج ام مصطفى وين حرر شكله ركضت جبت ورقه وقلم ع الثلاجه كتبتله صوتي راح اختفه ما اكدر احجي مو بيدي
تعجب هو وكلي يعني قبل سبوع جنتي تحجين كلشي ما بيج كتبتله يي جنت احجي بس من يوم السالفه الصارات صوتي اختفى
كال الله كريم خويه هسه انتبهي ع نور بين ما اصيح امي واجي
اجت امه خطيه تركض وسولفله ع نور وعً حالتي بقيت اني مكابله نور وكاعده ابجي وهيه وتعيط وخري مني وخروهه مني لا اشرب من دمه
كمت كعدت ع صفحه اجت  المره باستني براسي وبقت تسولفلي هذه اختبار من رب العالمين ولازم نصبر وهيج نسوي وهيج انسوي
شويه واجت باجي صفنت علينه وكالت يااا هااي ليش رابطين نور نور سمعت صوته بقت تغلط غلط بعمرهه ما سامعته منه ولا حاجيته ابد بقت تغلط ع امه
امه ما تحملت وهيه منا محترك كلبه نزعت الشحاطه وبقت تضرب بيه ع راسه وهيه تخبلت بالزايد كامت تكوم وتشمر روحه بالكاع اديهه مربوطه متكدر اتسوي شي
هدئه محمد وطلعنه بره بالمطبخ قفلنه الباب ع نور سولف محمد الباجي كل للي صار وكله جانت لازمه السجين ع رحمه ورادت تكتله باجي ما صدكت وكامت تضحك كلتله انتي شتحجي وليدي هيه تكتلني اني علمود ست رحمه بس البنيه متغيره ما جانت هيج صدك جانتت تراددني وتتعارك وياي بس مو هيج تغلط وتلزم السجين